This topic contains 60 replies, has 1 voice, and was last updated by 
-
Topic
-
Sælir félagar.
Eins og flestum er kunnugt er nú farin í gang vinna við að smíða neyðarskýlið við Setrið. Verið er að setja saman einingarnar sem fluttar verða uppeftir og reistar síðsumars. Umræða hefur skapast meðal félagsmanna um utanhúsklæðningu hússins en eins og flestum er kunnungt er Setrið klætt með ljósri Steni klæðningu. Okkur, meirihlutanum í skálanefnd hefur blöskrað hvað Steniklæðningin kostar en þegar við fórum af stað í þetta verkefni á sínum tíma könnuðum við hvað Steniklæðning utan á húsið mundi kosta en á þeim tíma voru tveir framleiðendur að þessari vöru, Steni, sem Byko flytur inn og siðan Stoneflex sem Húsasmiðjan flutti inn. Í millitíðinni hefur það síðan gerst að Steni verksmiðjan keypti Stoneflex og er nú aðeins einn innflytjandi með þessa vöru. Verðið hækkaði um rúmlega helming eftir það. Okkur fannst því að kostnaður við þennan þátt byggingarinnar væri algjörlega farinn úr böndunum og leituðum því hófanna eftir öðrum kostum í utanhúsklæðningum. Eftir allmikla eftirgrennslan varð niðurstaðan sú að við mundum fara út í að vera með aluzink klæðningu á veggjum. Aluzink lítur í raun út eins og bárujárn en er með aluzink húð og er því mjög varanlegt. Ætluðum við að hafa klæðninguna liggjandi á veggjum, panta fimm plötur af Steni í rauðgula litnum sem er á þakkantinum á Setrinu og hafa þakkant hússins eins á litinn eins og er á Setrinu og mála svo þakið í sama lit og Setrið. Eini munur á útliti húsanna yrði því liggjandi bárualuzink á skemmunni á móti Steniklæðningu á Setrinu. Ekki gerðum við ráð fyrir að mála aluzinkið á veggjunum heldur láta það halda sínum gráa lit. Nú hefur skapast umræða meðal félagsmanna um þetta mál og eru ekki allir á eitt sáttir með þessa fyrirætluðu tilhögun okkar. Vilja sumir að farið verði í að versla Steni á húsið svo að það komi til með að líta eins út og skálinn. Við skálanefndarmenn höfum verið að horfa í kostnaðinn við þetta því munurinn á þessum tveimur kostum er í kringum 870,000,- sem það kostar meira að nota Steni en aluzink klæðningu. Þetta eru miklir fjármunir sem þarna eru í húfi og vera má að þeim sé betur varið í annað starf félagsins. Þess vegna viljum við nú vita vilja félagsmanna í þessum efnum og efnum nú til umræðu og skoðanakönnunar um þetta mál. Hvetjum við ykkur til að taka þátt í þessari könnun eftir að þið hafið kynnt ykkar málið frá öllum hliðum. Segið ykkar skoðun þér á þessum þræði en við verðum að hafa hraðann á vegna þess að það tekur tíma að panta Steni og fá það til landsins ef sá kostur verður ofan á. Settur verður linkur á skoðanakönnunina á sunnudaginn og vonandi hefur þá farið fram einhver umræða um málið og sjónarmið manna komið fram. Geta félagsmenn eftir það kosið um málið.
F.h. skálanefndar. Logi Már.
-
Replies
-
Þessi þráður er líka til að skiptast á skoðunum og sætta sig síðan við það sem verður valið.
Kv. SBS.
En stendur valið bara um þetta tvennt? Er ekki markaðurinn stútfullur af allskonar klæðningum?
Bara svona spyr.
Það er vissulega eitt og annað til á markaðnum en eftir að hafa skoðað það sem er í boði varð þetta niðurstaðan að teknu tilliti til kostnaðar og útlits. L.M.
Sælir.
