Utanvegar akstur.

þeir sem valda spjöllum á landi eiga borga skaðann og fá góða sekt fyrir svona kjánaskap og laga landið eftir sig.( Menn hugsa
ekki fyrir þeir þurfa borga skaðann. )
kv,,, MHN

Jamm fært lítiðbreyttum jeppum sagði ég í bókinni. en ófært mikið breyttum. Lella mín lesa smáaletrið.
annarrs er mhn búinn að þvælast þarna fram og aftur á Ravinum áður en hann breytti honum nokkuð og svo var systir mín þarna ein á Uno fyrir nokkru, en hún var að vísu á 12 tommu grófum nagladekkjum svo það skipti kannski sköpum.

Uno hvað, á veginum fór 38" oft á kaf, þannig að ef systir þín fer á Uno þarna núna þá er hún búin að breyta honum annaðhvort í bát eða flugvél.
Óska eftir lögfræðingi, til að fara í mál við rithöfund sem gleymir að setja hitt og þetta inn í bækurnar hjá sér og leiðir saklaust jeppafólk í stór hættu !
Maður er orðinn svo Amerískur að vera svona með Ameríska drauminn og þess má geta í þenna vel heppnaða björgunnarleiðangur fóru að sjálfsögðu 2 stk Ameríksir bílar, aðrir hefður varla komist út úr þessu
Kveðja Lella Ameríska

Elsku kallinn minn. Já þú ert ábyggilega einn af ofurbílstjórum landsins. en í þetta skiptið hefðirðu þurft að skrúfa niður rúðurnar og reka árar út um gluggan.
og helst að blása upp AIRbagana í vagninum þínum til að fá betra flot. á einum stað voru stikur 5 metra upp í hlíð en ekki sjáanlegt að þar hafi nokkurn tíman verið vegur.
Enda þurfti oft að keyra í djúpu vatnsborðinu.

Aldrei er rætt um hversu mikið land þeir tæta upp utan vega og slóða. Þetta þykir bara sjálfsagt.

Svo skulum við bara hafa það á hreinu að MHN er landsins sleipasti ökumaður og hokin af reynslu í þeim efnum. Enda hvíslaði lítill fugl því að mér að Ofsi væri bara aðkeypt andlit á bækurnar 2 sem MHN skrifaði í raun og veru á einni helgi og allt eftir minni.

Það má alls ekki taka orð mín svo að ég sé að kenna hestamönnum um öll landsspjöll sem unnin eru hér á landi, þvert á móti veit ég ósköp vel að bæði jeppafólk og mótorhjólafólk á sína svörtu sauði sem skemma fyrir öllum hinum.
Það sem ég vildi benda á er að aldrei er minnst á skemmdir sem verða af þessum völdum í fjölmiðlum.
Um daginn heyrði ég viðtal við hestamann sem var að reka 35 hross frá Reykjavík og austur í Landeyjar, hann fór um Mosfellsdal, Þingvöll og Gjábakka veg. Þetta var bara algjör hetja sem var þarna á ferð en talaði samt um að þeir væru svolítið fáir til að sjá um svona mörg hross.
Ég á hross og reyni að stunda hestamennsku af besta megni en ég veit líka hverjar skemdir geta verið eftir 35 hross í viðkvæmum gróðri.
Landspjöll eru grafalvarlegt mál sama hvaðan þau koma og það þarf virkilega að taka á þessum málum.
Kveðja Gunnar Már

Aðeins um það hvernig ég reyni að meta hverjum leið er fær. Í tilfellinu Langavatnsdalur.
Þá var leiðin sett inn sem sumarleið. En nú er það nú bara þannig að víða er blautt og því hreinlega ekki komið hefðbundið sumarfæri. En Langavatnsleiðin yfir í Hörðudal verður fær öllum jeppum þegar þornar. En leiðin getur verið verulega illfær í mikilli bleytutíð og sama gildir um leiðina að vetrarlagi þá er hún illskeytt og kerfjandi fyrir breytta jeppa einsog við fengum að prufa þegar við fórum á 15 jeppum í ferð sem gekk undir nafninu 33 tommu ferðin. En menn verða bara að hafa það í huga að hálendisslóðir breytast hratt á íslandi.

