utanvegaakstur

Sammála þér Bassi held að menn séu aðeins að missa sig hér:) kannski sumir ættu að fara og keyra smá í snjónum. Það eru nógu margar vindmillur að berjast við því ættu klúbbfélagar aðeins að spá í hvað þeir kalla utanvegarakstur og hvað ekki!!!!
Bara mitt álit
mbk Don Gísli de cote:)
sem berst hvorki við vindmillur né reisir þær.

Fínt að dæla vatni á myllu þeirra sem vilja banna akstur á snjó.

Ég leyfi mér svo að stórefast um að eftir nokkurn þessara bíla sem að sýndir eru á myndunum sjáist nokkur för.

Já og svo er bíllinn á hryggnum á slóða – ég tel mig vita nákvæmlega hvar þetta er og hef ekið þarna um.

Já og ein viðbót – ég er alveg gjörsamlega sammála Helga – ég held að mönnum væri hollt að vita aðeins um hvað þeir eru að tala áður ein þeir setja fram svona bull sem að er ekki til neins annars fallið en að stórskaða þá erfiðu baráttu sem að klúbburinn háir daglega fyrir því að halda frelsi til að ferðst.

Nei Lárus þá átt svo sannarlega heima hér… Eins og allir aðrir jeppamenn sem láta sig frelsi til ferðamennsku og virðingu gagnvart náttúrunni varða.

En það er hins vegar svo að á þessum myndum sem þú sýnir er enginn utanvegaakstur að eiga sér stað. Í tveimur tilvikana er ekið á slóða. Árbakkinn sem að verið er að keyra upp á er væntanlega beinfrosinn og síðan breytast árbakkar ár frá ári og alls óvíst að þessi bakki verði yfir höfuð til næsta vor.

Það sem að hins vegar skiptir mestu máli þegar svona er sett fram að þá skiptir öllu máli að það sé alger vissa fyrir því að ásakanir eigi við einhver rök að styðjast og að einhver skaði hafi verið unninn – á þessum myndum sést hvergi að unnin hafi verið spjöll á náttúrunni og eins og´ég sagði þá stórefast ég um að þú getir farið þegar snjóa leysir og sýnt mér eða öðrum hvar þessir bílar hafa ekið.

Hins vegar er hrúga af kverúlöntum sem sitja um öll tækifæri til að koma höggi á jeppamenn og þú er þarna að rétta þeim upp í hendurnar kjörið tækifæri til að setja af stað en eina blogg-herferðina. Það er mikil rógsherferð í gangi gegn ferðamennsku á vélknúnum farartækjum þessa dagana og það er óþarfi að skvetta bensíni á það bál með myndum sem sýna ekkert annað en jeppamenn að ferðast um landið og kalla það utanvegaakstur.

Benni….

Eins og Atli segir réttilega getur verið erfitt að meta hvaða áhrif aksturinn hefur og hvað náttúran jafnar út yfir veturinn með frostlyftingu og veðrun og þess vegna er farin sú leið að banna frekar meira en minna, láta náttúruna njóta vafans. Þess vegna er orðalagið í lögunum að akstur er leyfður á „snævi þakinni OG frosinni jörð“, ekki „… EÐA frosinni jörð“ eins og Bazza minnti. Það þarf semsagt bæði að vera til staðar. Á sama hátt eigum við auðvitað að láta náttúruna njóta vafans í ferðum okkar, ef við erum í vafa er málið að snúa við eða þræla sér áfram akkúrat í slóðanum þó svo þar sé þungur snjór en létt og auðvelt fyrir utan. Sá slóði sem þarna er ekinn er almennt ekki lengur ekinn að sumri (ef ég er að staðsetja þetta rétt) en ekkert að því að fara hann á þessum árstíma við svona aðstæður þegar allt er beingaddað. Ég er nú almennt frekar gagnrýninn á að menn séu að leika sér mikið á gráa svæðinu í þessum efnum en eftir myndunum að dæma sýnist mér að þessi hópur hafi ekki farið yfir strikið og séu ekki að skilja eftir sig ummerki. Helst að ég setti spurningu við þetta með árbakkann þarna en maður þyrfti að sjá aðstæður betur til að meta það, þreifa aðeins nánar á þeim og svona bakki getur pikkfrosið og verið eins og gler. Getur því verið mun skaðlausara að keyra yfir svona að vetri en á sumri og ef ég er að lesa staðsetninguna rétt er þetta vað sem líka er farið yfir að sumri.
Ég er nú samt í sjálfu sér ánægður með Lárus fyrir umhyggju hans fyrir landinu og við eigum auðvitað að vera gagnrýnin á utanvegaakstur og spá og spekúlera í þetta hvenær við séum örugg um að valda ekki ummerkjum og hvernig sé best að haga ferðinni. Eins og fram hefur komið liggur það ekkert alltaf í augum úti. En það er líka rétt að þessum pælingum þarf svolítið að halda „innan hringsins“, ekki vegna þess að það sé neinn glæpur að velta þessu fyrir sér (nema síður sé) heldur vegna þess að mannsheilinn er snjall í að túlka hluti til verri vegar ef honum sýnist svo og ýmsum sýnist það góður siður að túlka hluti sem snúa að jeppaferðalögum til verri vegar. Í sjálfu sér slæmt að ekki sé hægt að liggja yfir svona pælingum á hreinskiptan hátt á opnum vettvangi, en því miður er það svo.
Kv – Skúli

Hjálagt er svar frá Birni Inga Jóhannssyni vegna ummæla um ferð þeirra félaga og mynda sem Lárus Rafn Halldórsson startaði hér á vefnum.

Góðan dag.

Björn Ingi heiti ég og langaði aðeins að koma svolitlu á framfæri.

Ég var að lesa spjallþráð frá ákveðnum aðila þar sem hann talar um utanvega akstur og vitnar í myndir sem ég setti inn á vefinn í gær, þann 25/2.

Þar sem ég er ekki greiddur félagi og get ekki svarað þessum pósti vildi ég fá að senda ykkur svar mitt hér svo hægt sé að koma því á framfæri við viðkomandi og
Einnig þá sem hafa lesið þennan þráð. Ég vil alls ekki að folk haldi að ég sé einn af þeim sem skemmi landið.

Í þessari ferð var ávallt keyrt eftir slóðum, vegum eða punktum. Þarna voru á ferð men sem þekkja þessar leiðar og þetta svæði mjög vel bæði að sumarlagi og vetrarlagi.
Svo er minnst á hrygg sem keyrður var upp. Á þessumhrygg er slóði sem liggur þarna niður í gilið sem við vorum að þvælast í.
Þar sem farið var upp úr ánni sem sést á myndunum var búið að ganga kantinn og skoða hvar væri hægt að fara uppúr svo ekki mundi valdast skaði af og var þessi staðsetning
Ákveðin þar sem jörð var gaddfreðin. Farið var ofan í ána á slóða en ekki hægt að komast upp úr vegna ísskara hinu megin.

Ég vildi bara koma þessu að þar sem ég er sjálfur alfarið á móti utanvega akstri og hef hingað til hiklaust stoppað menn og veit þeim tiltal ef ég hef séð til slíks.

Mér fannst viðkomandi ansi harðorður en ekki það að ég skil vel að menn verðir ósáttir ef menn telja að um utanvega akstur sé að ræða. En svo var ekki í þessu tilfelli.

Kær kveðja/Best regards,
Björn Ingi Jóhannsson