Jæja. Ég er mættur eini sinni en. Hefur einhver heyrt um að Gæsavatnaskáli hafi tjónast verulega vegna grjótfoks í stórveðri sem gekk yfir á því svæði? Það varð til þess að skipta þurfti um klæðningu á hluta húsins. Aðkoman var þannig að stórar holur voru í klæðningunni eftir eins til fjögurra sm. smásteina sem lentu á klæðningunni. Ég var fræddur um þetta í hádeginu í dag og áréttaði ég við viðkomandi að hann segði mér þetta satt.Strákar!! Hvað þarf til að víkja ykkur frá þessari hugmynd að setja þetta örþunna skæni með handónýtri húð á húsið sem á eftir að standa þarna í yfir 100 ár í einu mesta veðra-víti á landinu!!!
Kv. SBS.
Sælir
Höfum við alveg frjálsar hendur um val á efni? Hefur Mannvirkjastofnun ekkert um það að segja?
Kv. Júnni
[quote="SBS":35aedwl9]
Strákar!! Hvað þarf til að víkja ykkur frá þessari hugmynd að setja þetta örþunna skæni með handónýtri húð á húsið sem á eftir að standa þarna í yfir 100 ár í einu mesta veðra-víti á landinu!!!
Kv. SBS.[/quote:35aedwl9]Ég held að ef það kemur gat á 0,6mm bárustál þá brotnar Steni-klæðning undan sama grjótkasti.
Sæll Jón.
Ég er nú ekki að tala um slíka krafta. Það verður nú eitthvað annað sem gefur sig áður. Ef við segjum að eitthver öflugur taki sér grófa möl í hönd þeyti henni af afli í bárujárnið og síðan Steníið þá er Alocink húðin ónýt og bárurnar beiglaðar en Steníið myndi standast grjótkastið.
Svo talaði ég um holur en ekki göt.Kv. SBS. Ps. Jæja ég fer nú að hætta þessu.
Ljótt er ef satt reynist með veikleika aluzinks varðandi steinkast.
Að 0,6mm stál sé veikburðara en gler á ég þó erfitt með að trúa.Eru til einhverjar myndir sem staðfesta þetta? Ef þetta hefur í raun gerst þá _hljóta_ að vera til myndir eða amk vitnisburður þeirra sem hafa skipt um aluzinkið að vera til?
Væri ekki rétt að kanna þetta?Ég persónulega á erfitt með að trúa þessu, nema hreinlega einhver hafi gert sér að leik að skjóta á húsið, sem mér reyndar þykir ólíklegt.
Ég persónulega held ég myndi kjósa aluzinkið, verðsins vegna, það gefur svæðinu líka ákveðin karaketer að vera ekki of einsleitur.
T.d. má sjá mörg falleg hús í miðbæ Reykjavíkur þar sem bárujárn er notað við hlið annara byggingaefna, þó þetta sé kannski ekki alveg sami hluturinn.Það gerir smá greinarmun á hvert aðalhúsið sé, og hver skemman er.
Persónulegt mat mitt, veljum aluzinkið, það er ódýrara, og þá eigum við amk meiri pening til að t.d. klæða viðbygginguna með steni ef hún skyldi verða reist.
Er ekki best að tala við Gæsavatnafélagið og fá bara staðfestingu beint hjá þeim hvernig klæðninginn hefur komið út á skálanum.
Ég googlaði Gæsavatnafélagið og fékk þetta upp
http://gaesavotn.fellsnet.is/efni/stjorn_nefndir.htmStjórn:
Haukur Stefánsson haukur.stef@n1.is , 820-9062, 462-7202
Ingvar Sveinbjörnsson g52@simnet.is, 894-0872, 464-1122
Magnús Arnarsson magnus@menningarhus.is, 862-2155, 462-4085
Jón Ingi Sveinsson katlaehf@internet.is , 892-1699, 466-1919
Sigríður Sigurðardóttir sirry@vma.is , 462-5972, 464-0356Skálanefnd:
Magnús Arnarsson magnus@menningarhus.is, 862-2155, 462-4085
Ingvar Sveinbjörnsson g52@simnet.is, 894-0872, 464-1122Annars veit ég ekki betur en að það sé góð reynsla af notkun á bárujárni á íslandi og menn eru ekkert að finna upp hjólið með þvi að klæða skýlið með aluzink bárujárni.
