Utanvegaakstur

Mér finnst nú bara ótrúlegt að fyrstu póstarnir á nýju ári skulu byrja eins og síðasta ár endaði… á neikvæðri umfjöllun.
Er ekki málið að byrja á einhverju jákvæðu…
kv. stef

Hæ hæ og gleðilegt nýtt ár:):)
Ég ók einum af þessum bílum og þetta var allt í löglegu gert,það var fengið leyfi fengið til að keyra 2 ferðir þarna á frosinni jörð fyrir þetta show…
Og svo bara skál:):):)
KV:Matti

Það sáust samt greinileg för eftri bíla sem ekki á að sjást í náttúru íslands

Ef þú ferð þarna næsta vor Martein þá verður væntanlega litamun á mosanum í hjólförunum og utan þeirra og líklegt að hjólförin verði því mjög greinileg þá, en þau hverfa svo á nokrum árum þar á eftir. Mosi er nefnilega mjög seinn til bæði að drepast og að lifna. Það sem er athugavert við þetta er að þessi jeppar eru greinilega á harðpumpuðu. Hefðu þið haft rænu á að vera á undir 3 pundum hefðuð þið losnað við öll ummerki.

Vá hvað ég visi að einhvermyndi væla yfir þessu!!

Daginn

Mér finnst það sérstaklega jákvætt að tæpum klukkutíma eftir að atriðið var sýnt voru félagsmenn 4×4 byrjaðir að ræða um þetta á vefnum, sínum miðli.

Það sýnir að hjá allflestum félagsmönnum er þetta orðið eðlislæg viðbrögð að finnast eitthvað athugavert við þetta.

Kv Izan

Hárrétt sem Izan segir að viðbrögðin hér sýna að félagsmönnum 4×4 finnst það verulega stinga í augu að sjá menn aka svona utan vega og yfir gróið land. Svona atriði í þætti sem öll þjóðin horfir á er hins vegar afskaplega skaðlegt á tvennan hátt. Annars vegar sendir þetta almenningi þau skilaboð að ef þú ert á stórum jeppa sé bara allt í lagi að aka yfir hvað sem er. Fyrir þá sem ekki eru inni í málum með sama hætti og menn eru hér, gefur þetta því villandi mynd. Svo er hitt að þetta ýtir undir fordóma gagnvart jeppamönnum, eða kannski björgunarsveitum sérstaklega. Ég er nokkuð viss um að einhver sem horfði á þetta hefur bölvað stórum jeppum að þessu tilefni. Ég get því ekki sagt að ég gráti það ef Ust gerir mál úr þessu.
Kv – Skúli

Það var gjörsamlega óháð tilgangi atriðisins að keyra á grónu landi. Þetta hefði vel mátt taka annars staðar þar sem engin för sáust, þetta atriði stakk mig svo í augun! (sem voru að mestu annars lokuð yfir skaupinu…)
Mér finnst þetta vera skammarlegt, og skiptir engu þó að árið þurfi að byrja á neikvæðri umfjöllun. Þarna var um HREINAN OG KLÁRAN utanvegaakstur! Annað en mörg dæmi um meintan utanvegaakstur.

Mér finnst þetta mál ekki vera til framdráttar fyrir bæði björgunarsveit er átti hlut að máli og lögreglu- og bæjaryfirvöld.

kkv, Úlfr
E-1851

Hæ, smá innlegg í þetta.

Ég segi eins og Tryggvi, af hverju þurftu þau að gera þetta svona, aka í breiðfylkingu þarna niður og ég hugsaði strax, hvaða kjánar eru þetta á þessum bílum.

En allir hinir svo voru að horfa með mér (konan, bróðir minn, konan hans, mamma og pabbi, öll börnin), tóku ekki eftir neinu.

Sem segir mér það, að við jeppaliðið erum svo sannarlega að pæla í þessum hlutum og sennilega er þá þetta minna mál í hugum hinna sem eiga ekki jeppa og fara ekki mikið á fjöll.

Og þá er staðreyndin um utanvegakstur svona, ef marka má mína reynslu heima þetta kvöld:
Einhver framkvæmir, örfáir sjá, flestum er sama, enn færri vilja kæra, jeppakallinn fær sting að sjá. En samt hefur sýsli viljað eltast við þá…

P