Uppbyggður vegur í Þórsmörk

Ef það á að malbika þetta afhverju ekki að setja rúllustiga og lyftur í öll fjöllin þarna svo að "almenningur" þurfi ekki að ganga eftir þessum skítugu, steypulausu göngustígum sem gætu skemmt fínu X18 og Prada skóna.

Fólk gæti farið á McDonalds, étið á sig gat, sest upp í Minibusinn sinn og farið í "Þelamörk theme park" þar sem ekki vottur af steypulausu svæði væri sjáanlegur. Þar gætu feitu, lötu og pjöttuðu börnin farið í "Krossár rússibanann" og "Útilegu draugahúsið" þar sem þau gætu upplifað það hvernig steinaldarfólkið á 20. öldinni hafði það (þó án þess að þurfa að vera í meira en fimm mínútna fjarlægð frá sjoppu).

Toyman, ekki sáttur!

Allir sem geta keypt bíl á annað borð geta keypt jeppa sem dugar vel inn í Þórsmörk, óháð kyni, búseti, litarhætti, þjóðerni, stétt, heilsufari og öðru því sem notað er til að skipta fólki upp í hópa. Raunar líka óháð efnahag, það er hægt að kaupa ótrúlega öfluga jeppa fyrir smá bunka af bláum, ef menn sætta sig við að hann sé ekki af nýjustu árgerð. Jafnrétti er því í raun ekki rök í þessu í raun og veru, en kannski er þetta svolítið eldfimt mál svona út á við.

En ég held að það hljóti að vera að þeir sem vilja leggja uppbyggðan fólksbílaveg inn í Þórsmörk með allar sprænur í stokkum og árnar undir brú, hafi aldrei heyrt Þórsmerkurkvæði Sigurðar Þórarinsson og halda sennilega að Dodge Víbon (eða Weapon eins og hann hét á frummálinu) sé einhver amerískur fjölskyldubíll. Gera ekki greinamun á Öskjuhlíð og Þórsmörk.

Og þó þetta sé bara spurning um uppbyggðan veg inn að Lóni er það nokkuð stór hluti leiðarinnar og þá bara tímaspursmál hvenær restin verður tekin. Ef hugmyndin er að gefa fólksbílaeigendum færi á að fara inn í Mörk hlýtur að enda með að það er farið alla leið, ef ekki er eins gott að leyfa þessu að vera eins og það er.

Kv – Skúli

Var talið alvörumál í mínum uppvexti, að standa í svona vegaframkvæmdum inn í Þórsmörk flokkast undir einmitt það. Fyrir þessar 50 milljónir sem til stendur að eyða í þetta má nefnilega kaupa fullt af malbiki, eða fækka til dæmis eins og einni dauðagildru, eða einbreiðri brú eins og þær heita hjá Vegagerð Ríkisins.
Sitjum ekki þegjandi hjá þegar peningunum okkar er eytt í vitleysu.
kv. Drekinn

Nú er búið að skemma veginn langleiðina inn í Þórsmörk og til stendur að skemma hann alla leiðina inn að Lóni "til að byrja með". Ef ekkert verður að gert þá endar þetta með því að allur vegurinn verður skemmdur og þá munum við sitja uppi með það sama og er að gerast með t.d. Hveravelli.

Þegar staðir eins og Hveravellir og Þórsmörk verða of aðgengilegir þá missa þeir sérstöðu sína sem flottir ævintýra-hálendisstaðir sem gaman er að fara á og þá þykir ekkert spennandi að fara þangað lengur. Málið snýst um að komast í kynni við ósnortna náttúruna en ekki að keyra á öðru hundraðinu eftir uppbyggðum, malbikuðum hálendishraðbrautum!

Það er alveg öruggt að erlendir ferðamenn eru ekki að koma alla leiðina til Íslands til að keyra á malbikuðum vegum á milli McDonalds! Þeir geta gert það miklu ódýrara heima hjá sér! Það er ósnortin náttúran, ævintýrajeppaferðir um niðurgrafna fjallavegi og óbrúaðar ár sem þetta fólk er að sækjast eftir. Og hvers vegna erum við þá að eyðileggja hálendisrómantíkina þegar enginn vill það í raun!

