This topic contains 23 replies, has 1 voice, and was last updated by 
-
Topic
-
Tekið af vef VÍK.(http://www.motocross.is).
Ég furða mig á því hvernig fréttafluttningur getur verið svona mismunandi af sambærilegum málum. Í Mogganum á föstudaginn rakst ég á litla grein þar sem segir frá mikilli svaðilför veiðimanna á jeppa, og hvernig þeir festu bílinn á kafi í mýri, hvernig ekki hefði verið hægt að nálgast bílinn nema á bát !! og það þyrfti trúlega gröfu til að losa hann upp. Þarna er ekki einu orði minnst á utanvegaakstur eða landspjöll. Það sem ég er að fara með þessu er að það vita allir hvernig fréttin hefði litið út ef hjólamenn hefðu átt í hlut.
Hvað finnst fólki um þetta ætti að gera jeppan upptækan eða er þetta allt annað þar sem þetta er ekki mótorhjól.
Kv Jón Jeppa og mótorhjóla maður
-
Replies
-
Það mætti halda að það væri verið að leggja hjóla menn í eineldi. Bíll ekur útí mýri er bara tilefni í smá grein í mogganum. Hjóla menn teknir á hengilsvæðinu fyrir utanvegar akstur (voru reyndar að hjóla á slóða sem hefur verið hjólaður síðustu 20 ár)og notað til þess þyrla, flugvél og lögregla. Þetta var í öllum fjölmiðlum landsins, ráðherrar með yfirlýsingar. Hver er það sem áhveður hvað er utanvegar akstur og hvað ekki. Er notast við meingallað kort frá landmælingum.
Kv Jón
Þessi frétt er frá Vísi.is í dag 25-06.
—————————————-Margir virða ekki lokanir á hálendinu.
Á hverju vori reynist nauðsynlegt að loka vegum á hálendi Íslands því þeir eru sérstaklega viðkvæmir vegna bleytu. Þrátt fyrir það er á hverju ári töluvert um að ökumenn þungra og öflugra ökutækja virði ekki lokanir eða viðvaranir og valdi vegaskemmdum, og stundum landspjöllum utan vega. Kostnaður við viðgerðir og uppbyggingu veganna er verulegur á hverju ári.
Nicolai Jónasson, deildarstjóri hjá Vegagerðinni, segir að það séu alltaf einhverjir íslenskir jeppaeigendur sem ekki virði lokanir Vegagerðarinnar en þó séu ferðamenn meira áberandi í þeim hópi. Jeppaklúbburinn 4X4 hefur brýnt mjög fyrir sínum félagsmönnum að vera ekki að fara inn á þessa vegi á meðan þeir eru lokaðir. En við verðum töluvert varir við það að útlendingar eru að reyna að paufast þetta og sökkva einfaldlega í drullusvaðið. Nicolai minnir á að þegar klaki er í jörð þá sé jarðvegurinn fyrir ofan gegnsósa af bleytu því vatnið getur ekki runnið í burtu.
Afleiðingar aksturs á hálendisvegum í þessu ástandi eru að sögn Nicolai alltaf þær sömu. Þetta einfaldlega eyðileggur vegina. Oft sest síðan meira vatn í förin og eyðileggingin verður sífellt meiri. Á endanum verður vegurinn svo illa farinn að hann er ófær mun lengur en annars væri.
Vegagerðin, Landsbjörg og Umferðarstofa gáfu sameiginlega út kynningarefni á þremur tungumálum fyrir erlenda ferðamenn til að reyna að miðla nauðsynlegum upplýsingum um umgengni á hálendinu, en það skilar sér ekki til allra sem hyggjast leggja leið sína þangað.
Skúli H. Skúlason, formaður umhverfisnefndar jeppaklúbbsins 4×4,tekur undir að töluvert sé um akstur á lokuðum hálendisvegum en reynt sé að fræða jeppaeigendur eins og kostur er. Það starf hefur skilað árangri en fræðsla til erlendra ferðamanna er kannski ekki nægilega mikil þó að gefið hafi verið út ágætt kynningarefni. Það er aldrei nóg að gert í fræðslu til þeirra sem hingað koma og hyggjast leggja leið sína upp á hálendið. Skúli bendir á að breytingar á veðráttu hafi sín áhrif. Ferðalangar í hálendisferðum að vetri lendi reglulega í asahláku sem veldur því að vegir spillast á heimleið. Skemmdir vegir verða til þess að ferðalangar neyðast til þess að fara út fyrir veginn til að komast leiðar sinnar. Það veldur svo enn frekari skemmdum í náttúrunni.
—————————————————-
Kv JÞJ
Ágætt þegar fjölmiðlar vekja athygli á þessu og gott að þeir leita eftir kommentum frá okkur þegar þegar þeir fjalla um þessi mál. Það pirrar mig hins vegar alltaf hvað það er oft farið rangt með nafn klúbbsins. Bæði er að það veldur enn frekari ruglingi og svo er nafnið Ferðaklúbburinn 4×4 bara svo miklu fallegra.
You must be logged in to reply to this topic.