This topic contains 14 replies, has 1 voice, and was last updated by 
-
Topic
-
Kann einhver söguna um fyrsta skriðgírinn eða aukamillikassann? Einhverstaðar heyrði ég því fleygt að þetta hafi verið sett fyrst í amerískan bíl sem var með 3ja gíra sjálsskiptingu og þal. með tiltölulega háum drifhlutföllum til að gera þjóðvegaakstur þolanlegan en milligírnum bætt við til að bæta drifgetu. Etv. hefur þörfin minnkað fyrir þetta þegar ssk gírunum fjölgaði og drifhlutföllin lækkuðu? Spyr sá sem ekki veit.
-haffi
-
Replies
-
Var hægt fá sem aukabúnað ca. 1940. Myndin er af skriðgír sem skrúfast á gírkassann.
Jónas [img:dnzdu46h]http://i.pbase.com/u40/jonash/large/40168351.crawlergear.jpg[/img:dnzdu46h]
Anonymous- Umræður: 0
- Svör: 16404
Upphafið lyggur líkegast í einhverri hernaðarframleiðslu, en hver var fyrstur að nota millikassa sem auka lágt drif í íslanskum jeppa til að drífa betur í snjó?
Það sem ég man fyrst eftir aukamillikassa í bíl var í gráa 150-Econoline-inum hans Þorgríms St. Árnasonar (Togga). Eftir því sem mér skilst var búið að smíða í annan suðurnesja Econoline á undan honum með samskonar búnað. Þetta var í kringum 1990, áður var Tóti Túrbó búinn a setja tvo gírkassa í Súkkuna sína.
ÓE
Já Jónas mig grunaði það reyndar að þetta sé ekki nýtt, en var að hugsa um þetta eins og Óskar nefndi, hvenær þetta var fyrst notað til að bæta drifgetu í snjó.
Fékk þetta sent frá Bazza:
[i:3k9e8op2]
En Marlin, hjá marlin crawlers keifti skriðgír eða plötu á milli skriðgíra. Af bílabúð benna, ég man ekki ártöl eða neitt svoleiðis, en sagan um skriðgírana er til einhverstaðar á heimasíðunni hjá http://www.marlincrawler.com eða allavegana toyotu gírana. En mig grunar hann hafstein skafrenning um að hafa verið með puttana í þessum fyrstu skriðgíra málum. Veit að hann á einhver mót af plötum og kössum sem hann bjó til. Hann ætti allavegana að vita heilmikið um þessi mál.Kær Kveðja
Bæring Jóhann Björgvinsson
[/i:3k9e8op2]Fann [u:3k9e8op2][b:3k9e8op2][url=http://www.4x4wire.com/insider/marlin/:3k9e8op2]þetta[/url:3k9e8op2][/b:3k9e8op2][/u:3k9e8op2] líka á gúgglinu:
[i:3k9e8op2]
It was an easy transition to make. I had always had an interest in trucks and auto mechanics. I had heard about the Crawler in Iceland and it intrigued me because I like to go slow. I inquired about it further and the rest is history.
[/i:3k9e8op2]-haffi
Sælir félagar ég er viss um að vinur minn Bjarni Eyjólfsson fyrsti formaður Húsavíkurdeildar hafi verið einn af þeim fyrstu til að setja skriðgír í Hilux.
Þetta held ég að Smári í Skerpingu í Hafnarfirði hafi sagt mér einhverntíman.
