Upphersla á stýrismaskínu í Patrol

Þetta er nú nokkuð einfalt í flestum bílum.

Hjólin verða að vera bein, ekki í beygju.

efst á stýrismaskínunni er lítill bolti oft 8-10mm, beint upp af aðalöxli maskínunnar sem er svo umlukinn stoppró, oft fyrir 17-19mm lykil. Þú byrjar á því að losa stoppróna 1/4 hring og skrúfar svo litla boltan niður 1/4 til 1/2 hring (og heldur stopprónni kjurri) í einu þar til að þú finnur að hlaupið minnkar eða hverfur. þá herðir þú stoppboltann aftur og gætir að litli boltinn herðist ekki meira inn um leið. Mikið atriði er að gera ekki of mikið því þá stífnar maskínan upp og bíllinn réttir sig ekki sjálfur af þegar komið er úr beygju. Sumar maskínur eru orðnar svo slitnar (vegna þess að menn herða ekki upp slitið nógu snemma eða oft) að hlaupið næst ekki úr og allt er orðið stíft þótt hlaupið sé ennþá. Málið er að gera lítið í einu og helst að hafa framhjólin á lofti svo þú finnir strax ef þú ert að gera of mikið. (Reyndar eru til bílar ss Benz fólksbílar sem þarf að bakka litla boltanum til að herða upp á maskínunni.) Annars er þetta nokkuð einfalt og er hægt á öllum bílum með gamla "góða" systemið (ekki tannstöng).