Þetta "meikar bara ekki nokkurn sens" eins og einhver orðaði það svo skemmtilega…

Að lokum vil ég gera það að tillögu minni að vegpeningarnir sem var búið að úthluta í skemmdirnar á Þórsmerkurvegi, verði nýttir í eitthvað skynsamlegt og notaðir í það að laga núverandi vegskemmdir og færa veginn aftur í upprunalegt horf! Það er best gert með því að moka honum burt og endurheimta gamla góða veginn og gömlu góðu lækjarsprænu-vöðin sem var svo skemmtilegt að keyra yfir áður en þær voru settar í rör!

Stöðvum skemmdirnar – endurheimtum gamla góða veginn og Þórsmerkurrómantíkina!

Sælir félagar.

Ég get vel skilið umræðuna, og ég set líka spurningarmerki við framkvæmdina útfrá forgangsröðun í vegamálum, já og jafnvel útfrá umhverfisþáttunum og eigin nostalgíu.

Það er hinsvegar alveg tært í mínum huga að 4×4 verður að fara varlega í ályktunum um þórsmerkurveg ef félagið hyggst ekki skjóta sig illilega í hausinn og glata trúverðugleika.

Félag sem berst fyrir frelsi til ferðalaga um náttúru íslands á 4×4 bílum getur ekki notað það sem rök að bætt aðgengi að náttúruperlum sé slæmt. Með því erum við að kvitta undir að 4×4 sé sérhyggjufélag jeppakarla og gefur skít í frelsi borgaranna (almennings) en berst eingöngu fyrir eigin rassi. Verði þessi skoðun almenn í samfélaginu á 4×4 verður rödd 4×4 algerlega máttlaus taki hún sér í munn umhverfissjónarmið eða almannahagsmuni. Allir sjá þá að það er fyrirsláttur og bull til að fela sérhagsmuni jeppakarla.

Ég held líka að það sé hættulegt að nota rökin um forgangsröðun í vegamálum,peningasukk eða janfvel tæknilega örðugleika á framkvæmdinni. Mér vitanlega er 4×4 ekki ráðgjafi hins opinbera í fjármálum eða vegamálum. Eða er það?

Rökin gegn þessari framkvæmd verða að ríma við stefnuskrá klúbbsins og markmið hans ef einhver á að taka þau alvarlega.

Rök eins og: að rútufyrirtæki missi af tekjum, að almenningur geti bara tekið rútuna, almenningur geti bara keypt sér jeppa, afhverju ekki að setja rúllustiga og lyftur í öll fjöllin þarna, nær að skipta út einbreiðum brúm annarsstaðar…. hljóma allavega ekki sannfærandi í mín eyru sem málefnaleg rök 4×4 gegn þórsmerkurvegi.

Ég spyr líka, hvað er að því að fólksbílar komist inn að jökulsá?

Rétt við erum líka almenningur nema við viljum fara að skera okkur frá þeirri köku viljandi.

Eftir að lesa þráðinn fékk ég sterklega á tilfinninguna að almenna viðhorfið hér væri á þessa leið. : Við komumst inn í þórsmörk á jeppunum, skítt með hina, þeir geta bara fengið sér jeppa eins og við, tekið rútu eða verið heima.

Oft er rætt um öfgar hjá göngufólki sem vill banna alla umferð vélknúinna farartækja, t.d á jöklum. Þessi tónn sem ég las hér úr þræðinum minnir óþægilega á öfgafullan málflutning göngumanna: Hér er hægt að komast gangandi, engin þörf á jeppum eða sleðum, þið getið bara gengið líka!

Við Strákarnir úr sveitinni hér undan fjöllunum,
viljum hafa slóðan áfram innúr, það er viss sæla að fara inneftir og vita ekkert hvernig færið er, bara að skreppa í klt, og vera að í 3 tíma. Þetta að vita ekkert og láta bara tíman ráðast. Bara flott.
Ef þessir gaurar í R-vík vilja veg fyrir fólksbíla þangað innúr, gæti skapast meiri vandræði með þann mannfjölda sem vilja komast þangað, dæmi: bílastæði, hreinlætisaðstöðu,
og margt fl. Það er nógu slæmt stundum um sumrin eftir góðar helgar.
Nei og aftur Nei,..!

