Utanvegarakstur

Það er rétt að mynna á [url=http://www.ust.is/NyttEfni/nr/3061:37ye35vx]málþingið[/url:37ye35vx] sem átti upphaflega að vera fyrir tveim vikum, verður í dag klukkan eitt til fimm, í sal Ferðafélgasins í Mörkinni (kjallara). Þar verður [url=http://um44.klaki.net/starfshopssk.pdf:37ye35vx]þessi skýrsla[/url:37ye35vx] kynnt.

Ég vil hvetja alla þá sem láta sig akstur á hálendisslóðum varða, að mæta.

-Einar

Því miður var ég ekki þeirrar gæfu aðnjótandi að komast á fundinn í dag en ég hefði gjarnan vilja leggja mitt af mörkum.
Var það eitthvað vitrænt sem kom fram er varðar okkar ferðamennsku?
Eitt er það sem félagsmenn verða að gera sér grein fyrir og það er það að sótt er að okkur einhverra hluta vegna úr mörgum áttum með fordómum og vanþekkingu sbr. hverja umfjöllunina á fætur annari í morgunblaðinu og umfjöllun á Rás 2 (speglinum) dag eftir dag omfl.
þetta er MJÖG ALVARLEGT mál og ef ekki er rétt á spilunum haldið gæti svo farið að við fáum ekki að ferðast um landið okkar eins og við höfum verið að gera til þessa.
Mér sem jeppamanni er dálítið farið að líða eins manni sem á götumótórhjól þ.e.a.s ef við setjum okkur í spor þeirra sem eiga "hippa" eða götuhjól og eru í leðri, þá eru þeir sömu gjarnan stimplaðir hálfgerðir glæpamenn,dópistar eða eitthvað þaðan af verra,en mjög margir af þessum mönnum eru bara venjulegir fjölskyldumenn,afar og ömmur o.s.frv sem hafa gaman af að "krúsa" um á góðum dögum. Mótórhjólamönnum hefur tekist að spirna við fótum og benda á þetta, viðhorfið er almennt smátt og smátt að breytast og það er bara með jákvæðri umræðu af þeirra hálfu í fjölmiðlum og víðar.
Okkur jeppamönnum er núna trekk í trekk líkt við einhverja umhverfissóða sem vilja umhverfinu helst allt illt í þeim tilgangi að sýna fram á torfærugetu "JEPPATRÖLLANA" okkar og okkur stendur náhvæmlega sama um hvert og hvað við erum að spóla upp.
Við keyrum um á eiturspúandi torfærudrekum svo ég vísi nú í ummæli formanns FÍ og FÍB í útvarpsviðtali og dagskrárgerðamanna á rás 2.Hver eru skilaboðin? Jú þau eru þau að okkur stendur nákvæmlega á sama hvað við skiljum eftir okkur á ferðum okkar. Og hvað er það sem gerir það að verkum að við verðskuldum þvílíka umræðu?
Það eru einhverjir "umhverfisöfgamenn" sem skilja ekki þetta áhugamál sem við höfum, og viðhorfið oft slíkt að þetta séu bara ofdekraðir pabbastrákar sem þurfa að sanna eitthvað á jeppum á stórum dekkjum. Ekki það að skilja að ég skilji þá þörf hjá mönnum að ganga um fjöll og firnindi másandi og blásandi, en ég er allavega ekki með fordóma gagnvart því fólki og alveg nákvæmlega sama hvar það gengur og það truflar mig ekki neitt en það virðist ekki gagnkvæmt.
Við megum ekki láta svona menn komast undir pilsfaldinn hjá ráðamönnum þjóðarinnar eins og nú er að gerast í stórum stíl. þeir virðast bara vefja þeim um fingur sér og fá fjölmiðla með sér.
Við eigum ekki vera feiminn við að flagga því að við ökum um á jeppum á stórum dekkjum því það eru alger foréttindi að fá að ferðast um landið með þessum hætti en því miður gefst allt of fáum tækifæri til að sjá og upplifa það sem við erum að upplifa á fjöllum og kannski þess vegna erum við að upplifa þessa fordóma.

Kveðja,

Glanni.

Þetta er gott innlegg Einar. Takk fyrir.
Þetta "glimpse" af reglugerðartillögu, ef ég skil þetta rétt, gerir mann býsna forvitinn um hvað fleira sé í þessum pakka. Verður þetta kynnt einhversstaðar, svo sem á vef Umhverfisstofnunar?
En eins og einhver kom inn á hér ofar í þræðinum, þá virðist sem einhver eða einhverjir hafi fengið köllun um endurnýjun á því sem maður hélt vera niður kveðið varðandi áróður um jeppa og þá sem þeim aka. Innflutningur á "upptíningum" frá USA hefur farið illilega fyrir brjóstið á einhverju liði, sem berst nú um á hæl og hnakka í fordómum sínum. Einn hitti ég á dögunum sem sagði og hlakkaði í honum "Nú nær samfélagið sér loksins niðri á ykkur á stóru og dýru dieseljeppunum. Þið hafið sloppið (sic!) við að greiða ykkar skerf til samfélagsins til þessa, en nú fáið þið að greiða með hærra verði á dieselolíunni frá 1. júlí. Kominn tími til!" Eru margir á þessari línu, hvað haldið þið?

Það er alveg ljóst að það hefur farið fyrir brjóstið á mörgum að hægt sé að ferðast á tiltölulega hagstæðan hátt með því að kaupa dísel upptíning og borga bara 140 þús eða svo í þungaskatt á ári.
Þetta málþing var í sjálfu sér ágætt og margt rætt og mörg sjónarmið sem komu fram. En ég er á því að við megum ekki láta umræðuna um utanvegaakstur innan okkar raða drukkna í gagnkvæmum fordómum milli mismunandi ferðahópa eða sleggjudómum sem við verðum fyrir hér og þar úti í samfélaginu. Það hefur alltaf verið eitt af aðalsmerkjum klúbbsins að berjast gegn utanvegaakstri og því miður er langur vegur frá því að það hafi unnist einhver sigur í því. Ég hef allavega bæði séð ljót dæmi um utanvegaakstur eða ummerki eftir slíkt í mínum ferðum og nokkuð viss um að fleiri þekki það. Og ekki eru það alltaf útlendingar eða mótorhjólamenn sem þar hafa verið á ferðinni þó þessir hópar séu mest í umræðunni. Ég held að þessi hugarfarsbreyting sem varð fyrir 20 árum þurfi stöðugt sitt viðhald. Við ættum að hamra járnið í því núna meðan það er heitt og umræðan í gangi, en auðvitað þurfum við líka að leiða aðra sem að þessu máli koma inn á réttar brautir, eins og í þessu 50 cm. ákvæði í reglugerðinni. Það auðvitað er alveg útúr kortinu og myndi gera mikinn skaða fyrir alla þessa baráttu.

Kv – Skúli