This topic contains 4 replies, has 1 voice, and was last updated by 
-
Topic
-
Gott kvöld ég er með 4runner ´91 sem ég er búinn að eiga í ca mánuð og hann er mjög lengi að fara í gang þegar hann er búinn að sleppa innsoginu eða sem sagt orðinn heitur en er allt í lagi þegar mótorinn er kaldur og ég finn ekki betur en að bíllinn gangi alveg eðlilega þegar hann er kominn í gang, ég er búinn að skipta um kveikjulok, hamar og kerti og finn ég smá mun en ekki mikinn þó, svo mig langar að spyrja hvort einhver þekkir þetta vandamál (einhver skynjarinn eða eitthvað svoleiðis) eða hvort ég verð að fara í bæinn og láta stilla kveikjuna. (vil það síður þar sem ég bý á hólmavík) svo hvaða ráð hafið þið fyrir mig til að prufa.
Með fyrirfram þökk Snorri.
-
Replies
-
Ég hef aldrei átt svona bíl en mig rámar í að hafa lesið hér að þetta geti gerst í V6 Toy ef það er ekki nóg kælivatn. Trufar einhvern skynjara.
-haffi
Það myndast stundum lofttappi aftast í milliheddinu, þar sem þessir sensorar eru, bara keyra upp í bratta brekku og þenja smá, drepa á, kæla, fylla, keyra.
Þetta GÆTI verið málið, ekki víst samt. Svo er hitaskynjari í loftinntakinu við lofthreinsarann líka…kannski hann…ekki líklegt samt.
Pælingar: Hvernig er hægagangurinn þegar hann er orðinn heitur; jafn/ójafn? snúningshraði? bensínlykt? truntugangur þegar tekið er af stað?
Háspennukefli? Þau fara stundum að láta illa ef þau eru biluð og hitna, þá skammhleypist allt saman í þeim og nær illa að neista. Spurning um að mæla viðnámið(ohm) yfir keflið kalt og svo heitt til samanburðar, þ.e. yfir +/- tengingarnar á 12V tengingunum.
Mín reynsla er reyndar sú að það sé nokkurn veginn sama hvaða magn fer af bensíni inn á þennan mótor, hann brennir því bara og kjaftar ekki frá.
Sennilegast er að kveikjan sé að stríða eitthvað, eins og þú ert þegar farinn að rekja….þetta eru mín 10c
kv
Grímur
Sælir, hægagangurinn er bara nokkuð jafn og mér finnst ég kannski finna smá bensínlykt úr pústinu en veit ekki hvort það er óeðlilega mikið.
Þetta gæti verið skýring með vatnið því þegar ég kaupi bílinn þá lekur miðstöðvarelementið og ég tappa af honum kælivatninu og skipti um það um leið og elementið en kælivatnið sem var á bílnum var eins og forarpollur á litinn (hefur örugglega ekki verið skipt um það MJÖG lengi) svo það er spurning hvort þessir skynjarar eru í lagi yfirleitt.
En ég ætla að prófa þetta með lofttappa í vatninu.Kv Snorri.
Ég myndi nú frekar veðja á að skynjararnir væru í lagi heldur en hitt, það er hægt að mæla viðnámið yfir þá, við eitthvert ca hitastig, sem á að vera frá eitthvað uppí eitthvað annað ohm (hehe voðalega skýrt, er það ekki?)
Allavega, þeir hjá Toyota eru með afbragðs símaþjónustu og leysa gjarna úr svona spursmálum, geta t.d. gefið upp hvað viðnámi’ð á að vera yfir svona skynjara.kv
Grímur
You must be logged in to reply to this topic.