Útlendingar hætt komnir

Ef mig misminnir ekki þá er stórt skilti við Kjalveg sem varar sérstaklega við þessari leið, og annað skilti við Ingólfsskála af sömu gerð. Í þessu tilviki held ég að eitthvað hafi vantað á skynsemi ökumanns eða hann haft oftrú á faratækinu sem mér sýnist vera með snorkel og ætti því að þola vatn upp að bátabryggjuni á toppnum. Annars er umferð bílaleigubíla og erlendra bíla orðin svakalega mikil, og ótrúlegt hvað verður lítið af alvarlegum slysum á fólki miðað við það að það veltur ca einn bílaleigubíll eða erlendur bíll á dag yfir háannatíma ferðaþjónustunar.

Hlynur

Til hamingju Rúnar með að vera kominn í 200. Reindar eru miklu stærri aðvörunarskilti skilti á Eyfirðingaveg en annarstaðar, minnir mig að þau séu 2 metra há og 1-2 metrar á breidd og á þeim stendur VARÚÐ straumþungar jökulár og sandbleytur. farið ekki einbíla. Og held ég að félagi vor Ólsarinn hafi verið með í uppsetningu þeirra.
Skiltin eru að mitt Gullfiska minni minnir við Ingólfsskála að austan, og að vesta verðu við Blöndu á Kjalvegi. Þess utan er viðvörunin á Þýsku og ensku.
Slóðríkur.

Kæru félagar.

Ég get ekki lengur orða bundist yfir því, hvernig margir ykkar stafsetja orðin á og brú með ákveðnum greini í þolfalli eintölu.
Þessi orð beygjast þannig með ákveðnum greini:
Áin, um ána, frá ánni, til árinnar.
Brúin, um brúna, frá brúnni, til brúarinnar.
Það er sem sagt aðeins eitt n, en ekki tvö í þolfallinu.
Ansi margir heyrast nú tala þannig: Þegar ég sá ánna og fór yfir brúnna. Þeir hinir sömu rita svo vitanlega tvö n, en hér á bæði að segja og skrifa: Þegar ég sá ána og fór yfir brúna. Sérhljóðinn sem sagt langur.
Í vefspjalli 4×4 koma þessi orð oft fyrir og raunalegt að sjá klæmst á þeim þannig.

Með vinsemd,

V

Eins og "ofsi" minntist á, þá settu björgunarsveitirnar hérna á Norðurlandi vestra upp þessi umræddu skilti fyrir allmörgum árum. Minn hlutur í þessu var nú fyrst og fremst í undirbúningsvinnu, fá hæft fólk til að semja texta o.s.frv. Skiltin hafa greinilega ekki dugað þarna. Núna á mánudaginn í verslunarmannahelgi skrapp ég (einn) upp í Ingólfsskála og þá var þar vænn hópur Hollendinga, ég held þau hafi sagst vera 27 talsins á 9 Land Rover bílum, og í sjálfu sér ágætlega vel búið fólk til fjallaferða hvað klæðnað snerti og annan persónulegan búnað. Skálakvíslin var snarvitlaus eins og hún er búin að vera í allt sumar. Þau höfðu samt reynt við hana, tveir bílar komust yfir en sá þriðji stoppaði í miðri á. Sem betur fer höfðu þau haft vit á að hafa tóg á milli bíla og gátu dregið hann til sama lands. Ég kíkti aðeins ofan í vélarsalinn á þessum LR sem strandaði í ánni og mín litla vélfræðiþekking sagði mér að hann hefði tekið inn á sig vatn (var ekki með snorkel) og eyðilagt vélina. Hún gekk allavega ekki. Hópurinn vildi sem minnst við mig tala og þótt ég byði þeim upp á að hafa samband við Land Rover menn sem ég þekki til, þá var það eins og að tala við grjótið í Lambahrauninu, í þeirra augum var ekki til neitt alvöru Land Rover verkstæði á Íslandi, en hinsvegar vissu þau af manni í Reykjavík, sem hefði einhvern aðgang að varahlutum. Mér var sagt að vera ekki að skipta mér af því sem mér kæmi ekki við, enda vissum við Íslendingar ekkert um vélar og bíla og allra síst Land Rover. Ég spurði þau hverskonar fjarskipti þau hefðu og jú, þau voru með CB stöðvar í öllum bílunum. Ég var kominn í minn local-patriot húmor og sagði þeim að við hér á landi teldum þær ágætis leikföng handa krökkum en til annars væru CB stöðvar ekki nýtar. Þeir horfðu á mig með fyrirlitningu og einn sagði um leið og hann sneri í mig óæðri endanum "Icelanders have not heard of Marconi yet" og hinum fannst þetta góður brandari. Þá fór ég, en minnti þá á að þeim bæri að greiða fyrir afnot af skálanum. Þá var fyrst hlegið hátt! En bílarnir tveir, sem drusluðust yfir, voru á leiðinni upp í Austari – Krókinn, meðfram kvíslinni og stefndu upp á jökul. Af þessu liði hef ég ekki frétt síðan, en líklega hafa þau einhvern veginn komist yfir og niður til byggða.
kveðja
ólsarinn.

