Utanvegaakstur

Mjög fín hugmynd hjá Skúla.
Með uppsetningu slíkra skilta minnum við á að Ferðaklúbburinn 4×4 hefur barist lengi gegn utanvegaakstri og með þessu getum við sýnt okkar afstöðu enn betur í verki.
Einnig er góð hugmynd að bjóða vélhjólamönnum að taka þátt í slíku átaki.

Kv, Kjartan

Gott hjá SkúlaH eins og margt annað sem frá honum er komið. Ekki skal skuturinn eftir liggja ef rösklega er róið í barka! – Já og framhaldið, eins og bent var á, þá eru áreiðanlega mörg fyrirtæki, sem vilja staðsetja sig í umræðunni sem umhverfisvæn, t.d. bílaumboð, tryggingafélög, olíufélög ofl.ofl., sem myndu án efa koma inn í þetta dæmi kostnaðarlega með okkur gegn því að fá "logoin" sín áprentuð. Bara að muna eftir því SkúliH að hafa þetta stutt og laggott á íslensku, þýzku, ensku og frönsku. Þá dekkum við flesta Evrópubúa. Á sínum tíma tók ég þátt í því með félögum mínum í björgunarsveitunum hér á Húnaflóasvæðinu að koma upp aðvörunarskiltum sitt hvor megin við akstursleiðina milli Ingólfsskála og Kjalar og við fengum tvo einstaklinga sem áttu annarsvegar ensku og hinsvegar þýsku að móðurmáli til að þýða fyrir okkur textann á þessi tvö tungumál. Að vísu tókst einhverjum besserwisserum í fyrirtækinu, sem prentaði á skiltin, að klúðra enska textanum, þeir þóttust vita betur og kölluðu lækina "streems" í staðinn fyrir "streams" eins og okkar þýðandi vildi hafa það. En skiltin hafa virkað og það er aðalatriðið. Nú eru þau reyndar farin að láta á sjá. Efast ekki um að SkúliH lemur þetta í gegn um umhverfisnefndína í vetur.
kv.

Fyrst verið er að ræða um utanvegarakstur fór ég að velta einu fyrir mér.

Slóðin sem liggur að Strútslaug frá Skófluklifi og er komin á kort í dag er lokuð við Skófluklif. Þetta er ágætur jeppaslóði sem er vel greinilegur, en er ekki farinn á jeppum nema í skjóli nætur seint á haustin og engin segir frá. Er verið að tala um utanvegaakstur þarna eða er þetta réttur okkur jeppa manna að nota þessa slóð ????

Hlynur

Utanvegaakstur er vandamál bæði meðal jeppamanna og mótorhjólamanna.
Þetta er hlutur sem það þarf að hamra stanslaust á, held að 4×4 og VÍK ættu að taka höndum saman og sameinast í áróðrinum gegn utanvegaakstri.
4×4 voru með öflugan áróður fyrir nokkrum árum en síðan þá hefur eitthvað minna farið fyrir honum.
VÍK eitt og sér held ég hafi ekki bolmagn né getu til að halda úti öflugum áróðri, þessi tvö félagasamtök gætu jafnvel fengið ferðaþjónustufyrirtæki eða hagsmunaaðila í ferðaþjónustu í lið með sér til að herja á útlendingana líka.
Einnig finnst mér að þetta gæti snert hana, okkar "ástkæru" Siv og hennar ráðuneyti.

Utanvegaakstur er orðið mikið vandamál, sérstaklega eftir þessa snjólitlu vetra, aukna mótorhjólaeign almúgans, aukna umferð fávísa útlendinga og þverrandi upplýsingaflæðis um utanvegaakstur.