This topic contains 27 replies, has 1 voice, and was last updated by 
-
Topic
-
Bara til að undirstrika hverja eigi að styrkja með flugeldakaupum.
Það er EKKI mannskapur frá Einari áttavillta,Gullborgu eða íþróttafélögunum
á leiðinni í þetta útkall.Innlent | mbl.is | 30.12.2007 | 10:14
11 bíða björgunarBjörgunarsveitarmenn vinna nú að því að koma 11 manns til bjargar sem er fast á Langjökli. Aftakaveður er á svæðinu og bíða björgunarsveitarmennirnir nú eftir því að vind fari að lægja, en þeir eru staddir við brúna yfir Geitlandsá. Ekkert amar að fólkinu sem bíður björgunar.
Að sögn Slysavarnarfélagsins Landsbjargar eru björgunarsveitarmenn frá björgunarsveitunum Heiðari og Ok á leiðinni upp jökulinn á tveimur jeppum og snjóbíl.
Fólkið sem bíður björgunar er staðsett rétt fyrir ofan skálann Jaka. Það er á sjö bílum en hefur nú komið sér fyrir í þremur bílum til að halda sér hita. Björgunarsveitarmenn eru í sambandi við fólkið og vita hvar það er staðsett. Búast má við því að það muni taka lungann úr deginum að koma fólkinu til aðstoðar, en gríðarlega hvasst er á svæðinu og ofankoma mikil.
-
Replies
-
Hvað er menn að hugsa það var vitað að þarna mun verð leiðinda veður hvað skildi svona bjána skapur kosta það væri gott að taka nokkra fluelda pakka og selja þeim á staðnum svona til að stirkja svona útkall ( veðrið á ekki að bana á næstu verður svona yfir áramótinn )
kv,,,MHN
Við skulum nú allveg vera spakir með stóru orðin, svona á meðan ekki er vitað hvað er að.
Þetta gætu til dæmis verið 2 stk patrol með change engine ljós í mælaborðinu, 2 stk barbíkrúser með brotin framdrif, 2 stk Ford annar með grillaða skiptingu og hinn með úrbræddan motor svo síðast en ekki síst cherokee með brotna frammhásingu
En það eina sem við getum gert er að fara og versla flugelda við rétta aðilla.
Er þetta ekki vesurulandsdeildin sem er föst á Langjökli? Þeir ætluðu allavega þangað.
Agnes og fleiri sem eru með Tetra hafið þið heyrt eitthvað?Bkv. Magnús G.
sælir.
Við erum í sambandi við þá sem eru á jökli og erum að undirbúa björgun á bílum þegar veður lægir,erum að ath með 44" dekk á 6 gata felgu ef eitthver skyldi eiga svoleiðis á lausu.
Hafa samband í síma 8615178.
kv Benni.
Auðvitað kvetjum við alla að kaupa til að kaupa flugelda af björgunarsveitunum,
svo þær geti haldið áfram að leika sér á fjöllum og bjarga mönnum úr glæfralegum ferðum, við og við,
á tækjum og tólum sem eru fjármagnaðar af öðrum enn félagsmönnum sjálfum.
.
Það má ekki gleymast í umræðunni um glæfraleg ferðalög og frækna björgunarleiðangra, að það fólk sem er að standa í þessu björgunar vesenni, hefur gríðarlegan áhuga og löngun í svaðilfarir sem þessar, annars væri Þetta fólk ekki starfandi innan björgunarsveita.
.
Það hlýtur til dæmis að vera alveg gríðarlega gaman og spennandi áskorun að fara upp á Langjökul núna í dýrvitlausu veðri í hetjuferð,
á best búnu bílum og tækjum landsins, með fólki sem er búið að vera að leika sér saman í gegnum tíðina og því orðið vel samstilt.
.
Með von um góða flugeldasölu og gleðileg áramót,
Atli E.
Hvernig er það, eru þeir sem tala mest hérna í björgunarsveit, þetta er sjálfboðaliðastarf og ég er viss um að þeir sem hafa mest útá þetta "leikfélag" að setja langar ekkert til að vera uppá langjöklp núna, hvort sem það er á eigin kostnað eða annara. Samkvæmt textavarpinu mælist vindhraðinn uppí 100 metra á sek í snjóbílnum og samkvæmt þessu http://www.visir.is/article/20071230/FRETTIR01/71230005 er aðeins 1 bíll eftir í gangi hjá ferðalöngunum.
Kv. Dúddi sem er í björgunarsveit og 4×4
Á forsíðu F4x4 er að finna þessa [url=http://www.f4x4.is/new/news/default.aspx?file=426:13jakm37][b:13jakm37]auglýsingu[/b:13jakm37][/url:13jakm37] :
22. desember 2007 | Vesturlandsdeild
Ferð milli hátíða
Ferðin okkar á milli hátíða að þessu sinni verður farin Laugardagin 29 Desember.Sælir Félagar.
Ferðin okkar á milli hátíða að þessu sinni verður farin Laugardagin 29 Desember.
