This topic contains 4 replies, has 1 voice, and was last updated by 
-
Topic
-
Sælir, félagi minn var að kaupa bíl með hásingum undan GMC suburban c.a. árg. 1984. Vandræðin eru að bremsupedalinn sígur niður þegar stigið er á hann, og bílinn er í gangi. Þegar bremsurnar að framan eru teknar úr sambandi og höfuðdælan blinduð er allt í lagi, geta framdælurnar verið ónýtar og þá hvernig?. eða hvað er að?. Það er enginn leki á kerfinu. Hefur einhver lent í svona löguðu?. Og að lokum, á einhver svona dælur sem eru í lagi og eru falar. Takk. Steindór T. Halldórsson. Síminn hjá félaga mínum er 895-7958. P.S. ég gleymdi að geta þess að höfuðdælan er ný, og hvergi nokkursstaðar sjáanlegur neinn leki.
-
Replies
-
Ef bremsuvökvinn á forðabúrinu lækkar ekkert þótt pedallinn fari nokkrar ferðir í gólfið þá er þetta framhjáleki í höfuðdælunni og þarf að skipta um eða endurbyggja hana. Hann gæti t.d. verið á ákveðnu vinnslusvæði og ef pedallinn er mjög ofarlega eins og sennilega er tilfellið þegar frambremsurnar eru aftengdar þá er dælustimpillinn hugsanlega að vinna á óslitnu svæði og því enginn framhjáleki.
Ef hins vegar tæmist af forðabúrinu þá fer vökvinn eitthvert. Hann hverfur ekki. Ef hann kemur hvorki út við hjól, bremsulagnir eða undir teppið við bremsupedalann þá hlýtur hann að leka úr höfuðdælu inn í sogslönguna sem drífur powerbremsurnar – og endar svo inni í vél.Ágúst
Ég er ansi hræddur um að þessi höfuðdæla sé of lítil miðað við bremsudælurnar, úr því að þú ert fullviss um ágæti hennar. Þetta hefur hent mig oftar en einu sinni og lýsir sér einmitt á þessa leið. Hvernig bíll er þetta sem hásingarnar eru undir, var hann með borðabremsum að framan áður eða jafnvel minni bremsudælum?
Kv, Hjölli.
Anonymous- Umræður: 0
- Svör: 16404
Þetta er Benz 309 árg. 1985, þessar hásingar eru búnar að vera undir bílnum í 10 ár, þetta bremsuvandamál kom að sögn fyrri eiganda upp núna í vor þegar hann fór með bílinn í skoðun.
Ég lenti eitt sinn í bremsuvandamáli á mótorhjóli sem lýsti sér sér þannig að þó að búið væri að lofttæma hundrað sinnum er skoða dælur og allt sem manni datt í hug þá bremsaði hjólið aldrei neitt að framan. Það var ekki fyrr en skift var um slöngu að allt í einu urðu rosa bremsur á hjólinu. Í því tilviki er um að ræða langa slöngu og litla dælu svo það er líklegra að svona vandamál komi upp í hjóli en bíl. En hver veit kannski eru einhver slanga orðin svo léleg að þegar þú stígur á bremsuna þá ert þú bara að pumpa upp slönguna en ekki að ýta dælunni út. Svona í lokin það er alltaf gaman að heyra af því þegar vandamálin leysast svo endilega skrifaðu þegar þú ert búinn að redda þessu.
Kristjón
Ps. Allt í einu mundi ég eftir öðru veseni með vökvakúplingu sem ég lenti í. Það var vegna þess að það hafði brotnað gormur sem togaði upp pedalann, þyngdin á pedalanum dugði til þess að höfuðdælan fór aldrei alveg til baka og tók þess vegna ekki vökva úr forðabúrinu.
You must be logged in to reply to this topic.