Utanvegarakstur

Það er ekkert nýtt að "þrýstingur" frá klúbbnum hafi ekkert segja vegna þess að hann hefur að mér hefur fundist of slappur. Með fullri virðingu fyrir ykkur sem unnuð að þessum slóðamálum ofl. þá finnst mér bara mistök að vera dengja okkur saman með öðrum útivistarsamtökum sem hafa allt aðrar áherslur heldur en við í f4x4 td. FÍ sem mest er td bara göngufólk.
Ég man bara ekki eftir neinu máli í svipan sem þrýstingur frá 4×4 hefur skilað árangri núna seinni ár. þetta er allt gjörsamlega máttlaust og það er alltaf einhver jafnaðarmennska sem ræður för í því sambandi og svoleiðis viðhorf hafa aldrei skilað árangri fyrir hagsmunahópa.

Þetta er hárrétt ábending hjá Einari, en varla förum við að kvarta yfir því. Punktur ég vil benda á varðandi það að vinna með öðrum útivistarfélögum í þessu og það er að utanvegaakstur eða barátta gegn honum er hagsmunamál okkar með nákvæmlega sama hætti og annarra útivistarsamtaka. Eða liggur það ekki í augum uppi! Það skiptir ekki máli í hvaða félagi maður er, það er alltaf jafn leiðinlegt að sjá skemmdir í náttúrunni eftir utanvegaakstur og skiptir okkur öll miklu máli að það sé dregið úr slíku með öllum tiltækum ráðum. Eini munurinn er að til viðbótar við það að það sé leiðinlegt að horfa upp á slíkt, getur utanvegaakstur í okkar tilfelli spillt fyrir ýmsum hagsmunamálum okkar en e.t.v. í minna mæli fyrir aðra hópa. En samvinna við önnur félög í þessu er ekkert nema af hinu góða. Þannig tökum við t.d. þátt í mjög góðu verkefni sem Ferðafélag Fljótsdalshéraðs setti af stað og gengur út á dreifingu póstkorta með að mig minnir texta á fjórum tungumálum þar sem bent er á að akstur utan vega sé bannaður. Reyndar er formaður þessarar ágætu deildar Ferðafélagsins líka félagsmaður hjá okkur og mjög margir félagsmenn 4×4 eru félagar í Ferðafélaginu, Útivist, Ísalp eða Jöklarannsóknafélaginu svo nokkur séu nefnd.
Svo skiptir bæði okkur og öll þessi félög miklu máli hvernig er unnið í þessum málum af hinu opinbera og þar er ég nokkuð viss um að ef við viljum að eitthvað sé unnið öðruvísi en gert er, stöndum við betur með því að geta fylkt liði með öðrum félögum, rétt eins og var með t.d. málefni Skaftafellsþjóðgarðs. Það er nefnilega alls ekki rétt að þrýstingur okkar hafi ekki skilað neinum árangri og nýjasta dæmið um það er breyting sem er væntanleg á reglugerðinni um þjóðgarðinn og við hefðum sennilega ekki fengið í gegn ef við hefðum ekki getað fylkt liði með hinum félögunum.
Kv – Skúli

Ég held að flestir geti verið virkilega sammála þér þarna Jón, meira að segja skriffinnar sem þekkja hálendið kannski aðeins úr skýrslum og greinagerðum. Það sem þarf að gera er annars vegar að merkja, stika, kortleggja, fræða og miðla upplýsingum um leiðir. Þarna er stórt og mikið verkefni og við höfum verið að vinna í þessu og vonandi ætlar slóðanefnd umhverfisráðuneytisins að leggja ríflega að mörkum þarna, allavega hefur verið rætt um það. Hins vegar þarf að refsa þeim sem vísvitandi vaða um allt, koma böndum á bandingjana, sekta þá ríflega og flengja opinberlega. Við komum líklega ekki nálægt slíku, enda ekki á okkar valdssviði, en það skortir örugglega ekki viljann hjá umhverfisstofu og meðan þeir beina þessu að þeim sem sannarlega aka utan vega er það bara hið besta mál. Boð og bönn, það þarf auðvitað að vera skýrt í lögum að utanvegaakstur (annar en á snjó og frosinni jörð) sé ólöglegur, en önnur boð og bönn ætti ekki að þurfa. Ég hef að vísu aðallega heyrt talað um slíkt meðal klúbbsmeðlima, en við skulum sjá hvað tillögurnar fela í sér, ef okkur finnst eitthvað ekki nógu sniðugt þar gefst okkur tækifæri til að koma með athugasemdir. Það sem ég ef helst áhyggjur af er að menn sem ekki þekkja til hálendisvega geri sér ekki endilega grein fyrir að þeir sjást stundum ekki í landslaginu. En það að þeir sjást ekki er auðvitað bara hið besta mál, þá þarf bara að stika leiðina vel.
Kv – Skúli

Á laugardaginn er þetta málþing sem ég held að við ættum sem flest að mæta á. það er um að gera að sýna þessum mönnum sem virðast hafa framtíð frjálsrar ferðamensku í höndum sér að okkur er ekki sama hvernig reglur um ferðamensku verða í framtíðinni. Flestir okkar sem hafa stundað Hálendið að sumri og vetri eru hörðustu umhverfisverndarsinnar sem um getur en við verðum að átta okkur á að við höfum mismunandi leiðir til að koma okkur á fjöll. sumir ganga aðrir fara á hestum en ferðamenska sem hentar flestum er vélknúin. það er hending að maður hitti gönguskíðamann á fjöllum í dag. flestir hörðustu gönguskíðamenn sem ég þekki fara stutta göngutúra á skíðunum en nota síðan jeppa eða vélsleða til að ferðast og njóta hálendisins. Ég hef séð tillögur um upphækkaðan veg inn í Jökulheima. það yrði eitt af meiri umhverfisslysum á því svæði og til hvers? það á eftir að svara spurningum um slóða sem hverfa í foksandi á stuttum tíma, það á eftir að svara spurningum hvort maður má fara bíllengd út fyrir slóða til að leggja bílnum og taka myndir eða tjalda. hvað með fjöruna þar sem við höfum ekið í sandinum og förin hverfa í næsta flóði.
látum til okkar taka það erum við sem erum að ferðast um landið og höfum mest vit á hvað er í lagi og hvað ekki.