Stefnan er tekin til fjalla þar sem vænta má að við getum ekið á snjó. ( Líklegastur er Langjökull)
Lagt verður af stað frá Olís kl. 9.30.kv. Stjórnin"
Hér er klúbburinn að auglýsa ferð sem hefði átt að fresta, en hér er
[url=http://www.mbl.is/mm/frettir/innlent/2007/12/30/unnid_vid_erfidar_adstaedur/:13jakm37][b:13jakm37]frétt[/b:13jakm37][/url:13jakm37] í MBL um umrædda ferð:"Innlent | mbl.is | 30.12.2007 | 11:24
Unnið við erfiðar aðstæðurTveir jeppar frá björgunarsveitinni Ok, með fimm manns innanborðs, og snjóbíll frá björgunarsveitinni Heiðari, með tveimur innanborðs, berjast nú í gegnum óveðrið á jöklinum. Tveir snjóbílar frá Reykjavík hafa jafnframt lagt af til aðstoðar þeim sem þegar eru á jöklinum.
Þeir eru nýfarnir af stað aftur, en beðið var við Geitlandsá eftir að veðrið myndi ganga aðeins niður. Snjóbíllinn komst ekki yfir brúna og fór því á ís yfir ána. Að sögn Davíðs Ólafssonar, hjá björgunarsveitinni Ok, tók kröftuglega í jeppana er þeir fengu öfluga vindhviðu á sig þegar þeir voru að aka yfir yfir brúna. "Þetta er rosalegt veður," sagði hann í samtali við mbl.is.
Auk hvassviðris er ofankoma mikil og skyggni því mjög slæmt. Ekki er útlit fyrir að veðrið muni lagast í bráð.
Björgunarsveitarmennirnir eru í talstöðvarsambandi við fólkið á jöklinum. Það var á ferðalagi á sjö jeppum. Það hefur nú komið sér fyrir í einni bifreið til þess að halda sér hita, en það hefur setið fast í allan nótt.
Búist er við því að björgunaraðgerðirnar muni standa yfir í allan dag."Aðvaranir um verulega slæmt veður hafa verið í öllum fjölmiðlum síðan í gærmorgun, en félagar okkar virðast ekki hafa tekið eftir því.
Er ekki rétt að skipuleggjendur ferða á vegum klúbbsins taki tillit til veðurspár, en fyrrvarandi nefndarmenn okkar í Litlunefnd gerðu [url=http://www.f4x4.is/new/forum/default.aspx?file=ferdir/10786:13jakm37][b:13jakm37]svipað[/b:13jakm37][/url:13jakm37] fyrir nokkru síðan og hlutu ekki sóma af.
kveðja Dagur
Það er staðreynd að stór hluti jeppamanna eru núverandi eða fyrverandi björgunarsveitamenn og öfugt.
Hvað mig varðar, þá vil ég vita af vönum mönnum og konum sem eru tilbúinn að taka sé frí frá því sem þau eru að gera, hvort sem er vinna, jól eða aðrar athafnir, og hafa aðgagn að bestu mögulegu tækjum og tólum til að koma mér og mínum til aðstoðar ef á þarf að halda. 7-9-13
Til að verða vanir, þarf æfingar sem kosta fjármagn og til að kaupa bestu mögulegu tæki og tól þarf fjármagn.
Við jeppamenn sem og aðrir ferðamenn ættum náttúrulega ekki að þurfa að vera að taka þessa umræðu.
Verslum við björgunarsveitirnar.
Ég hef hvergi fengið það staðfest að þetta sé vesturlandsdeildin þannig að eigum við ekki að spara stóru orðin þangað til að annað kemur í ljós.
Og annað ég hef nú lært það að taka fréttum frá fréttamiðlum með vara því að reynslan hefur sýnt að áreiðanlegar fréttir eru ekki alltaf áreiðanlegar…
–
Ég veit að það er gaman að vera í björgunarsveit og fara í útkall en öllu gamni fylgir alvara…
kv. stef.
það er ekki bara jeppafólk og Rjúpnaskyttur sem þurfa á aðstoð að halda.
.
Útköllum fer fjölgandi
Útköllum vegna veðursins hefur verið að fjölga síðustu klukkustund.
Nú hafa björgunarsveitir og slökkvilið sinnt rúmlega 80 útköllum frá kl. fjögur í morgun þar af 40 frá 11.Flest útköll eru á höfuðborgarsvæðinu en einnig eru verkefni á Suðurnesjum, Akranesi, Borgarnesi, Blönduós og Selfossi
Veðrið er enn slæmt og fer núna versnandi austanvert á landinu.
Ekkert ferðaveður er sem stendur.
Frárennslislagnir hafa ekki undan og er því gríðarlegur vatnselgur á götum. Þetta skapar hættu og dæmi er um bifreiðar hafi stöðvast í stórum pollum sem hafa myndast.
Búið er að loka Fífuhvammsvegi við Smáralind vegna vatnselgs.
Ökumönnum er bent á að fara með mikilli gát þar sem skyggni er slæmt og pollar sjást illa fyrr en ekið er ofan í þá.
Björgunarsveitir er enn á leið að ferðamönnum á Langjökli. Ferðinni miðar hægt vegna ofsaveðurs sem er þar.