Vissulega er hætta á því að það komi einstaka dæld í járnið en það má ekki gleyma því að við getum allavega klætt skýlið þrisvar sinnum með járni til að komast í sama kostnað og liggur í steni klæðninguni.Skálanefndin benti á það í gærkveldi að bárujárnið á Setrinu er í góðu standi eftir 25 ár, eigum við ekki gera ráð fyrir því að bárujárnið verði í góðu standi á skýlinu eftir 25 ár.
Ekki má gleyma því að selta þarna upp frá er í algjöru lágmarki vegna fjarlægðar frá sjó, svo að það er ekki mikil hætta á að járnið fari að ryðga vegna þess eins og gerist við ströndina.
Sæl.
Nú er maður búinn að lyggja undir feld og hugsa og hugsa lesa hvern þráðin á fætur öðrum og tala við sérfræðinga. Bestu kynninguna fékk ég reyndar á félagsfundinum í gærkvöldi og eftir eitt símtal í smið í dag þá ákvað ég að kjósa Aluzinkið. Það er rétt að Steni útlitið gæti orðið heilsteyptara á svæðinu en það þarf ekki að vera. Menn eiga að hætta að tala um 850 þús eins og það skipti ekki máli við rekstur félagsins, málið er að það skiptir miklu máli. Reynum að hugsa þetta eins og við séum að byggja fyrir okkar eigin peninga sjóðir félagsins eru ekki óþrjótandi.kv.
Sveinbjörn Halldórsson
Náttúrulega flottast að setja Cortens stálplötur á húsið. 5mm plús þykkar stálplötur sem ryðga og verða brúnar forever, þarf aldrei að mála. Kannski aðeins dýrari kostur en falla sem sagt vel inn í umhverfið. Þolir haglabyssuskot og pottþétt steinadrífu
Mér fannst reyndar Steni koma frekar til greina en ég ætla reyndar að segja að það sé bara best að leggja þetta í hendur þeirra sem eru með málið, og eru að sinna þessu með sóma, að þeir ráði bara hvað verði notað. Það verður ábyggilega í fínu lagi.
Hver var svo niðurstaðan úr könnunninni, eða er henni ekki lokið?
Gaman að þessu
Liggjandi bárujárn er bara flott… Ekki verra að það sé aluzinc svo það endist svolítið ómálað… Svo er það bara málað þegar fer að sjá á vörninni… Flott efni og hentar vel í hvað sem er.
Bárujárn hefur verið eitt aðal klæðningarefni á íslandi frá því 1870 – það er því komin bærileg, og í sumum tilfellum misjöfn reynsa af þessu… En eitt er þó klárt að þetta hefur staðið sig mjög vel á hálendinu og Gæsavötn sjálfsagt besta dæmið um það – veður í Setrinu verða aldrei í líkingu við það sem maður hefur upplifað í Gæsavötnum.
Mér finnst engin spurning að nota bárujárnið – þó það þurfi kannski að mála það eftir 10 – 15 ár…
En annars hef ég ekkert vit á þessu….
Benni
[quote="magnum":13oyxorr]Hver var svo niðurstaðan úr könnunninni, eða er henni ekki lokið?[/quote:13oyxorr]
Kōnnunin er til morguns. Niðurstaðan kemur um helgina.
Kveðja Hafliði
Í mínum huga sem gamall skálanefndarmaður er Steni klárlega málið bæði vegna endingar og fyrri reynslu og vegna fagurfræðilegra sjónarmiða. Nú ef af byggingu viðbótarinnar verður ætla menn þá að setja bárujárn þar???
