This topic contains 7 replies, has 1 voice, and was last updated by 
-
Topic
-
Er að leita að heimildum um ofangreint efni.
Allar ábendingar vel þegnar.
Kveðja,
Jóhann.
-
Replies
-
finna góðan inngangskafla í bók sem heitir Jeppar á fjöllum.
Hálendið heillar og marga aðrar góðar bækur. Ég skal jafnvel lána þér eina ef þú ert þægur.
Góðar stundir
Þetta væri merkilegt framtak og lofsvert. Lakast er að heimildarmenn sem tóku þátt í þessum ferðum frumherjanna eru óðum að hverfa af leiksviði lífsins. Einn mann þekki ég, sem lítið hefur verið leitað til það ég viti, en var snemma á ferðinni á fjórhjóladrifsbílum um öræfin. Hann er fæddur 1927 og heitir Sigurþór Hjörleifsson í Messuholti í Skagafirði, síminn hjá honum er 453 5522 – Sigurþór er sestur í helgan stein en áhuginn er enn fyrir hendi og hann er andlega við góða heilsu, þótt sjóndepra sé farin að há honum nokkuð. Hann starfaði hjá stofnun sem hét Vélasjóður ríkisins á fyrstu árunum eftir stríð og þau störf báru hann nokkuð víða í byggð og óbyggð. Við störf sín, sem að mestu snerust um viðhald og þjónustu við jarðýtur og gröfur, notaði hann jeppa og fjórhjóladrifsbíla af ýmsum gerðum og var meðal þeirra fyrstu til að fara margar leiðir í óbyggðum. Mæli með að þú hafir samband við þennan aldna höfðingja.
má auðvita bæta við Páli Arasyni á Akureyri.
Þakka svör og góðar ábendingar.
Hlynur; ég lofa nú engu um það hversu þægur ég verð, enda ekki minn háttur.
Getur hinsvegar vel verið að ég renni við hjá þér á morgun og snúi örlítið upp á hendurnar á þér. Ekki væri svo verra ef ég næði að laumast í burtu með nokkrar skruddur að því loknu.
Rétt til að fyrirbyggja að þú verðir með uppsteyt þá get ég svo sem tekið með mér nokkra dropa af viðgerðarvökva.
Mikið rétt hjá ólsaranum. Þeir sem byrjuðu á þessum ferðum eru margir hverjir farnir yfir móðuna miklu en alls ekki allir. Ég legg því til að menn geri skurk í þessum málum og dragi einhverjar upplýsingar út úr þeim sem þeir þekkja. Það eru nefnilega margir sem ekki hafa komist á blað en eiga það fyllilega skilið.
Ég þekki einn sem líklega ók fyrstur á há-Jökul Langjökuls. Hann var á sínum tíma mjög víðförull og ók einhverjar leiðir fyrstur eða a.m.k. með fyrstu mönnum. Örugglega kandidat í nýja bók um þetta efni. Skömm að maður hafi enn ekki tekið formlegt viðtal við hann.Kv. Árni Alf.
Að taka saman allt sem hægt er um upphaf jeppaferða á landinu á meðan það eru menn sem lifðu það og tóku þátt.
Ég hefði viljað að eitthver næði að taka saman það helsta td um notkun jeppans í Öræfum,þar sem enn eru menn vel minnugir sem geta miðlað fróðleik um þessa tíma.
Klakinn
You must be logged in to reply to this topic.