This topic contains 17 replies, has 1 voice, and was last updated by 
-
Topic
-
Sælt veri fólkið. Ég hef spurt hér áður hvaða útbúnað þarf að hafa með sér á fjöll og fengið ágætis svör.
Ég er nú ýmsu nær og með hliðsjón af svörunum sem ég fékk og smá rannsóknarvinnu, m.a. úr bókinni Jeppar á fjöllum, hef ég tekið saman lista yfir það sem þarf að vera með.
Þetta er langur listi, en sennilega ekki tæmandi, eflaust er hægt að bæta við. En á svona bíl væri eflaust hægt að aka um á Gazasvæðinu, ef skotheldum rúðum er bætt á listann!
1. GPS-tæki
2. Fartölva
3. Sjúkrapúði/kassi
4. Topplyklasett, helst verkfærakista
5. Dráttarkaðall
6. Stuðaratjakkur, eða drullutjakkur
7. Tappasett og óþornað lím
8. Loftdæla og -slanga
9. Loftmælir, 0-20psi og 5-50psi
10. Slökkvitæki
11. VHF-talstöð (Tetra?)
12. Auka smurolía
13. Auka frostlögur
14. Startkaplar
15. Snjókeðjur
16. 2 olíubrúsa, fyrir lengri ferðir
17. Landakort
18. Gulir plastpokar til að merkja, ef farmur stendur út fyrir
19. Malarskófla eða álskófla
20. Sólgleraugu, helst jöklagleraugu
21. Sólarvörn
22. Snjógríma
23. Höfuðljós
24. Sterkt límband
25. Teppi
26. Kuldagalli
27. Ullarnærföt – aukapar, a.m.k. 1
28. Ullarsokkar – aukapar, a.m.k. 1
29. Bakpoki
30. Göngustafir
31. Svefnpoki, þægindamörk helst í kringum frostmark
32. Dýna, ef þarf að sofa í bílnum
33. Nóg af nesti, fyrir lengri ferðir
34. Gönguskór
35. Vöðlur
36. Lambhúshetta
37. Góðir hanskar eða vettlingar
38. Húfa
39. Trefill
40. Snjógríma
41. Stroffur til að skorða lausa hluti niður
-
Replies
-
Þetta er ágætis listi hjá þér, en ég verð samt að vera með smá leiðindi (enda morgunfúll að vana, hehe).
Afhverju fartölvu? Ég myndi frekar kalla þetta "gott að hafa með" heldur en "bráðnauðsynlegt að hafa með.
Af þeirri einföldu ástæðu, þú þarft ekki fartölvu. GPS tæki og landakort koma manni ágætlega áfram, þó gott og þægilegt sé að hafa fartölvu með korti og rútum.[i:2fviuwox]
6. Stuðaratjakkur, eða drullutjakkur
[/i:2fviuwox]
Það er það sama (tíhíhíhí)[i:2fviuwox]
12. Auka smurolía
[/i:2fviuwox]
Eiginlega bara alla þá vökva sem þarf á bíl, sjálfskiptiolíu, frostlög, gírolíur og þess háttar.[i:2fviuwox]
15. Snjókeðjur
[/i:2fviuwox]
Það er stundum gott að hafa keðjur, en ég veit ekki alveg hvar ég finn keðjur fyrir 44…. 😛
[i:2fviuwox]
16. 2 olíubrúsa, fyrir lengri ferðir
[/i:2fviuwox]
Bara nóg af eldsneyti fyrir þann bíl sem farið er á fyrir þá ferð sem farið er! (skildi þetta einhver?)[i:2fviuwox]
41. Stroffur til að skorða lausa hluti niður
[/i:2fviuwox]
Strappar! en hvað um það, ágætt að minnast á þetta því fólk er alltof duglegt við að láta 50kg verkfærakistur hoppa og skoppa í skottinu…
.
Kæra kveðja, Úlfr á Undanfara II
E-1851
Morgunstund gefur gull í uh? Mund? Þetta er eitthvað bull…
Takk fyrir svarið Samúel og það er ekkert fúlt við það. Ég er eins og ég hef sagt áður viðvaningur í þessum málum og þigg allar ábendingar. Ég byggði einmitt listann að miklu leyti á ábendingum frá þér.