Fórum á langjökul í gær og var það mjög erfitt færi upp.
Gaman samt að sjá þennan gamla jálk drífa þarna upp :). Affelgaði einn og þá fraus hjá mér olían meðan beðið var eftir honum. Síðan þegar við komum niður í húsafell var veðrið skollið á.Finnst að fólk ætti að fylgjast aðeins betur með veðrinu áður en það leggur í svona ferðir. Lögðum mjög snemma af stað til að geta verið komin niður áður en veðrið kæmi.
Hann Sóti er svo fjandi drifgóður
Ég hitti hóp jeppamanna í Kaldadalnum í gær sem var að fara yfir jökul og innað Hveravöllum, getur verið að þetta sé hópurinn? ef ekki veit einhver hvar þeir eru?
RÚV segir á heimasíðu sinni að ferðafólkið á Langaskafli sé komið yfir í bíla björgunarsveitanna.
Við óskum þeim öllum góðs á heimleiðinni.
við fórum í gær á þremur bílum upp að Jaka og eyddum nokkrum tímum í að spóla í brekkunni fyrir ofan skálann. við töldum a.m.k. 50 bíla og mjög líklega voru mun fleiri. Færið var mjög þungt og gerði það að verkum að flestir fengu næga útrás í fyrstu brekkunni og fáir fóru inn á jökul sem var ef til vill eins gott, annars væru þá kanski fleiri björgunarleiðangrar í gangi núna. Eins og spáð hafði verið brast á leiðinda veður með skafrenningi seinnipartinn og voru þá flestir á förum og komnir af jöklinum. Vona að vel gangi að bjarga strandaglópunum.
Gleðileg áramót!
Sælir félagar við erum búnir að vera nokkrir uppí Húsafelli síðan á annann í jólum og erum búnir að fara uppeftir á jökul alla dagana og færið var skást í gær en samt var hundleiðinlegt að hjakka þó maður hafi ekki farið nema uppá hábungu og tók það hellings tíma. Þannig að ekki hefði ég talið það minna en sólarhrings ferðalag að fara yfir á Hveravelli. Við ætluðum að fara Kaldadalinn heim seinnipartinn í gær en þar var örtöð af bílum og förin orðin leiðinleg þannig að við snérum fljótlega við, þá var aðeins farið að blása og skarðið í veginum fyrir neðan stóru brekkuna orðið að vaði. Þannig að ekki hefði ég viljað fara þarna uppeftir í dag, miðað við veður lýsinguna og það sem við heyrðum í talstöðinni frá björguninni í dag.
Eru menn annars eitthvað búnir að heyra hverjir þetta voru sem lentu í þessum hremmingum?
Palli Kristó
Þetta ku vera partur af Seinagenginu Létti og svo einhverjir 3 bílar sem ég þekki ekki deili á. Þeir eru greyin eitthvað SEINIR að skilja veðurspá eða eru kannski bara ævintýraleitarmenn fram í fingur góma. Kv. Halla Kr.
p.s. Þeir voru varla stignir út úr björgunarsveitabílunum þegar þeir fóru aftur upp á jökul til að sækja bílana. Frekar kaldhæðnislegt!! (Gott að eiga viðbragðsfljóta vini og ættingja að). En þar sem þarna eru snillingar á ferð ætlar þeim að takast ætlunarverk sitt og þurfa kannski aðeins að skilja 1 bíl eftir af 7.
veðrið ku vera örlítið farið að skána á vettvangi
4 bílar komnir upp það rétt var hægt að finna á þeim toppana.
Sem sagt allt að gerast.
Kveðja Lella
Björgun gékk vel, öllum bílum náð upp og allir nema einn komnir til byggða.
Sá sem varð eftir er með bogna þverstífu að framan.
kv
Benni
Það er alveg magnað hvað sumir eru barnalegir
Sjá hér :
"Leikfélögin
30. desember 2007 – 12:34 | Atli Eggertsson, 391 póstarAuðvitað kvetjum við alla að kaupa til að kaupa flugelda af björgunarsveitunum,
svo þær geti haldið áfram að leika sér á fjöllum og bjarga mönnum úr glæfralegum ferðum, við og við,
á tækjum og tólum sem eru fjármagnaðar af öðrum enn félagsmönnum sjálfum.
.
Það má ekki gleymast í umræðunni um glæfraleg ferðalög og frækna björgunarleiðangra, að það fólk sem er að standa í þessu björgunar vesenni, hefur gríðarlegan áhuga og löngun í svaðilfarir sem þessar, annars væri Þetta fólk ekki starfandi innan björgunarsveita.
.
Það hlýtur til dæmis að vera alveg gríðarlega gaman og spennandi áskorun að fara upp á Langjökul núna í dýrvitlausu veðri í hetjuferð,
á best búnu bílum og tækjum landsins, með fólki sem er búið að vera að leika sér saman í gegnum tíðina og því orðið vel samstilt.
.
Með von um góða flugeldasölu og gleðileg áramót,
Atli E."
Magnað
Magnús Dan
You must be logged in to reply to this topic.