This topic contains 4 replies, has 1 voice, and was last updated by 
-
Topic
-
Ég er að velta fyrir mér að kaupa GPS tæki. Reikna með að nota það bæði á gönguferðum og í bílnum, sennilega þá tengt við tölvu. Sem sagt lítið og létt og með tölvutengi og að sjálfsögðu alls ekki mjög dýrt.
Fara þessar kröfur um tæki til að nota á göngu og í bíl e.t.v. illa saman ? Hvað eru menn að nota og hvernig er reynslan af þeim.Ég sá að fríhöfnin í Keflavík býður einhver Garmin Geko 201 á 13.490 kr. Þau eru lítil og létt og með PC tengi þótt snúran fylgi ekki með. Er þetta algjört drasl ?
Kveðjur
Ágúst
-
Replies
-
Það er enginn með sömu sérvisku í þessum málum. Ef þú vilt fá mitt álit á þessu þá finnst mér vera mikið atriði að geta tengt aukaloftnet við tækið. Ég er bara með gamalt Garmin GPS II+ og vill ekkert annað því að ef ég vill geta verið með kort þá fer ég ekki og borga 70 þús fyrir tæki með stórum skjá og kortagrunni heldur kaupi ég frekar nýja fartölvu á 99.900. Ég get tekið það úr bílnum og sett lítinn loftnetstubb á það og notað það sem göngutæki og það getur gengið á batteríum og 12v úr bílnum.
En því miður fást þessi tæki ekki lengur en eflaust er hægt að finna eitthvað sem styður þessa 3 möguleika: Tölvutengingu, 12v og batterí og aukaloftnet.
Ég mæli með Garmin GPS Map 76.
Kostir
– Gengur á 12 voltum og er með batterí.
– Tengist við utanaðkomandi loftnet ef mönnum sýnist svo.
– Tengist að sjálfsögðu við tölvu.
– Er með sæmilegum skjá sem hægt er að keyra eftir ef maður er ekki með tölvuna.
– Tækið ræður við Íslandskort.
– passar í vasa og fer ágætlega í hendi
– Er með nægjanlegt minni til að nota í göngu.Gallar
– Sumum finnst erfitt að koma því fyrir á hentugum stað í mælaborði.
– Getur ekki haft endalaust margar leiðir geymdar í minni, en þetta á nú við um öll tæki.Elvar
Ég á þetta gula, ódýrasta Etrex tækið og það er ekki með útiloftnet. Ég er bara með það í við framrúðunua og ég næ alveg fullu signali þar. Best er þá næ ég frávik um 5 metra. Og það er hægt að tengja við tölvu og 12 volt.
Eini gallinn við það er að skjárinn er ekkert voða stór.
Kveðja
Helgi
Sæll
Ég nota Garmin Etrex Legend (næst ódýrast), það er tengjanlegt í 12 volt (snúra fylgir með til að tengja beint í PC) en það þarf að kaupa snúru aukalega minnir mig ef þú vilt tengja í 12 volt og PC bæði í einu, sem er hentugt í bíl til að spara batterí (pakkinn kostar um 30 þús m/standi í mælaborð, sem er algjör nauðsyn, og með PC/12V snúru).
Ég staðset standinn á miðju mælaborði við framrúðu, snúrur trufla lítið við akstur og ég hef alltaf náð ágætu signali (7 m þegar best lætur en aldrei misst það alveg). Skjárinn er ekki góður til að keyra eftir en dugar þó fullkomlega til að bjarga sér í styttri ferðum. Fyrir lengri ferðir tel ég nauðsynlegt að vera með tölvu í bílnum. Ég hef ekki mikla reynslu af því í göngum ennþá en tækið er nokkuð þægilegt í notkun! Hægt er að fá Íslandskort í það (15 þús. kr. aukalega).
Þetta er ágætis valkostur að mínu mati fyrir þá sem vilja eiga göngutæki og eiga LapTop fyrir og vilja ekki spreða of miklum peningum.
kv
Agnar
You must be logged in to reply to this topic.