Það er sennilega rétt með fartölvuna. Listinn er eins og ég segi engan veginn tæmandi eða á við allar ferðir, margt þarna sem má taka út, a.m.k. í styttri ferðum.
Ég setti olíubrúsana inn þar sem ég er ekki með aukatank. Strappar, ekki stroffur, auðvitað, smá hugtakaruglingur hjá mér! Eflaust kunna einhverjir enn betri aðferðir við að skorða lausa hluti í bílum.
Ég er farinn að hallast að því að falskur botn sé mjög sniðugt í bíla sem bjóða upp á svoleiðis, þ.e.a.s skipta skottinu niður.
Svo gæti líka verið sniðugt að fá sér bara "stykki" á næsta netaverkstæði og leggja yfir draslið og strappa svo niður þegar það er búið að festa stæstu hlutina. Annars er ég á því að hlutir eins og drullutjakkur eigi að vera utan á bílnum
En góður listi
Það er gamall og góður [url=http://www.f4x4.is/new/files/archive/gatlisti_farid.pdf:3mfgry5f][b:3mfgry5f]listi[/b:3mfgry5f][/url:3mfgry5f] undir "Fróðleikur/Bæklingar frá Hjálparsveit 4×4" hér á síðunni.
–
Bjarni G.
Svona er umhorfs aftan í Cruisernum hjá mér (á góðum degi…):
[img:g47j2xyi]http://www.f4x4.is/new/files/photoalbums/4212/41917.jpg[/img:g47j2xyi]
Hólfað niður með í T undir falska botninum. Hólfin sem snúa aftur eru akkúrat nógu djúp til að ég nái inn og fyrir framan þverskilrúmið er rými sem hægt er að komast í með að leggja aftursætin fram (vöðlur og aukaföt eru þar). Ofaná eru augu fyrir teygjur/strappa/net til að halda hlutunum niðri.
Þessi útbúnaður hefur reynst mér rosalega vel, allt annað að ganga upp bílinn, aðgengilegra, snyrtilegra og betra skipulag og líka minni slysahætta.
Þetta er flott !!!
Einnig finnst mér staðsetningin á tjakknum flott.Það væri ábyggilega ekki verra að setja svona svarta loðnunót ( stykki ) yfir það sem liggur ofan á skilrúminu , og jafnvel festa bara með krókum. Og jafnvel sniðugra að græja sér svartar teygjur ( fást einnig á netaverkstæði ) í nótina og húkka þeim svo á krókana.
Það er ekki langt síðan að Slysavarnarfélagið Landsbjörg gaf út ágætis einblöðung með gátlista. Ég hafði samband við þá í síma 570-5900 og bað um að þeir sendi mér eintak, sem og þeir gerðu. Ég á 8 eintök eftir og get komið með umframbirgðirnar á mánudagsfundinn fyrir þá sem vilja.
Á
http://www.landsbjorg.is/assets/slysava … tlisti.pdf
má sjá PDF útgáfu af listanum. Þeim svipar nokkuð saman listunum frá Landsbjög og f4x4
Veit nú ekki hvort þetta sé rétti staðurinn fyrir tjakkinn, í flestum tilvikum er heilv fullt af drullu eða á bólakafi í krapa. Gott ráð er að taka hann í sundur og geyma tjakkinn sjálfan inni í bíl og staungina á topnum eða á kassanum aftaná td
Já ég er ekkert á því að þetta sé endilega besti staðurinn fyrir svona tjakk. Bölvað vesen á þessu og auðvitað oftast á kafi og löðrandi í ógeði. Efast stórlega um að minn t.d. virki ef á reynir.
Hann er bara búinn að vera þarna frá því ég fékk bílinn, það var inn á planinu að taka til í þessu og jafnvel setja þetta upp á topp ásamt boxi og laga til vinnuljósin en … time time time.
Í þessum fáu ferðum sem ég fór á toppbogunum og festi hann með pústklemmum,tjakkurinn haggaðist ekki þar og lítið mál að losa hann.
Hér er mynd af gamla bílnum með tjakkinn á toppnum [url=http://www.f4x4.is/new/photoalbum/default.aspx?file=oldsite/2502/24918:10i2rf3q][b:10i2rf3q]( mynd )[/b:10i2rf3q][/url:10i2rf3q]
Hver er munurinn á þessu tvennu.
