Uppbyggður vegur í Þórsmörk

Þetta er ágætur punktur hjá Einari. Ég held bara ég skifti um skoðun með forgangsröðunina. Setjum í forgang óbreytt ástand:)
Kv.Geir

Undirritaður hefur varið nokkrum sumrum sem skálavörður bæði í Þórsmörk og Goðalandi. Á þeim tíma (á árunum 97-01)voru þessi vegamál nokkuð mikið í umræðunni meðal merkurbúa og gesta. Þá var umræðan sú sama í grundvallaratriðum, þ.e. að fólksbílafær vegur lægi inn að lóni og þaðan yrði vegurinn óbreyttur að mestu. Á þessum tíma og oft síðan þá hef ég rætt þetta mál við ótal marga. Gildir einu hvort ég hef rætt við forhert jeppatröll, bláeigð borgarbörn, fólksbílaeigendur, íslenska ferðamenn, erlenda ferðamenn, ferðaþjónustuaðila og jafnvel vegagerðarmenn. Allir hafa verið sammála um þann skaða sem Þórsmörk myndi hljóta af umræddri vegagerð.

Ekki er ástæða til að endurtaka öll þau góðu og gildu rök rök sem þegar hafa komið fram í máli ykkar allra hér á undan. Hinsvegar er nokkuð sem ég hef við umræðuna að bæta sem mér sýnist ekki hafa komið fram.

Í fyrsta lagi: Álag utan sumarvertíðar. Ferðafélag Íslands hefur þegar neyðst til þess að loka skála sínum í Landmannalaugum vegna slæmrar umgengni á veturnar. Ég hef því miður ekki góða reynslu af hegðun fólks undir áhrifum og eftirlitslaust í Þórsmörk og hef því töluverðar áhyggjur ef fært verður þangað hverjum sem er allan ársins hring.

Í öðru lagi: Aðstaðan. Miðað við þá umferð sem nú þegar er um mörkina yfir sumartíman þá þola tjaldsvæði, húsnæði og hreinlætisaðstaða þeirra sem hafa aðstöðu á staðnum einfaldlega ekki meiri ágengni nema þá helst Húsadalur, sem nyti tæplega góðs af vegagerðinni nema að hugmyndin sé að temja Krossá og brúa á einum stað fyrir Langadal og Húsadal. Það yrði því töluvert átak fyrir ferðafélögin að mæta auknu álagi og líklegt að þær framkvæmdir sem til þyrfti yrðu mörkinni ekki til sóma.

Ef til vill er þetta tvennt þó ekkert til að hafa raunverulegar áhyggjur af þar sem líklegt er að heilsársvegur inn í Þórsmörk myndi hafa þau áhrif að sjarminn hyrfi og ásóknin minnkaði. Þórsmörk yrði sveipuð álika litlum ævintýrablæ og Gullfoss og Geysir. Menn færu að rífast um það hvort það ætti að lýsa upp Álfakirkju og e.t.v. Valahnúk þannig að allir nytu jafnréttis, bæði þeir sem eiga vasaljós og þeir sem ekki eiga vasaljós.

Ég bjó í Þórsmörk, gifti mig í Þórsmörk og skýrði barnið mitt meira að segja Mörk að seinna nafni þannig að sennilega mun sjarminn aldrei alveg hverfa í mínum huga. En óneitanlega myndi hann mattast og lýklegt að leið manns lægi sjaldnar í mörkina með þungan nostalgýukökk í hálsi.

Við mannanna börn erum því miður stundum blinduð af eigin ágæti og í þessu tilfelli eins og oft áður þá virðist manni eina mögulega ástæðan vera: "af því að við getum það"! Þar þykir mér að byltingin sé að éta börnin sín. Framfarir eru af hinu góða en höfum í huga að ekki eru allar framkvæmdir framfarir!

Baráttukveðjur
Sigurður Ólafur Sigurðsson
http://www.sigosig.com

Sælir allir,

Ég get ekki verið meira sammála ykkur, það eru umhverfisspjöll og morðtilraun við rómantíkina og óbyggðasjarmann að leggja uppbyggðan veg inn í Þórsmörk. Og hvernig er það, þurfa svona framkvæmdir ekki að fara í umhverfismat og grendarkynningu áður en ráðist er í þær??

En ástæðan fyrir skrifum mínum er sú að mig langar á fá á hreint hver kom vitleysunni af stað.

Er það Austurleið SBS sem fór fram á þessa framkvæmd eins og einhver ýjaði að hér ofar??

Ef svo er, voru þeir einir í þessu og hver voru rök þeirra, og hvernig í ósköpunum komu þeir þessu einir og sér í gegn??

Óskuðu þeir eftir þessum vegi algjörlega án samráðs við sveitarfélögin, ferðafélögin og aðra sem hlut eiga að máli, og ef svo er, hvernig má það vera að slíkt komist í gegn án þess að þessir aðilar heyri af þessu á undirbúningstímabilinu??

Eru kannski fleiri sekir um jáyrði, sem nú afneita króanum??

Mikið óskaplega væri gaman að heyra frá þessum aðilum opinberar yfirlýsingar, (Austurleið, fulltrúum sveitarfélaga, ferðafélagana, vegagerðarinnar, umhverfisráðherra og annarra "hagsmunaaðila"), um málið. Þá á ég ekki við póst frá "hinum almenna félagsmanni" heldur opinberar yfirlýsingar frá þeim sem stýra skútunum og taka ákvarðanirnar, og tóku þessa ákvörðun.

