Utanáliggjandi úrhleypibúnaður

Takk fyrir frábærar undirtektir!

Svona þróast hlutirnir hratt, þegar menn skiptast á lausnum í máli og myndum. Alger óþarfi að allir séu með þetta eins, enda ekkert gaman að því. Svo hentar eitt fyrir þennan og annað fyrir hinn, t.d. hvað dekkjastærð, pláss í bíl, þrýstiloftsgjafa, felgugerð og annað varðar.

Endilega að pósta áfram á þráðinn tækniupplýsingum og myndum, það gagnast örugglega mörgum hvort sem eitthvað af því ratar í kittið sem ég er að spá í eða ekki.

kveðja

Grímur

í sambandi við loftgjafa þá er ég alveg harður á því að köfunarkútur sé það allra þægilegasta sem ég hef notað ég er með 15 lítra 235 bar (sirka 3300 psi) loftkút svona kútur dugar mér á 38 tommu næstum endalaust á 46 tommu get ég harðpumpað öll dekkin svona 5-6 sinnum þessa kúta er svo hægt að láta filla á öllum slökkvistöðvum fyrir lítinn pening ég er meðlimur í sportkafarafélagi íslands þannig að ég fylli á þar það er hægt að semja við þá um að borga held ég 4000 kr á ári til að fá að fylla kúta allt árið kúturinn kostar um 30.000 held ég
það tekur mig í mesta lagi 2 min að fylla eitt 46" dekk úr 3 psi í 25 psi, ef maður væri með enhvern svona búnað þá held ég að það taki lengri tíma að tengja hann en að fylla á dekkin

Ég er náttúrulega búinn að auka við túrbínuna upp í ca 18psi(stillanlegt hjá mér), með því nær maður að skjóta 7-8 psi mjög hratt í, en það tekur svo aðeins lengri tíma að fara í 12-14psi.
18psi eiga fræðilega séð að nást fyrir rest, en ég hef aldrei nennt að bíða eftir því, nota bara rafmagnsdæluna til að toppa upp fyrir langvarandi malbikskeyrslu.
Varðandi óbreyttan turboþrýsting, þá fer það alveg eftir bílnum. F350 er að blása 35psi(þaðan fékk ég hugmyndina um að nota torbo-ið), Galloper 12psi…það væri fínt ef menn póstuðu þessum gildum hérna inn!

Fín lausn þetta með köfunarkútinn, sérstaklega fyrir þá sem til þekkja í því sporti.

Ég vil meina að úrhleypibúnaður geri mikið, mikið meira fyrir minni dekk en stærri.
49" dekk hafa t.d. oftast nær svo mikið umfram flot vegna stærðarinnar að akkúrat loftþrýstingur til að komast áfram er ekki svo hárnákvæm vísindi.

Fyrir 38" og minna getur skipt feiknalega miklu að hleypa aðeins úr í gegn um erfiða kafla, sem er svo jafnvel orðið óþægilega lítið loft á hörðum eða auðum köflum þess á milli. Þá er mjöög hentugt að geta skotið aðeins í dekkin án þess að stoppa. Þetta er eitthvað sem menn eru oftast ekkert að spá í á stærstu dekkjunum, þar sem sjaldnar reynir á þessi mörk með að komast/komast ekki.

Ég held að þetta sé ein af ástæðunum fyrir því að úrhleypibúnaður hentar ekkert öllum, og margir sjá þar af leiðandi lítinn tilgang með þessu dóti.
Mín reynsla er allavega á þann veg að ég vil ekki vera án úrhleypibúnaðar, það er alveg svakalega gaman að finna þegar dekkin fara "allt í einu" að fljóta almennilega, á fullri ferð.

Varðandi það að nota pústið sem þrýstiloft, þá verð ég að [i:cby5hcjz]vara sérstaklega við því.[/i:cby5hcjz] Afgas inniheldur töluvert af CO2(kolsýru), vatnsgufu og hinum og þessum efnasamböndum sem geta verið mjög tærandi fyrir bæði málma og plast/gúmmí.
Menn hættu að nota kolsýru í dekk vegna þess að gúmmíið þoldi hana ekki, held að það sé best að halda sig við eins hreint loft og kostur er.

Aftur varðandi túrbínuloftið, þá tek ég það vélarmegin við intercoolerinn(snittaði í soggreinina) til að fá ekki 300°C heitt loft inná kerfið. Virkar fínt, en ég þarf að svera það betur upp til að fá betra flæði. Ætli ég taki ekki árans yfirþrýstiventilinn og setji nippil í staðinn, 25mm gat ætti alveg að sleppa !

kkv
Grímur

Vill ekki einhver gera þetta bara fyrir mig gegn vægu gjaldi ?
kv
Árni

Eitt sem ég var að pæla.
Þegar menn eru með loftkisturnar tengdar þannig að þeir geti verið með öll dekkin tengd saman og þessvegna nákvæmlega sama loftþrísting í þeim öllum. Hvað gerist þá ef maður er lengi að hjakka upp bratta brekku eða fer í hliðarhalla…. ruglast þá ekki þrístingurinn í dekkjunum??

