This topic contains 5 replies, has 1 voice, and was last updated by 
-
Topic
-
Vááá … Vandræði í Markarfljóti sumarið ’88(MYNDIR) ég fer aldrei aftur í Þórsmörk! Nei svona án gríns þá er þetta svakalegt og mér þykir gæinn heppinn að hafa sloppið úr bílnum lifandi, þótt ekki hafi allir verið svo heppnir því miður. En ég hef séð ófáa vera full djarfir í ánum þarna, og þá yfirleitt menn í kringum minn aldur! Þetta sýnir manni bara hvað þetta sport getur verið hættulegt ef menn skoða ekki hvað þeir ætla að gera áður en þeir stökkva út í djúpu laugina.
Mér þætti það ekki óvitlaus hugmynd að fara nýliðaferð einu sinni að sumri til og fara þá inní Þórsmörk og kenna nýliðum hvernig á að fara yfir ár. Sú kennsla gæti bjargað mannslífum! Ég því miður lærði af engum nema sjálfum mér að keyra yfir ár og lesa um hvernig maður ætti að gera það í bókinni „Jeppar á Fjöllum“ sem er biblían mín og liggur alltaf á náttborðinu. Viljum við virkilega sjá fleirri svona atvik gerast?
Hvað segiði um þetta?
kv, Ásgeir fermingastrákur
-
Replies
-
Júlí/Ágúst??
Vaða straumharðar jökulár??
Mikið af jeppum??
Þórsmörk??
Grill??
Tjald??
Rigning??Ég er til!
Þetta eru rosalegar myndir. Það er betra að vanmeta ekki kraftinn í jökulánnum og Markarfljótið er örugglega sjaldnast fært.
En þetta er góð hugmynd Ásgeir, vatnanámskeið í Þórsmörk.
Kv – Skúli
Reikna með að Verkfræðingurinn hafi átt við að ökumaðurinn hafi aðeins litið af slóðanum á meðann hann teygði sig í kókflöskuna og endaði áður en hann vissi af, bara út í miðri á.
Sem betur fer fór allt vel þarna. Nema náttúrulega ónýtur bíll en fyrst þetta var ekki Toyota þá hefur það verið í lagi. Þannig beyglað….
Ég held að nóttina sem þetta skeði hafi Guðmundur Guðmundsson í Hvolsvelli verið með fjölskylduna í tjaldi Fljótshlíðarmegin innan við Þórsmörkina . Eldsnemma ,milli kl. 5 og 6 vaknaði hann og fannst hann verða að keyra niður með Markarfljóti og kom þá að þessum jeppa á kafi . Hefur svo líklega kallað á Dagrenningarmenn til aðstoðar því að mér sýnist bíll þeirra vera á bakkanum
á einni myndinni. Guðmundur hefur áður fengið svona hugboð vegna óhappa. Guðmundur er alinn upp í Fljótshlíðinni og þekkir vel árnar. Kv. Olgeir
Tímasetningin stenst allavegana hjá Olgeiri, því þetta var eldsnemma á sunnudagsmorgni og bílnum hafði verið ekið fram og til baka um bílastæðið hljóðkútslausum, frekar til ama þeim sem reyndu að sofa. Það var svo félagi þessa á þakinu sem kom hlaupandi og sagði bílinn þeirra hafa farið í fljótið. Við hlupum af stað með kaðla og tóg niður að ánni og horfðum upp á bílinn berast með straumnum, stundum voru dekkin uppúr og stundum þakið. Hann stoppaði svo á endanum á stóru grjóti í ánni, svo það var mikil mildi að strákurinn komst út úr bílnum. Það safnaðist síðan nokkur hópur fólks okkar megin á bakkanum en enginn gat aðhafst neitt, búið að hringja í björgunarsveitina á Hvolsvelli. Þá birtist bjargvætturinn og náði stráknum í land af hinum bakkanum. ´
Fæst orð hafa minnsta ábyrgð varðandi meinta áfengisdrykkju, en óneitanlega læðast að manni grunsemdir – einbíla, óbreyttur bíll, sunnudagsmorgun kl. 06, aka út í Markarfljót í vexti……
kv
Benni
You must be logged in to reply to this topic.