This topic contains 27 replies, has 1 voice, and was last updated by 
-
Topic
-
Bara til að undirstrika hverja eigi að styrkja með flugeldakaupum.
Það er EKKI mannskapur frá Einari áttavillta,Gullborgu eða íþróttafélögunum
á leiðinni í þetta útkall.Innlent | mbl.is | 30.12.2007 | 10:14
11 bíða björgunarBjörgunarsveitarmenn vinna nú að því að koma 11 manns til bjargar sem er fast á Langjökli. Aftakaveður er á svæðinu og bíða björgunarsveitarmennirnir nú eftir því að vind fari að lægja, en þeir eru staddir við brúna yfir Geitlandsá. Ekkert amar að fólkinu sem bíður björgunar.
Að sögn Slysavarnarfélagsins Landsbjargar eru björgunarsveitarmenn frá björgunarsveitunum Heiðari og Ok á leiðinni upp jökulinn á tveimur jeppum og snjóbíl.
Fólkið sem bíður björgunar er staðsett rétt fyrir ofan skálann Jaka. Það er á sjö bílum en hefur nú komið sér fyrir í þremur bílum til að halda sér hita. Björgunarsveitarmenn eru í sambandi við fólkið og vita hvar það er staðsett. Búast má við því að það muni taka lungann úr deginum að koma fólkinu til aðstoðar, en gríðarlega hvasst er á svæðinu og ofankoma mikil.
-
Replies
-
Jám, ég telst nú vera meðlimur í leikfélagi. Ástæðan fyrir því að ég er í björgunarsveit liggur í að þar er ég með góða félaga til að ferðast til fjalla, bæði að vetri og sumri til, lengri og styttri ferðir á 2, 4 og á plönkum.
Flest útköll sem ég fer í eru leitir að öldruðum, ungu fólki fólki í andlegu erfiðu og svo leitir utanbæjar. Engin ofurtæki notuð þar nema 2 jafnfljótir.
Hafið góð áramót.
kv
Dóri
Ég vil koma því á framfæri að þetta var ekki Vesturlandsdeild.
kv
Agnes
Gott mál að fararstjórn í ferðum á vegum F4x4 er í höndum ábyrgra aðila sem taka tillits til aðstæðna.
Ábyrgð fararstjórnenda er mikil og sérstaklega mikilvæg þegar börn eru með í ferð.
Kveðja Dagur
Nú veit ég ekki hvort aðrir hér þekki forsöguna í þessu máli, en án þess að vita allt um málið held ég að við ættum ekki að dæma eða draga of miklar ályktanir, hvað þá fullyrða að hér búi bjánaskapur að baki. Mér sýnist að það hafi margir verið á ferðinni á jöklinum, en flestir náð niður áður en veðrið skall á. Það geta verið ótal margar skýringar á að þessi hópur var seinni fyrir og náði ekki til byggða áður en veðrið varð vitlaust. Þarf ekki að vera að það hafi neitt með ábyrgðarleysi að gera.
En eins og ég segi veit ég ekkert um forsöguna og aðrir hér vita kannski meira.
Kv – Skúli
Það er hreint ótrúlegt hvað sumir eru fljótir til að vera með upphrópanir á þessum vef. Orð eins og fresta hefði átt dagsferð Vesturlandsdeildar eru bara bull. Þessi dagur var framan af eins og þeir gerast bestir á fjöllum, hægur vindur og heiðskýrt. Sjálfur var ég á Arnarvatnsheiði og þar var blíðuveður allan daginn. Stundum verða aðstæður þannig að tímáætlanir skekkjast, og þá fer sem fer. [url=http://www.landsbjorg.is/Article.aspx?catID=156&ArtId=91&showDate=true:27nocuin][b:27nocuin]Á vef Landsbjargar[/b:27nocuin][/url:27nocuin] má sjá að þessi aðgerð var skilgreind sem aðstoð á landi, enda amaði ekkert að fólkinu og það engan veginn í bráðri hættu, þó allir séu fegnir að komast heim eftir sólarrhings volk. Ég fæ oft á tilfinninguna að þeir sem eru að tjá sig um þessi mál á þessum vef, séu betur að sér um hita og rakastig í hinum ýmsu búðum í Kringunni, heldur en íslenskt veðurfar og ferðalög á fjöllum.
Þessi þráður var nú bara settur hér inn til þess að vekja þá til umhugsunar sem kaupa flugeldana af öðrum en björrgunarsveitonum.
Ekki til þess að rífast um eitt útkall eða hver þurfti á aðstoð að halda.
Enda fá allir aðstoð sem þurfa á að halda eins og flugeldasalinn sem óskaði eftir henni frá björgunarsveitunum sem komu um hæl og tóku skiltin hanns sem voru að fjúka í gær.Við í minni björgunarsveit(Kjölur) þökkum fyrir stuðninginn og óskum öllum gleðilegs árs.
Kv Guðmundur Á Guðlaugsson
Hvað amar af fullorðum mönnum að láta svona á þessum þræði. Það getur alltaf eitthvað klikkað í svona ferðum, ég held að þið ættuð að vita það manna best. Fólkið sem var upp á jökli var mjög vel búið og vanir ferðamenn.
Gleðilegt ár.
Kv. Kristófer Karlsson
You must be logged in to reply to this topic.