22. Snjógríma
40. Snjógríma
En góður listi og fer í safnið. Annars væri ég til í að heyra hvað menn eru að hafa með sér í dagsferðir. Ég er alltaf búinn að taka risa haug og nota svo aldrei neitt af því sem ég er með með mér.
Það getur verið mjög mikill munur á lið 22 og 40.
t.d. gæti liður no 22 verið snjógríma af stærðinni large fyrir bílstjórann og liður no 40 verið medium og fyrir coarann 😉
svona í léttu gríni kveðja Addikr
Ég er nú með tjakkinn aftan á hjá mér, fyrir neðan stuðarann.
Hann er reyndar í poka, en hefur aldrei svikið, en ég tek hann yfirleitt og smyr hann með Toyota Ofurfeiti á spreybrúsa ™ þegar ég er að bíða eftir að mótorolían drjúpi af mótornum. (m.ö.o. þegar ég smyr bílinn).
.
Maður vill að svona hlutir virki þegar þeir eiga að virka, leiðinlegt að vera með sjúkrapúða sem er síðan morkinn að innan, ef þið skiljið hvað ég er að fara.
.
kkv, Úlfr.
E-1851.
Spyr að því hvað menn séu að taka með sé í dagsferðir.
Ég lít þannig á málið að alltaf sé tiltekinn X staðlaður búnaður í bílnum. Hvort sem farið sé dagsferð eða lengri ferð. Eini munurinn er í raun að meira magn sé tekið af vissum hlutum þegar um lengri ferðir er að ræða.
Því dagsferðirnar geta hæglega breyst í erfiða sólahringsferða eða þaðan af meira.Þessir gátlistar sem hafa verið gefnir út af ýmsum, þykja kannski mörgum langir og ýtarlegir. Samt er það þannig með marga vana jeppamenn, að þeir eru með mun meira með sér en tiltekið er á þessum listum.
Svo þegar ferðast er í hópum ( gengjum ) í lengri ferðum þá er kannski farið aðeins meira í gegnum draslið ( sem er alltaf í bílnum ). Og menn skipta kannski aðeins með sér hlutverkum með búnað. T,d hvort einhver sé með spil, eða hvort ekki séu ekki einhverjir drullutjakkar með í för. Það þægilega við þessa gengja skipan er einmitt þessi hlutverkaskiptins sem myndast. T,d þegar Rottugengi ferðaðist sem mest og áður en nokkrir slyddaravæddust. Þá vissi maður að Magni sá um rafsuðuhlutann, þ.a.s vír og hjálm og slíkt. Ég vissi að Kjartan tók með sér stóra bolta og skrúfukassann. Ég vissi að Reynir og Magni voru með stóru strappanna ef festa þurfti t,d hásinga á réttan stað.
Ég vissi að Kjartan og Þröstur myndu sjá um að laga dekk ef á þyrfti að halda. Þeir vissu að ég myndir sjá um ferlamálin og reyna að rata. Einhvernvegin svona virka nú genginn.
En sorrý kannski aðeins kominn út fyrir efnið.En megin málið í þessu, reynið helst alltaf að vera sjálfstæð eining, og sem minnst háðir öðrum, þó minni þörf sé á því innan mjög samrýmds hóps. Einsog ég benti á hér að ofan.
Látið létta dagsferð ekki blekkja ykkur.Ps leit aðeins á þenna lista og fór í gegnum draslið í bílnum hjá mér. Þá er þetta ansi stuttur listi þarna í spjallþræðinum.
Góða skapinu og skinsemi tala ekki um að vera jákvæður svo ana ekki framúr sér í fljótfærni og halda sig við upp gefna áætlun og láta vida af breitingum ef þær verða, þetta tekur minst plás .
kv,,, MHN
Er ekki stórhættulegt að festa þunga hluti á mis-öflugar toppgrindur, sá í gær jeppa með járnkarl festan í svona smellta skíðaboga. hvað ef að hann lendir í árekstri. Maður bara spyr!
Þetta átti að vera snjóRímur nr. 40, þ.e. að menn kveðist á (með snjógrímurnar á sér!) til að létta sér lundina. Gaman að þessu.
En takk fyrir góðar athugasemdir og góða ferð þið sem eruð að fara/farin í jeppaferð í góða veðrinu.
You must be logged in to reply to this topic.