Hvað varðar hestamennina, einsog Hlynur minntist á þá eru þeir í nákvæmlega sömu sporum og við, þ.a.s vilja vernda og viðhalda gömlum þjóðleiðum.
Nafni minn Jón Garðar nefnir það að óþolandi sé þetta sífelda karp um það hverjir valdi mestum spjöllunum, og er þetta alveg rétt ábending. Nær væri fyrir þess aðila að standa sama að því að koma þessu til betri vegar. Nú er t,d umhverfisnefnd 4×4, VÍK, umhverfisstofnun og Landgræðslan að hefja átak gegn utanvegarakstri. Reyndar held ég að fleiri komi að þessu máli. Þarna er upplagt tækifæri að fá fleiri aðila að þessu máli t.d hestamenn.

Því umræðan á ekki eingöngu að snúast um utanvegarakstur heldur umhverfisspjöll. Sem heita utanvegar umferð. Og eru þar ekki margir hvítþvegnir. Þarna eru margir kandídatar þar á meðal hestamenn, vélhjólamenn, vélsleðamenn, erlendir, veiðimenn, túristar, bændur. ofl ofl og síðan jeppamenn sem reyndar þarf að hafa í huga að flokkast í marga flokka mætti þar nefna okkur í 4×4, jeppadeild Útivistar og jeppadeild FÍ. Þarna er nú hópur sem auðvelt er að ná til með áróður. Svo eru það veiðimenn. Bæði þeir sem eru að veiðum í vötnum og ám eða skotveiðimenn. Þetta held ég að sé hópur sem erfitt að ná til og enn erfiðara er að ná til bænda sem telja sig vera í fullum rétti til umferðar utanvega á fjórhjólum, mótorhjólum, hestum og jeppum.

Í fréttum af utanvegarumferð er nokkuð oft hægt að greina það hverjir hafi verið á ferð. Maður veltir þessu því fyrir sér því einhvernvegin lendir þetta meir og minna á okkur. Því er það í raun nauðsinlegt fyrir okkur að vita það hverjir er staðnir að náttúruspjöllum, svo hægt sá að beina áróðrinum meira hnitmiðað. T,d veit maður það að utanvegarakstur á Arnavatnsheiði tengist oft veiðimönnum. Utanvegaakstur á Sprengisandi á haustin tengist gangnamönnum. Utanvegarakstur í nágrenni Reykjavíkur tengist mótorhjólamönnum og jeppamönnum sem oft eru nýliðar og fara því í stuttar ferðir. Við hinsvegar sem stundum vetrar akstur er mest hætt búin að valda skemmdum þegar komið er af jökli og menn rata ekki inn á rétta slóð strax. Því þurfa að vera nægilega margar slóðir að jöklum og auðvita stikaðar. Þetta þurfa þeir sem standa í áróðursmálum að greina svo ekki sé verið að eyða púðrinu í rangar áttir.

Mér finnst eitt gleymast í allri þessari umræðu um opinn og ekki opinn slóða, eða hvað er slóði og hvað ekki.

Það er hægt er að ferðast um á hestum, vélhjólum og jeppum á slóðum og jafnvel utan þeirra án þess að valda varanlegum landspjöllum eða spjöllum sem eru lengi að gróa. Menn þurfa bara að fara eftir skynsemi, frekar en bókum, skiltum eða vefsíðum.

Það er líka hægt að valda miklum spjöllum með hestum, vélhjólum og jeppum ef ekki farið rétt að. það er einmitt vandinn.

Þar sem innan allra þessara hópa er til fólk sem ekki fer rétt að, þá erum við að kalla yfir okkur fíflaleg ofurbönn sem útfærð eru af misvitrum embættismönnum og pólitíkusum sem virðast vera uppfullir af forsjárhyggju.

Við getum barist á móti en það er glötuð barátta á meðan við getum ekki stöðvað landspjöll af hálfu þeirra sem eru á meðal okkar. Semsagt, ég tel að besta varnarbárattan sé að vinna innan eigin hóps. F4x4 hefur gert það undanfarin 20 ár með góðum árangri.