Því ef sökin liggur alfarið hjá Austurleið eins og kom fram í öðrum pósti, þá er ekki frá því að það kitli að hvetja til algerrar og almennrar sniðgöngu á því fyrirtæki!!!

Við, ekki bara 4×4, heldur allur sá fjöldi sem nú afneitar framkvæmdunum og er reiður yfir þeim, að viðbættum þeim hluta "almennings" sem virkja mætti með smá upplýsingar herferð, ættum að geta með samstöðu sýnt þeim sem koma svona vitleysu af stað að það kostar að reita "hinn almenna" borgara til reiði!!! Það hafa minni fyrirtæki orðið að leggja upp laupana vegna sniðgöngu borgaranna.

Þess vegna finnst mér það ákaflega mikilvægt að komast að því hverjir komu þessari framkvæmd í gegn og hvers vegna, áður en sýður upp úr með fleiri dylgjum, ágiskunum og aðdróttunum um einkahagsmunapot, klíkuskap og fleira eins og kemur fram í pistlunum hér að ofan.

Fáum staðreindirnar á borðið og látum þá svara fyrir sig sem sökina eiga!!!

Ef ekki verðum við að beina spjótum okkar að þeim sem við höldum að standi að þessu, og þá gætu saklausir lennt á milli, eins og komið hefur fram. Hættum viðskiptum við þá, segjum okkur úr ferðafélögunum (ef kemur í ljós að þau eiga hlut að þessu), stormum sveitarstjórnirnar.

Leggjum pressu á þá sem stóðu að þessu svo þeir dragi óskina til baka og fari þess í stað fram á að öllu verði haldið óbreyttu. Vegamálastjóri og þeir sem þar vinna yrðu ábyggilega fegnir ef þeir fengju 50 miljónir í eitthvað annað þarfara.

Við erum stór hópur og við getum dreyft miklum óhróðri sem erfitt getur verið að hreinsa af sér ef við látum til okkar taka í alvöru.

kv.
Siggi_F

Eftir því sem dýpra er kafað í málið kemur meiri skítur upp. Útivist er eina félagið sem hefur lagst hálfopinberlega gegna framkvæmdum. Ferðafélagið og Austurleið þegja um málið. Ég skil afstöðuna ekki öðruvísi en þessir aðilir styðji því þennan óskapnað.

Það eru hins vegar fleiri fletir á málinu sem munu birtast í Mogganum á næstu dögum. Viðhald á veginum kostar árlega um 5 milljónir króna, að sögn Vegagerðarinnar. Viðhald á uppbyggðum vegi verður hins vegar margfalt dýrari.
Þegar beðið er um upplýsingar eru svörin fátækleg og lítið eða ekkert til á blaði. Margir vilja láta sig hverfa en hvað hafa þessir menn að fela?
Finna þeir kannski hvernig þrýstingurinn vex um að þessi óskapnaður verði ekki að veruleika.

Ég hvet alla til að reyna að afla upplýsinga og sérstaklega þeirra sem þekkja til innan hagsmunaaðila inn á Þórsmörk og annarra þeirra sem geta haft hag af Hraðbrautinni, sérstaklega hjá rútufyrirtækjunum.
Með samstilltu átaki ætti að vera hægt að koma í veg fyrir þetta þjóðinni til heilla.

Kv. alfur

P.S. Lítið á heimasíðu Útivistar (http://www.utivist.is)

Sælir

Gott að sjá hvað er mikill einhugur um þetta mál meðal félagsmanna og að skilningur fyrir náttúrunni er að aukast hjá félagsmönnum. Því miður hefur það ekki alltaf verið því hér á vefnum hefur oft verið skrifað með uppbyggðum vegum og öðrum framkvæmdum á hálendinu sem skera smátt og smátt af þeirri köku sem hálendið er. Upplifunin af hálendinu byrjar hjá flestum þar sem uppbyggði vegurinn hættir.

Mig langar til að teygja umræðuna aðeins lengra inn á hálendið því uppbyggðir vegir eru víða á dagskrá á þar. Hugmyndir að uppbyggðum veg yfir sprengisand eru til umræðu og athugunar og allstaðar þar sem virkjanahagsmunir eru til staðar verða uppbyggðir vegir lagðir að einhverju leiti strax á rannskóknarstigi framkvæmda. Má þar nefna fjallabak og nyrðri hluta sprengisandsvegar niður í Bárðardal sem dæmi. Rútubílaeigendur virðast svo vilja geta keyrt hvert sem er með sína farðþega og vilja því uppbyggða vegi til þess arna.

Mér finnst að félag eins og 4×4 eigi að móta sér stefnu í þessum málum helst í samvinnu við önnur útivistarfélög og berjast á móti því að það sé sjálfgefið að allir vegir verði einhvern tíma uppbyggðir.

kv, Gunnar

[url=http://www.utivist.is/:2kjgvavr]Smellið hér[/url:2kjgvavr] til að taka þátt í skoðanakönnun Útivistar.

-Einar

Það er góð hufmynd hjá þér Guðsmaður! Hlakka mikið til að sjá hvað þeir hafa að segja um málið.

Freyr Þórsson

Bendi mönnum á ágætis grein í Mogganum í dag (mánudaginn 19. apríl) eftir þriðja Árnann sem skrifar um þetta mál.

Kv. alfur