Utanvegar akstur

Það hefur mikið verið talað um þá breytingu sem varð á þessum málum með tilkomu F4x4 og réttilega. Flestir hugsa þessa hluti öðruvísi í dag en var fyrir 20 árum. En það er örugglega rétt að það þýðir ekki að menn geri ekki stundum eitthvað sem þeir ættu ekki að gera í þessum efnum og menn misjafnlega vakandi fyrir þessu. Þessi lýsing hjá Stefáni er allavega eitthvað sem margir hafa séð eða kannast við. Ég get alveg játað að þó maður reyni að ganga vel um og láta hvergi sjást hjólför þar sem þau eiga ekki að vera lendir maður stundum í því að fara í för við hliðina á slóðanum af því slóðinn sjálfur sé ófær. Mér dettur alltaf í hug svæðið fyrir ofan Krók á S-Fjallabaki, brekkurnar upp frá Hvítmaga, þar sem vatn hefur trekk í trekk eyðilagt slóðann á vorin og síðan myndast ný för við hliðina sem svo dýpka og skemmast af vatni og þannig koll af kolli.

Það er rétt að benda á í þessu sambandi að vegagerðin er búin að setja upp vorlokun á marga fjallvegi, eins og sést á [url=http://www3.vegag.is/faerd/island1.html:3lcr9w6s]kortinu hérna[/url:3lcr9w6s]

Kv – Skúli H.

Vil ég nú vekja atygli á hestamenskuni sem skemma ekki síður en jeppar eða mótor hjól (ég er alls ekki að réttlæta utn vegar akstur ég er mjög á mótti slíku). En stórt hesta stóð skemmir jörðina alveg hrikkalega og segir enginn neitt hvort þeir fara um vernduð landsvæði eða þjóðgarða þar sem land vernd er sem mest þer ríða þessir treflar óáreittir þvers og kruss og engin segir neitt.
Ég segi að um þessa trefla þarf sama að ganga og okkur jeppamenn. ÉG ER EKKI HLYNTUR UTAN VEGAR AKSTRI!!!!!

Kveðja Eyþór

Þetta er mjög þörf umræða.
Ég hef talsvert spáð í það hversu mörg slæm hjólför hafa myndast á hálendinu í vetur eftir þennan snjó- og frostlitla vetur.
Menn velja margir melinn eða rofabarðið heldur en krapapyttinn, það hafa örugglega verið mörg svoleiðis dæmi í vetur að auðveldari leið hafi verið keyra eftir grónu landi sem staðið hefur uppúr heldur en krapapyttinum sem nóg hefur verið af í vetur.

Ég er nú samt alveg viss um það að sannur Íslendingur keyrir ekki á grónu landi nema að mikla nauðsyn beri til.
En gæti það nú samt verið að í sumar, þegar jörð verður orðinn þurr og fjallvegir færir, að ljót sár verði á víð á dreif.

Er ekki áróður gegn utanvegaakstri eitt af markmiðum klúbbsins, ætti ekki vekja upp umræðu um þetta aftur núna þar sem mikið er af nýjum félögum og snjólitlir vetrar virðast vera orðin staðreynd.

Sælir aftur
Það fer allt eftir því hversu mikið frost er í jörðu hvort það skaði einnhvað að keyra yfir þunn snjóalög ef það er ekkert frost í jörðu eins og hefur verið viða í vetur þá koma för þegar snjóa leysir.
Ég er að tala um nákvæmlega það sem Rúnar tekur til smá skurður eða lækur og það er byrjað að keyra eftir holtum og þrætt framhjá þessu. Stundum er það ekki nema hálftíma vinna að moka fyrir efra dekkinu í sneiðingnum til að sleppa við að fara ofaní gil og annarstaðar upp og skilja eftir sig margra ára för, það er með þess háttar akstri sem við eyðileggjum fyrir okkur öllum (ofan í gilið og annarstaðar upp) .
Það er rétt hjá Eyþóri það er óþolandi að sjá hestamenn ríðandi um og skilja eftir sig slóða og för oft stutt frá vegum og hestastigum, en fyrst skulum við laga okkar slóða myndanir áður en við förum að breyta öðrum.
Það eru viss landsspjöll þegar það er verið að virkja en oft eru okkar landsspjöll ekkert betri þegar þaug eru tekin öll saman í eitt.
Stefán Jökull