Ég held að met hafi verið slegið, aldrei áður hefur verið röflað yfir jafn smámunalegum hlut.

-haffi

Það er frekar langsótt að túlka innleggið þitt sem hrós fyrir hraða en gott og vel.

-haffi

Hugsunarleysingjar á torfærutröllum!!! Svona hljóðar fyrirsögnin á leiðara Morgunblaðsins í dag.
Hvað er í gangi þarna upp á morgunblaði? Það birtist hver greinin á fætur annari í blaðinu og látið að því liggja utanvegaakstur sé orðin einhver plága á Íslandi, hvaðan fá þessir menn þessar upplýsingar?
Ég er búinn að vera að ferðast um landið í nokkur ár en þetta hefur bara farið fram hjá mér að utanvegaakstur og skemmdir á náttúrunni sé eitthvað vandamál.
Mig minnir að það hafi komið upp 2 kærumál á síðastliðnum 25 árum sem varða utanvegaakstur.
Hverjir eru hvatamenn að þessari neikvæðu umræðu?
Það skildu þó ekki vera Landeigendur og ferðaþjónustuaðilar?
Eða eru það ferðalangarnir sjálfir sem eru að skjóta sig í fótinn með svo mikilli umræðu um þessi mál að menn eru farnir að trúa því að þetta sé svo mikið vandamál að það sé brýn þörf á að taka í taumana strax og BANNA alla umferð nema með sérstökum leyfum.
Eru á landinu þvílík svöðusár eftir TORFÆRUTRÖLL landsins að brýnt sé að taka í taumana?ég hef ekki orðið var við þau sár sem verðskulda þvílíka umræðu.

Kveðja,

Glanni.

Sælir

Ég var að kíkja á síðuna motocross.is og þar sá ég að fulltrúar frá VÍK höfðu verið á kyningarfundi, hjá umhverfisráðneytinu, um drög að reglugerð um takmarkanir á umferð í náttúru Íslands. Það væri gaman að vita hvort þarna hafi verið fulltrúi frá f4x4 ?

Kveðja O.Ö.

Ferðaklúbburinn 4×4 átti fulltrúa á þessum fundi og verður fundað innan klúbbsins næstu daga vegna þessa máls. Umhverfisnefndinn, Slóðanefndinn og stjórnin munu fjalla um þessi mál og í framhaldi af því verður tekinn afstaða til þess.
Jón Snæland

Eins og Einar og Ofsi segir hefur klúbburinn þessa reglugerð til umsagnar og er planið að nokkuð stór hópur komi að því að vinna þá umsögn, þ.e. stjórn, umhverfisnefndin og slóðahópurinn sem taldi eitthvað milli 10 og 15 manns. Meginathugasemd okkar verður að sjálfsögðu við þessa 50 cm skilgreiningu og í ljósi þess að umhverfisstofa og auðvitað allir sem þekkja til vetraraksturs sjá í hendi sér að sú skilgreining sé óraunhæf, hlýtur að vera að það ákvæði fáist út.
Með utanvegaakstur, þ.e. raunverulegan utanvegaakstur þar sem menn keyra á auðri jörð og skilja eftir sig för, þá er það örugglega ýkt mynd að þetta sé stórfellt vandamál miðað við þann fjölda sem er að ferðast um hálendið. Það eru hins vegar nokkur tilfelli þekkt, m.a. voru tvö mjög slæm tilfelli sem komu upp síðasta sumar. Þó ekki væri nema eitt tilfelli þá væri það of mikið því afleiðingarnar sjást oft áratugi á eftir jafnvel þó reynt sé að laga eftir það. Frá upphafi hefur það verið eitt af aðalmálum klúbbsins að berjast gegn utanvegaakstri og þess vegna vill klúbburinn vera þátttakandi í allri viðleitni til að sporna gegn þessu. M.a. fór umhverfisnefndin í vettvangskönnun á Fjallabak síðasta sumar til að skoða skemmdir þar. Eins leggjum við talsverðan pening í stikun vegslóða, merkingar, skilti og allskonar áróður gegn utanvegaakstri og markmiðið með þessu öllu er ekkert minna en að þetta verði óþekkt vandamál. Við erum hins vegar ekki komin á þann punkt ennþá, því miður.
Auk þess er þátttaka okkar í aðgerðum gegn utanvegaakstri mikilvæg af því við höfum innsýn í ferðalög á hálendinu, vitum hvernig þau ganga fyrir sig og höfum því betri þekkingu á því hvað þarf að gera og hvaða aðgerðir þarf, en um leið þurfum við að koma í veg fyrir að farið sé í aðgerðir sem ekki skila árangri en setja hömlur á ferðalög þeirra sem ferðast á ábyrgan hátt. Dæmi um það er þessi 50 cm skilgreining sem skiptir engu máli gagnvart náttúruskemmdum en gerir vetrarferðir í raun óframkvæmanlegar. Sem betur fer virðast starfsmenn umhverfisstofu gera sér grein fyrir því, þó einhverjir starfsmenn ráðuneytisins sem að málinu komu átti sig ekki á hvernig hlutirnir virka í raun.
Kv – Skúli