Vandræði með afturdrifslæsingu í LC 90

Ég sé það að við þurfum varla að kaupa Haynsmanuali þegar við höfum hann Freysa með okkur.

kv. gundur

það er gott að ég hef ekkert vit á læsingu í Musso og sérstaklega ekki þessum andfætlingaloftlæsingum því þá þyrfti ég að segja þer hvernig ég stóð að viðgerðinni á loftlæsingunni sem fraus í fyrstu ferðinni hjá mér norður Kjöl held ég 1987.
það fraus nefnilega í læsingunni og hún hætti að virka. þegar ég kom á Akureyri var bíllinn settur inn á verkstæði og hitaður þangað til læsingin fór að virka þá var settur vodki í svampinn sem sem þjónar tilgangi loftsíu. eftir það fraus ekki meir í læsingunni. en á leiðinni suður var dælan að pumpa mjög mikið þangað til það kom vond lykt og þá hætti hún. þegar heim var komið var þetta inspectað. jú víralúmmið var brunnið, skifti um það og setti sverari víra en samt fór dælan ekki í gang. mældi mikið og fann út að relayið var brunnið. skifti um það og dælan fór í gang en gekk lengi svo að ég fór að athuga jú loftið for niður í hásingu og út um öndunarventilinn. jæja hásingunni slátrað og fann út að boltarnir sem halda læsinunni saman voru brotnir og búnir að brjóta kambinn. skift um það og settir nýjir boltar og læsingin límd saman með legulími því að frá ARB framleiðendanum passaði lokið ekki á húsið munaði 0.1mm og gat því aldrei verið til friðs eftir mínum fræðum. Gleimdi næstum að skifta um O-hringina sem voru upphafleg ástæða fyrir því að ég tók allt í sundur. Reyndi að stilla inn nýtt drif en uppgotvaði að læsingin var skökk. líklega fallið vitlaust saman á límingunni. fór á renniverkstæði og tók spón og rétti hana af. Stillti inn drifið og tókst vel. setti saman. allt virkaði og fór í Landmannalaugar. kominn áleiðis að Bjallarvaði þegar dælan pumpaði endalaust. jafnvel þó að læsingin væri ekki á, vond lykt og reykur aftur , slökkti á dælunni og sá að vírinn frá 6 kvaðrata vírnum sem ég hafði lagt í stað þess sem brann og lá inn í kol var brunninn. skifti um það er heim var komið og lóðaði 6 kvaðröt við kolin. dælan fór í gang en stoppaði ekki og bara puðaði. slökkti og tengdi mæli við kútinn og setti í gang aftur. slökkti handvirkt þegar dælan var komin í 180 psi skifti um pressostatið. Allt í fína og fór á fjöll. lenti í klakahröngli í Tungufljóti sem tók loftslönguna í sundur og braut nippilinn af hásingunni. Heim að laga. prófaði læsinguna og enn vildi dælan bara ganga og virtist fara létt með það því það kom enginn þristingur í kútinn. fann út að það var 0.05mm platínuföler ofan á stimplinum í dælunni sem átti að vera einstefnuloki í dælunni og var brotinn og hafði eyðillagt stimpilhringina.

nú nenni ég ekki að skrifa meir í kvöld en held áfram með söguna af læsingunni síðar enda var hún mörg ár í bílnum en þetta eru bara fyrstu 3 vikurnar.

Það mætti nú alveg segja mér að ARB í dag sé nú ekki alveg það sama og ARB var fyrir 1987

Rafmagnslæsingin hjá er mér að hætt að virka eina helvítis ferðina enn. Veit ekki hvað ég er ekki búinn að gera fyrir þetta kvikindi. Þrífa, þétta, smyrja, endursmíða, breyta öndun, laga loom, skipta um loom og guð má vita hvað. Sennilega eina vitið að fara að setja á þetta lofttjakk….

ps. er einhverstaðar hægt að fá þennan stóra O-hring sem er í þessu dóti?
Og hvar fær maður svona tengjafeiti?

kv
Rúnar.

Sæll.
Það er pungur sem kemur ofan í hásinguna við læsinguna sem getur verið að stríða þér. Þessi pungur og læsingin er tengd við "tölvu" sem stjórnar læsingunni. Ég lenti í því að þessi pungur var að gefa röng skilaboð um af og á sem gerði að verkum að læsingin vildi ekki vinna rétt. Það var sem sagt í lagi með læsinguna sjálfa. Eftir að vera búin að skipta um læsingu og tengisnúrur þá fóru menn að veita þessu stykki athygli ( sem kostar lítið ) og skiptu um það. Allt er í lagi síðan ( enda búin að skipta um allt ). Á mótorinn ennþá ef einhver hefur áhuga.

Kveðja
eie