Upptaka olíugjalds

Díselvélar eru sterkari en bensínvélar. Þessi styrkur fæst með sterkara og meira stáli. Einnig er verið að borga fyrir Common Rail eða olíuverk og allt lagna og spíssakerfið sem því fylgir. Einnig eru sumar dísel vélar með leiðispjöld og allskonar búnað til að koma hreyfingu á loftið (virkar nokkurn veginn eins og Hiclone). Svo kosta glóðakertin og búnaðurinn í kringum þau líka sitt. Þannig að maður er enga stund að setja díselvél upp í 500 þús+. Svo kosta túrbínur og millikælar sitt.

Þetta ætti nokkurn veginn að koma því til skila að maður borgar fyrir gæði;)

Vinur Diesel

Jæja, í lok setningar í frétt Fréttablaðsins í morgun kemur ein smáletursgreinin í ljós. Sagt er að tekjur ríkissjóðs muni lítið breytast þótt þungaskattur fari inn í eldsneytisverðið, en tekjur Vegagerðarinnar (bíðum við, er það ekki ríkið líka?) rýrni nokkuð en það verði bætt upp með NÝJU VÖRUGJALDI. Sem sagt ný skattlagning á bíla, verðið á þeim hækkað. Eins og marga okkar grunaði, það á nefnilega að hækka á manni bílaskattana en ekki öfugt. Hvernig væri að allir þeir skattar, sem lagðir eru á bílana sjálfa þegar, eldsneyti fyrir þá og rekstrarvörur þeirra, fari til vega? Skyldi þá ekki vera að það nægði til þess að ganga almennilega frá fjölförnustu gatnamótum, tvöfalda veginn austur fyrir fjall og leggja nýja Sundabraut? Af hverju þarf að fara með stærstan hluta vegafjár í að bora göt á milli eyðifjarða í staðinn fyrir að fækka slysagildrum á vegum, sem þjóðin er að nota þar sem hún býr (ennþá).

Svo heyrði maður í RÚV í hádeginu að Halldór Blöndal er enn á ferðinni með veginn sinn yfir Stórasand. Ef menn vilja stytta leiðina milli Reykjavíkur og Akureyrar, þá finnst mér að það eigi að fara Sprengisand, grafa göng síðasta spölinn ofan í Eyjafjörð og þá erum við komin með styttingu. Þessi leið, sem er á stórum svæðum ofan 700 m y.s. og fer jafnvel upp í 800 m y.s. í einhverju mesta veðravíti á norðurhveli, verður aldrei heilsársleið milli þessara tveggja megin byggðasvæða landsins. Menn verða að vita um hvern andskotann þeir eru að tala þegar þeir eru að flytja tillögur á þingi um fjárfestingar upp á tugi milljarða af almannafé. Þótt ég búi sjálfur á Húnaflóasvæðinu þá geri ég mér ljóst að fljótlega upp úr 2010 verður ekki kvikindi búandi á svæðinu.