Fyrst menn eru í sögustuði….
Ég varð þeirrar "ánægju" aðnjótandi fyrir tveimur sumrum að þurfa að bíða í sólahring við Grafará rétt norðan Herðurbreiðalinda vegna þess að hrútshornið brotnaði þegar ég kom upp úr ánni og vék full hressilega fyrir rútu. (já ég er á Double Cab, en fékk mér stýristjakk eftir þetta)
Þarna tjaldaði ég á árbakkanum – einn – las mína bók, horfði á DVD og fylgdist með útlendingunum í ánni meðan ég beið eftir nýju hrútshorni að sunnan.

Þetta er nú ekki merkileg á en þannig háttaði til að ef maður tók boga niður á brotið, þá rétt bleytti maður felguna, en ef farið var beint yfir lenti maður í smá streng sem var ágætlega djúpur fyrir litla bíla.
Þeir einu sem ég sá taka bogann voru íslendingar á minni bílum – 36-44" bílar tóku bara beint strik yfir og hægðu varla á, enda svo sem lítil ástæða til fyrir þá.

Útlendingarnir voru mismunandi varkárir, sumir stigu út og skoðuðu, tveir komu meira segja og spurðu ráða, einn ætlaði að fara að vaða, en þá skokkaði ég til hans og benti honum á leiðina – en flestir fóru samt beint yfir, ekki brotið.
En það sem var ótrúlega algengt – og mér blöskraði við að sjá – voru útlendingar, flestir á pínulitlu Suzuki Jimmy-jeppunum, sem keyrðu að ánni, bökkuðu svo aðeins og gáfu svo allt í botn, helst í annan gír og svo var dúndrað beint yfir þannig að áin lá öll á bakkanum hinum megin….og á þaki og húddi bílsins.
Einhverjir höktu nú aðeins eftir þetta, en allir komust þó áfram, en ég hugsaði með skelfingu til þess ef þeir notuðu sömu aðferðina í Linána (með einu n-i fyrir Vigfús )
Reyndar var komið með einn Bens-jeppa með Norsurum í drætti þarna fram hjá mér, en sá bíll hafði einmitt farið of hratt í Lindána og rústað mótornum.

Mórallinn með sögunni: áróðurinn um hvernig á að umgangast ár, ef einhver er, kemst alls ekki til skila til útlendinganna.

Ég er sammála því að aldrei er of varlega farið yfir ár.
Þetta dæmi sem "ólsarinn" nefndi, þá vill svo til að ég var staddur í Laugafelli þennan dag sem hann hittir þennan hóp.
Þessi hópur gisti nefnilega í Laugafelli. Þennan mánudag sem "ólsarinn" nefnir, þá var þessi hópur að undirbúa brottför frá Laugafelli á mánudagsmorgni og skálavörðurinn sem þarna var, reyndi allt sem hún gat til að reyna að fá þá til að hætta við þessa ferð, en þeir hlustuðu ekki.
Þeir sögðu henni aftur á móti að vinur þeirra hefði farið þessa ferð fyrir tveimur árum síðan og þótti þessi leið nokkuð skemmtileg.
Ég, aftur á móti var í Ingólfsskála deginum áður og þótti þá jökuláin frekar illvíg, sem við skálan er.
Ég er sammála Skálaverðinum í Laugafelli (búinn að gleyma nafni hennar) að þessir "útlendingar" sem koma hingað, til að fara á hálendið, þeir fara, alveg sama hvað tautar og raular. Þetta eru aðilar sem eru búnir að plana þessar ferðir og eflaust kostar svona ferðir eitthvað, og þá þykir þeim heldur súrt að þurfa að hætta við.
Að kafsigla einum LandRover er bara bónus fyrir þá.
En að hætta lífi og limum annara er full langt gengið.
En hvað á að gera ef það er ekki hægt að stoppa svona fólk í að fara inná hættulega leið?
Á að láta yfirvöld vita og þeir sendi einn til tvo "fullbúna bíla" til fylgdar eða þeir verði svona í hæfilegri fjarðlægð ef eitthvað skyldi ske?
Er kannski þarna ágætis fjáöflun fyrir hjálparsveitirnar að bjóða fram aðstoð í að svona hópar geti komist klakklaust á leðarenda þegar farið er vafasamar slóðir.

kv. Sigurður
R112

Það sem bílaleigurnar voru að væla undan voru að tryggingarnar þeirra væru svo háar vegna skildutrygginganna sem eru hér á landi, sem gerði það að verkum að bílaleigubílar eru sérstaklega dýrir á íslandi. Það þýðir að við erum ekki að borga þeirra tryggingar.
Ég efast að bílalaeigurnar séu með bílana sína í kaskó, því þær geta alveg eins kaskótryggt hjá sjálfum sér eins og ríkið gerir. Það er jú töluvert ódýrara.

Eða þannig skyldi ég þessa umræðu.

kv.
Rúnar.

Sælir

Hef svipaða sögu að segja varðandi loftþrýsting í nýjum dekkjum. Veit til þess að maður hér í bæ keypti nýjan Patrol ekki alls fyrir löngu. Honum fannst dekkin helst til hörð í akstri (31" org) og athugaði loftþrýstinginn. Og viti menn, 43 psi SEGI ÉG OG SKRIFA. Ég get ekki ímyndað mér að þetta sé hollt fyrir dekkin…..
kv
AgnarBen