kv gundur með skríðgír[img:3llq7ovf]http://www.f4x4.is/new/files/photoalbums/4204/28345.jpg[/img:3llq7ovf]
[img:3llq7ovf]http://www.f4x4.is/new/files/photoalbums/3650/24184.jpg[/img:3llq7ovf]
Aukamillikassinn er eiginlega framhald af trukkakössunum svokölluðu sem voru mikið settir í jeppa, t.d. Blaser rétt fyrir 1980. Þá voru mikið settar vörubíladieselvélar í stóru bensínhákajeppana, gjarnan 6 cyl Bedford, og þá var vörubílagírkassinn yfirleitt látinn fylgja með. Í sumum tilvikum var hann til staðar í beinskiptu Blaserjeppunum. Þessir kassar voru með mjög lágan 1. gír, ca 7:1. Þeir voru 4 gíra og menn geta þá ímyndað sér hvernig var að keyra bílana í 2 til 4 gír (mjög langt á milli gíra). Þessi lága gírun í 1. gír kom mönnum á bragðið að láta jeppana "skríða". Í framhaldi af því voru nokkrir sem létu smíða þessa klettþungu og stóru gírkassa í Bronco jeppa til að fá þessa lágu gírun í 1. gír.
Guðni Ingimarsson (R-15) setti um þetta leyti 455 Cid Buick í CJ5 jeppann sinn. Hann valdi Trader vörubílakassa með þessu til að fá lága 1. gírinn. Með svona torkmikla vél í léttum jeppa skipti langt bil á milli gíra ekki miklu máli. En Trader kassinn var klettþungur og erfitt að skipta honum. Þá datt Guðna í hug að nota venjulega 4 gíra gírkassa en setja aukamillikassa í staðinn.
Kristján Guðlaugsson (R-82) var þá á Willys árg ca ’47, með 350 cid Chevy, 2 gíra Powerglide skiptingu og Dana 18 millikassa. Þessi jeppi, sem var oft kallaður "Terrible Green", var á 40" Mudder.
Guðni fékk Stjána til að prófa að setja lágadrifshlutann af BorgWarner quadratrack kassa aftan á Dana 18 millikassan hjá sér. Warn framleiddi overdrive sem var fest á sama hátt og þeir félagar kölluðu þetta "Lowerdrive". Lágadrifið var með plánetugír og hentaði vel til smíðarinnar.
Okkur minnir að þetta hafi verið veturinn 1982-1983 og við teljum að þetta sé fyrsta dæmi um tvöfalt lágadrif í jeppa.
Stuttu síðar minnir okkur að Hafsteinn skafrenningur hafi smíðað fyrsta aukamillikassann uppúr NP203 millikassa.
Snorri Ingimarsson
R-16
Fyrstu árin eftir þetta var ekki mikið um notkun á aukamillikössum. Þá komu radíaldekkin og þróunin varð meira í þá átt að nota 33" og 35" dekk undir léttar Toyotur. Það var ekki fyrr en farið var að nota 44" Dick Cepek dekkin ca 1989/1990 sem menn fóru að hugsa um aukamillikassa aftur, það var þó aðallega undir þyngri jeppum í byrjun.
Þá smíðaði Guðni Ingimarsson (R15) Chevrolet S10 pickupinn. Hann notaði 4,3 V6 Chevy, 4 gíra skiptingu, Toyota millikassa, Toyota aukamillikassa og 44" DickCepek. Þetta var algjör tímamótabíll sem setti nýja standarda í drifgetu, sértaklega vegna þess að þetta var langur og léttur bíll, á 44" Cepek og með aukamillikassa. Þá hélt hann fræga "grill"veislu í hlíðum Skjaldbreiðar. Stuttu síðar setti Guðni 350 Chevy vél í húddið og þannig er þessi bíll enn með fremstu jeppum á á fjöllum, 18 árum síðar.
Stuttu síðar (1990/1991 ?) settu Hjalti Magnússon og Jónas G. Jónasson sömu hönnun (4,3 Chevy, 4 gíra skiptingu, Toyota aukamillikassa og Toyota millikassa) í lengdu DoubleCabana sína.
Þessir 3 bílar opnuðu loks augu manna af alvöru fyrir aukamillikössunum í léttum jeppum.
Eftir það hóf Smári í Skerpingu framleiðslu á aukamillikössum í Toyotur. Síðar kom Marlincrawler á markað með eftirlíkingu í USA.