Eins og ástandið er núna, þá þurfa allir sem vilja stunda frjálsa ferðamennsku að standa saman. Ég tel stóran hluta af vandanum felast í því að þeir sem haga sér verst séu þeir sem eru utan allra samtaka. Einmitt sá hópur sem erfiðast er að ná til. F4x4 hefur þó unnið markvisst að því að ná til nýliða með nýliðaferðum og fleira. Betur má ef duga skal í öllum tegundum ferðamennsku, sbr dæmi sem komið hafa upp.

Ég á ekki einfalda lausn á því hvernig við getum náð "innanfrá" í skottið á skemmdarvörgunum og stöðvað þá, en tel víst að ef við gerum það ekki muni ástandið bara versna og það mun birtast í allsherjarbönnum.

Vonandi verður nýji umhverfisráðherrann opnari en sá gamli fyrir því að teysta einstaklingsframtakinu fyrir þvi að halda ástandinu góðu. Slíkt viðhorf væri mjög í anda stjórnarstefnunnar, leyfa frelsi og grósku í stað forsjár. Við þurfum þá að sýna af okkur eitthvað sem sýnir afgerandi áhuga okkar á að standa okkur.

Munum bara að við höldum ferðafrelsinu eins lengi og við kunnum að fara með það.

Ferðakveðjur
Snorri.
R16

Það er kanski rétt að ég svari smávegis hérna en ég er annar þeirra sem fóru á bátnum að sækja þessa menn, ástæðan fyrir því að við sóttum þá á bát var sú að það voru 2 menn á 38" breyttum jeppa búnir að reyna að nálgast þá bæði frá Svignaskarði og einnig frá Grenjum en töldu útilokað að komast að þeim án þess að valda skemmdum á tækjum eða landi voru td búnir að keyra 150 m. í vatni því vatnsyfirborðið var dálítið mikið hærra en venjulega, svo voru þeir hræddir um að valda skemmdum á vegi og þar sem var ekki um líf eða dauða að tefla var ákveðið að fara þessa leið að fá bát úr Borgarnesi og sækja þá svoleiðis.
Ástæðan fyrir því að ég sagði í útvarpi að það þyrfti sennilega traktorsgröfu til að ná honum var eins og okkur sýndist að það væri hætta á að skemma bílinn við að spila hann upp því ekki sást í annað afturdekkið og hin voru ansi djúft.
Það er rétt að það voru ekki miklar skemmdir eftir þá en við vorum vissir um að það myndi eitthvað skemmast við að ná honum upp og þá væri gott að hafa gröfu til að laga skemmdirnar.
Við í Björgunarsveitinni Brák í Borgarnesi erum búnir að fara ansi margar björgunarferðir þarna inneftir í mýrina sem er þarna hinu megin við ánna, td. fórum við 5 ferðir í einum og sama mánuðinum fyrir 2 árum og allt er þetta útaf því að menn eru að reyna að stytta sér leið beint yfir mýrina í stað þess að keyra slóðann að vegamótunum sem eru ca. 500 m. innar.
Í fyrrasumar gerðum við okkur ferð þarna inneftir til að stika réttu leiðina og hlaða grjóti fyrir þar sem menn keyrðu útí og væntanlega í sumar fáum við skilti hjá vegagerðinni til að laga þetta enn betur.
Svo aðeins til fróðleiks í lokin þá er þetta ekki á sem þeir voru að reyna að komast yfir heldur var þetta lægð í landslaginu sem var orðin hluti af Langavatni, áin var 100 m. innar og var ca. 1 m. niður á venjulegt vað sem er þarna.
að öllu venjulegu þá er ekki hægt aðsigla upp þessa lægð því þetta er þurrt í venjulegu árferði en við sigldum nánast alveg að bílnum (ca. 50 m eftir)
Og fyrir ykkur sem þekkið til þarna þá settum við bátinn á flot við hliðina á brúnni á Beilá (sem er þarna þegar maður kemur niður í Langavatnsdal) og þaðan gátum við siglt óhikað inneftir til þeirra svo þið getið kanski aðeins áttað ykkur á aðstæðum sem voru þessa nótt.
kem með meira síðar.
Kveðja Ásgeir Sæm
ps. það skal tekið fram að þessir strákar voru búnir að lesa sig til um þessa leið en misskildu bara upplýsingarnar, þær eiga allsekki við í aðstæðum eins og voru þarna þennan dag en það er engum um að kenna við verðum bara stundum að meta aðstæður sjálf.