Kv.
Óskar Andri

Ég get nú eiginlega ekki skrifað undir það að verið sé að finna upp hjólið með því að nota þrýstiloft af soggreininni….veit ekki til þess að það hafi verið gert áður. Það sem gerir það spennandi er sú staðreynd að um er að ræða alveg ágætis þrýsting í mörgum tilfellum. Það er líka gott að vera með fleiri en einn loftgjafa í hverjum bíl.

Varðandi olíuskilju, þá er það alger óþarfi. 2.5 turbo vél á 2000 snúningum undir hálfu álagi(ca 10psi boost) er að dæla ríflega 200 rúmmetrum á klukkustund af lofti í gegnum sig. Ef túrbínan væri að smita að einhverju að ráði í allt það loft yrði vélin smurolíulaus ansi hratt….olíusmitið innan á lögnum og í intercooler er eftir olíusmit úr þúsundum rúmmetra

Ég tek þetta bara beint, enginn kútur enda lítið við hann að gera á svona lágum þrýsting. Einstefnuloki til að loftið fari ekki öfuga leið ef ég gleymi kerfinu á "pumpa" og túrbínan ekki að blása.

kkv

Grímur

Það er vel framkvæmanlegt.

Flestar iðntölvur ganga reyndar á 24V eða 230V, en ekki allar. Takmarkar samt aðeins úrvalið að hafa bara 12V.
Aðal vesenið er að finna þrýstinema sem eru sæmilega nákvæmir á 0-4psi, og spanna líka uppí ca 40psi, þá þurfa þeir líka að skila einhverju analog-merki sem iðntölvan tekur, t.d. 4-20mA eða 0-10V.

Það er lítið mál að koma saman svona kerfi þegar hentugir íhlutir eru fundnir, spurning um hvað maður vill eyða í dæmið, dótastuðul og svo notagildi.

Ég er annars eiginlega kominn yfir þetta iðntölvudellutímabil fyrir sjálfan mig þannig séð, án þess að hafa farið alla leið með þetta í bíla.
Jafnframt skil ég mætavel að þetta sé spennandi, enda hafa iðntölvur feikna mikið notagildi þegar þær eru notaðar á réttan hátt.
Varðandi PC-stýringar…ég myndi láta það vera. Til að PC stýring henti þarf að vera fyrir hendi mjög stabílt umhverfi. Texas Instruments framleiða skemmtileg I/O box sem vinna á USB, en það er með það eins og annað PC dót að það vill frjósa þegar eitthvað óvænt kemur uppá o.s.frv.

Fyrir minn smekk er niðurstaðan sú að geta notað kerfið þó að bíllinn sé gersamlega rafmagnslaus(á meðan bíllinn gengur, sem er þannig séð hægt á díselvél ef ádreparinn er ekki að trufla). Það er kannski lítið að gera við loft í dekk ef bíllinn gengur ekki…

Þetta kann að vera gamaldags viðhorf hjá mér, en það verður bara að hafa það. Ég ætlast aldeilis ekki til að aðrir taki það blint eftir, hver hefur sinn smekk

kkv

Grímur

Varðandi tölvustýringar þá er Gunnlaugur hjá verkfræðistofunni Samrás búinn að hanna svona tölvur. Hann verður með kynningu á þeim á næsta félagsfundi.

Benni

Svo er spurnig hvernig þetta kom út hjá Óskari Erlings
https://old.f4x4.is/index.php?option=com … mId=191912
ef þessir virka vel þá þarf engann flókinn búnað til að stýra bara kúluloka.
kv Gísli Þór

Spennandi að heyra um snildarhugmynd að nota túrbínu sem loftdælu. En er ekki vandfarið með slíka breytingu. Gæti verið að túrbínan færi á yfirsnúning við að opnist rás inn á soggrein til að nýta sem loftgjafa. Það er þrýstingur beggja megin í túrbínunni púst- og sog/þrýstimegin við álag. Ekki erfitt að ímynda sér að túrbínan færi heldur betur á skrið víð fullan vinnuþrýsting við að missa þrýsting sogmegin við að opna rás inn á soggrein. Það er að segja pústhjólið er að snúa þrýstihjólinu og allt í einu léttir snökkt á þrýstihjólinu sem ætti að skjóta túrbínunni hressilega upp á snúning eitt augnablik og túrbínuspaðarnir fá extra auka miðflóttakraftsálag, meira en þeir eru kannski hannaðir fyrir og þola. Nóg snúast þeir nú samt greyin. Getur verið allt í lagi en þetta er möguleiki held ég.