Við munum ekki hvort Þorgrímur St. Árnason í Keflavík, Ö250, var kominn með Econolinerinn á 44" Cepek og með aukmillikassa áður en Guðni smíðaði S10 pickupinn en það var um sviðpað leyti. Stuttu síðar 1992/1993 smíðaði Benedikt Eyjólfsson (Bílabúð Benna) Econoline á 44" Cepek með tveimur aukamillikössum.
Nú er aukmillikassi talinn nauðsyn í jeppum á 44" og stærra og ég myndi ekki kalla jeppa 44" fullbreyttan nema hann sé með aukamillikassa.
Snorri
R16
Árið 1987 stóð ég í þeirri framkvæmd að smíða mér nýjan jeppa, hafði ég frétt af Terrible Green þar sem settur hafði verið aukamillikassi ( sjá pistil Snorra hér að ofan ) smíðaður af Árna Brynjólfsyni í Hafnarfrði .
Setti ég mig í samband við Árna og smíðaði hann Borg Warner gír í Scoutin hjá mér sem einnig var útbúinn 360 Chrysler mótor, 727 skiptingu, Dana 20 millikassa og Dana 44 hásingum, þessi bíll var á 40 tommu Mudderum til að byrja með en fór strax fyrsta veturinn á 44 tommu Mudder eftir slæma reynslu af þeim fyrri.
Milligí þessi reyndist algjört þarfa þing til að koma þessum bíl áfram og reyndist ágætleg . Þennan búnað notaði ég til 1990 en þá breytti ég bílnum enn frekar og setti m.a í hann Dana 60 aftur hásingu, beiskiptan gírkassa og Np 205 millikassa.
Á sýningu Ferðaklúbbsins haustið 1989 var Scoutin til sýnis ásamt Econoline Þorgríms St. Árnasonar úr Keflavík sem hafði látið útbúa á svipuðum tíma milligír úr Np 203 þennan bíl átti Þorgrímur í nokkur ár og virkaði vel.Þórarinn Guðmundsson
R18
Sælir allir
Eitt skemmtilegasta atvik sem ég hef upplifað á fjöllum tengist milligírnum hans Tóta, sem hann lýsir hér að ofan.
Ég held það hafi örugglega verið í fyrstu ferðinni með milligírinn sem við Tóti fórum upp í setur. Ég sem farþegi hjá honum. Á leiðinni uppeftir fór að syngja talsvert í milligírnum, þannig að við ákváðum að á meðan restin af hópnum fór í bíltúr í Kerlingarfjöll, myndum við komast fyrir sönginn.
Víð tókum kassana undan, og þegar við vorum búnir að rífa milligírinn í frumeindir, og höfðum raðað öllum hlutunum skipulega á afturhlerann á bílnum, kemur að vélsleðamaður. Það gustaði af honum þegar hann arkaði til okkar, og spurði með með miklu háði í röddinn: [b:12mkp0sc]Er bilað hjá ykkur??[/b:12mkp0sc]
Tóti leit á manninn, graf alvarlegur og svaraði: [b:12mkp0sc]Nei, hann var bara að spyrja mig hvernig þetta virkaði, og ég ákvað að sýna honum það.[/b:12mkp0sc]
Þið hefðuð átt að sjá þegar andlitið datt af sleðamanninum. Ég mynnist þess ekki að hann hafi sagt fleira áður en hann settist upp á sleðann og keyrði burt.kv.
EmilP.s.
Það vara lítil koparskinna sem orsakaði sönginn.
strákar. Ljós í myrkrinu á þessu rósturtímum. Það mætti koma mikið meira af svona svo að þetta falli ekki í gleymskunnar dá heldur varðveitist í gagnagrunninum.
Takk, mjög skemmtilegt
Magnús G.