Ég hef ekki lesið neitt á þessum þræði sem sannfærir mig um annað en Steni. En er þetta ekki eitthvað sem skálanefnd getur og á að taka ákvörðun um í samvinnu með stjórn? Er það ekki nákvæmlega hlutverk þeirra að ákveða og framkvæma svona hluti? jæja er allavega búinn að kjósa og tjá hug minn geri fastlega ráð fyrir að skálanefnd taki rétta ákvörðun á hvorn veginn sem könnunun fellur og verður það þeirra ákvörðun og stjórnar og hver sem hún verður styð ég hana fyllilega enda þessir öðlingsdrengir fyllilega staðið undir nafni sem topp menn í topp nefnd
kv Gísli Þór
Niðurstaðan úr könnuninni liggur fyrir og má sjá í viðhenginu. Það voru 51 atkvæði sem skiptust þannig.
Stení klæðning fékk 12 atkvæði eða 23,5%
Bárualuzink fékk 25 atkvæði eða 49%
Þeir sem treysta skálanefnd og stjórn til að taka rétta ákvörðun voru 14 eða 27,5%Kveðja,
Hafliði
Ég get ekki annað sagt en ég sé ánægður með þessa niðurstöðu.
Hinsvegar finnst mér ábendingarvert að eingöngu 50 manns skuli taka þátt.Hlakka til að sjá hvernig þetta hús kemur út.
Nú er komin tími til að sleikja sárinn eftir þessa skoðanakönnun. Strákar! Getið þið virkilega hugsað ykkur Björgunarskýlið bárujárnsklætt meðan Setan er Steníklædd eins og Skáli ferðaklúbbsins . Mér er alveg sama hvað hver segir og þótt bárujárnið sé nothæft, Þetta er besti og reisulegasti skáli landsins og er stolt okkar félagsmanna. Er ég virkilega sá eini sem er fylgjandi minni sannfæringu með heildarsvip svæðisins og að byggingarnar séu allar með sömu klæðningu.
Hér er mynd sem sýnir tvær byggingar sem heild. Ef Setan væri bárujárnsklædd tilheyrði hún varla skálanum eða svæðinu sem heild. Nú stendur til að reisa þriðju bygginguna sem skapar þríhyrning á svæðinu. Þessi bygging verður að vera með sömu klæðningu og hinar. Þær eiga að vera sem ein heild sem lýsir sterkum félagsskap.
Sveitabýli er allt annar handleggur. Þar er íbúðarhúsið miðja svæðisins en aðrar byggingar snúast um afkomu ábúenda.
Strákar og telpur! Þessi munur á kostnaði eru bara aurar þegar fram í sækir. Höldum áfram að vera höfðingjar á hálendinu eins og við höfum verið hingað til og vonandi hér eftir.Kv. SBS.
[attachment=0:1vy6u85a]_MG_0087.jpg[/attachment:1vy6u85a]
Verandi húsasmiður þá get ég sagt að steni er varanlegt efni, en það þarf að vanda frágang. Sem ég efast ekki um að verður gert. En á að fara í viðhaldsfría glugga líka? Ég myndi frekar splæsa í það. Og á að klæða á timburgrind eða blikk? Aluzink hefur sýnt sig og sannað líka og ég efast ekki um að það myndi endast þarna í fjölda ára. Ég hef séð það 15 ára gamalt á húsi við sjó og það var í góðu standi. Eins og fram hefur komið á ekki að Saga það heldur klippa eða naga. Hitinn sem myndast við skurð skemmir húðina næst sárinu og þá vill ryðga. Mér persónulega finnst bárustál mikið fallegra en steni. Þetta ER hellings peningur og væri að mínu mati betur varið í að bæta aðstöðuna sem slíka. Ef ég miða við Árbúðir td þá finnst mér ekkert að því þó húsin þar séu hvert með sínu lagi. Og klæðningu. Er ekki rétt munað að Gíslaskáli er klæddur með Alu? Hvað er það gamalt?
Aðal atriðið er að þetta var lýðræðisleg kosning og sjálfsagt er að fara eftir vali meirihlutans, jafnvel þó ég tilheyri honum ekki
En í alvöru, finnst ykkur ekki lélegt að aðeins 50 manns skuli sína þessu áhuga og kjósa? Hvar er eiginlega félagsandinn?
You must be logged in to reply to this topic.