Utanáliggjandi úrhleipibúnaður

Utanáliggjandi úrhleypibúnaður
Til er ódýr útgáfa af úrhleypibúnaði. Sem er þekkt frá Paris-Dakar röllunum, þar sem ekið er mikið í sandi og gott getur verið að geta minka loftþrýsting í hjólbörðunum á ferð, til þess að tapa ekki tíma og drifgetu . Einnig er þetta notað á flutningabílum erlendis, til þess að halda loftþrýstingi ef gat kemur á dekk. Á íslandi hefur þetta verið prófað og gefið góða raun, þrátt fyrir vissa annmarka. Takmörk utanáliggjandi úrhleypingabúnaðar felast í því að slöngur liggja frá brettaköntunum og niður í hásingarnöfin og geta slöngurnar skemmst þegar ekið er í krapa eða jeppar brotnað niður um ísilagðar á. Einnig er hætta á því að slöngurnar verði fyrir hnjaski þegar lítið athafnasvæði er fyrir jeppann. Hinsvegar er einfalt að skipta um bilaðar slöngur en þær eru tengdar með hraðtengjum. Tæknilega séð er búnaðurinn einfaldur, það sem þarf er loftdæla sem í flestum tilfellum er þegar til staðar í jeppanum.
og er gott að hafa loftkút t.d. 20 lítra og er það gert til þess að fljótlegt sé að pumpa í dekkin að ferð lokinni. Hægt er að hafa loft eða rafstýrðaloka á loftkerfinu. fyrir fram eða afturdekk, einnig þarf að vera með þrjá loftmæla sem ýmist sýna loftþrýstinginn á kerfinu og svo hinsvegar mæla fyrir ýmist fram eða afturdekk, einnig þurfa að vera þrír rofar sem hægt er að stilla loftþrýstinginn með. Notuð eru fjögur gegnumtök staðsett á brettaköntum eða í stigbretti og slöngur úr 6 eða 8 m/m sverleika eftir stærð dekkja. Í felgunni er búnaður sem Stýrisvélaþjónustan í Hafnafirði framleiðir.
Slöngurnar eru tengdar í snúningstengið frá Landvélum (Snæþór) og með hraðtengi 6 m/m fyrir 38” dekk og 8 m/m fyrir 44” dekk, öruggast er að nota í þetta 8 m/m loftslöngur, en 6 m/m slöngur hafa dugað fyrir 38” dekk.
Ekki er þörf á að hafa slöngurnar tengdar á lálendi t.d. á krapasvæðum eða í ám, en það er mjög fljótlegt að tengja búnaðinn þegar þörf er á honum.

Heimild: Ekið um óbyggðir II eftir Jón Snæland