Keypti Terrible Green af Kristjáni síðsumars 1987. Var þó oftar kallaður Ugly green eða bara Ljóti Grænn í mín eyru. Bíllinn stóð á bílasölu inn í Skeifu þegar ég prófaði hann. Eitthvað vafðist fyrir mér þetta lóló dæmi enda stöngin sem lá niður í aukamillikassann dálítið spes. Þegar komið var út á Miklubraut fór tækið frekar hægt yfir og löng röð byrjuð að myndast aftan við mig. Til að ráða bót á þessu ætlaði ég að kúpla og skipta um drif. Bíllinn var sjálfskiptur en ég vanur beinskiptu og því með vinstri fót á bremsunni. Fór ekki betur en svo að ég klossnegldi niður og bíllinn (sem bremsaði eitthvað skakkt) lenti þvert fyrir báðar akreinar. Frekar sneipuleg byrjun. Seldi hann 1989 og var hann fljótlega sprautaður rauður. Veit nokkur hvað varð af þessu apparati, hvort hann sé til ennþá? Bíllinn, breytingarnar og saga hans ættu í raun heima á safni.
Kv. Árni Alf.
Já svona eiga þræðir að vera ! ég var farinn að halda að klúbburinn væri orðinn ónýtur!!??
en Þórður afhverju dana 60 var 44 ekki nóg? og af hverju beinskipt ? mig langar að setja Skolla á 44" og ég væri þakklátur fyrir ábendingar um bestu leiðina, en takk fyrir skemmtilegan þráð.
kv:Kalli 25"
Milligíra í íslenskum jeppum minna orðið um margt á söguna af stráknum sem var að ganga til prests og var dálítið erfiður. Presturinn ætlaði að gera hann kjaftstopp og spurði hann hve marga kýrhala þyrfti til að ná til tunglsins, strákurinn svaraði að bragði, einn ef hann er nógu langur, sem er alveg hárrétt en kom samt flatt upp á prestinn. Sama má segja um hve marga millikassa þarf í jeppa? einn ef hann er með nógu lágum gír. Skriðgír í jeppum er fyrst og fremst afsprengi þess að jeppar voru gjarnan með of hátt lágadrif og það var oft einfalt að leysa með milligír. Ódýru Toyota jepparnir sem komu hingað voru til dæmis með 1:1,95 alveg fram yfir 1980, patrol jepparnir voru og eru með 1:2,02 og dana 20 millikassinn sem var í mörgum amerískum jeppum var með 1:2,03. En á sama tíma þurftu landróver eigendur ekki að vandræðast með þetta enda oft með 1:2,9 í lága. Dana 18 sem kom í mörgum jeppum á þessum tíma var með 1:2.46 og dana 300 sem kom eftir 1980 minnir mig var með 1:2,6 þeir sem nýttu sér þetta með lágum hlutföllum voru oftast lausir við að burðast með tvo millkassa. Nú seinni ár hefur verið hægt að kaupa lægri hlutföll í alla algenga millikassa, samt halda menn áfram að setja milligíra í jeppa af gömlum vana að því er virðist. Flestir skárri jeppar koma orðið með 1:2,5 eða lægra hlutfalli orginal sem er oftast nóg að minnsta kosti fyrir sjálfskipta jeppa og 38 tommu eða minni hjól. þetta ætti að þýða að milligírar í jeppum væru að hverfa en það virðist ekki vera raunin. Fróðir menn segja mér að það sé vegna þess að jeppi sem er hættur að drífa í snjó getur stundum nýtt of mikla niðurgírun til að mjakast mjög mjög hægt áfram. Hvað menn hafa svo við það að gera í ferðajeppum er annað mál sem ég kann ekki skil á. Þið sem eruð að hugleiða milligíra ísetningar ættuð að ígrunda vel að milligír eyðir olíu og stelur afli alltaf, líka þegar bíllinn er ekki í gírnum. Þegar við þetta bætist að bíllin þyngist sem nemur milligírnum er rökrétt að ætla að það sé verra að vera með milligír en einn nógu lágan millikassa.
ég held að hann sé nú ónytur í dag, hérna er allanðan mynd af honum uppá geymslusvæði
http://www.1337.is/torfaera/viewtopic.p … ible+green
afhverju ferðu ekki alla leið og færð þér aftur JEPPA?
hilsen Kalli
You must be logged in to reply to this topic.