Við viljum hafa þetta eins og þetta er,,,,.

Það að fólksbílar komist inn að Lóni er kanske ekki svo slæmt,en hafa ber í huga að það eru mjög sterk rök á móti þessu sem eru td túristar sem hafa verið að lenda í vandræðum inni á Kjöl á uppbyggðum veg kunna ekki að keyra við okkar aðstæður,reyna að aka uppa að Jöklaseli skella sér inn á Sprengisand og viðar á litlum malbiksbílum sem eru varla færir um að fara yfir hraðahindranir hvað þá fjallvegi.
Annað ferðaþjónustan auglýsir adveture ferðir og vetrarferðir sem miðast við stóra jeppa og rútur og er ekki hægt að fara annarstaða í Evrópu.
Árnar í Mörkinni eru afskaplega sakleysislegar að sjá stundum en verða ófærar stærstu bílum á örskamri stund,þess vegna er það ágætis fæling að lenda í lækjunum sem stoppa flesta áður en í óefni er komið,göngu og hestamenn eru sér meðvitaðir um aðstæður og haga ferðum sýnum í samræmi við það,og svo hefur ekki skort ferðamenn í Mörkinni og komið hafa þær helgar sem takmarka verður ferðir þangað vegna fjölda fólks,flestir jeppamenn byrja sína reynslu í ánnum í Mörkinni.
Margir sem eiga fólksbíla hafa ekki áhuga á jeppum og vilja bara ferðast á malbiki og gista á fullbúnum tjald eða gistiheimilum.
Þessi forna og nýja rómantík sem einkent hefur Mörkina hverfur við þennann veg og má þar aftur nefna Kjöl,þar fyrir utan eru margir vegir í byggð sem þyrftu viðhald og uppbyggingu,sem ekki er fjármagn til að gera,vegur inn í Mörk þjónar engri byggð,fækkar bara á kílómetrateljara í rútum,það hefur þegar komið fram í kvöld að það er Austurleið sem bað um þennann veg og er það ekki spurning hvers vegna eitt fyritæki fær slíka fyrirgreiðslu,hreppurinn hefur ekki beðið um þetta og ekki ferðaðfélög hverju nafni sem þau nefnast,svo hverjum þjónar þessi framkvæmd,ég vissi að áður en ég eignaðist jeppa kæmist ég inn í Mörk gangandi í bíl með öðrum eða rútum.
Eigum við þá ekki að fera fram á að fá uppbyggðan veg inn í Jökulheima eða Gæsavatnaleið,hver er munurinn,ef ég þarf að eiga jeppa til að komast þær leiðir er þá ekki verið að mismuna fólki hvar á að draga línurnar???

Mótmæla kveðja Klakinn

Þessi umræða snýst ekki um eitthvað "réttlæti" milli efnamikils fólks á dýrum jeppum og annarra sem eiga ekki nema nokkurra milljón króna fólksbíl.

Helstu rök þeirra sem vilja uppbyggðan veg í dag (föstudaginn 16. apríl 2004) er að hann nái EKKI "nema inn að Jökullóni" og þarmeð eyðileggi hann ekki ALVEG ævintýraljómann af Þórsmerkukurferð. Enginn hefur hefur sagt að fólksbíll eigi að komast þarna inneftir (a.m..k. í fyrstu atrennu). Þarmeð eru hrunin þessi svokölluðu "jafnréttissjónarmið".

Málið er hrein rökleysa frá upphafi til enda eins og málflutningur "Óla" nokkurs. Ef hann heldur fram að mótmæli gegn þessarri nokkur hundruð milljón króna framkvæmdum sé einhver deila milli jeppaeiganda og fólksbílaeigenda þá er hann einfaldlega ekki búin fylgjast með umræðunni.

Lestu blöðin og hlustaðu á útvarpið á næstunni. Jafnvel hörðustu jeppaandstæðingar eiga eftir steinþagna þegar hið sanna kemur í ljós.

Það er hins vegar alveg ljóst að ferðaklúbburinn 4×4 ætti að fara sér mjög hægt í að gefa út háværar yfirlýsingar um þetta viðkvæma mál. Best er sígandi lukka eða eins og afi gamli sagði og keyrði "það er betra að fara hægt og hafa það"

Kv. alfur

Nú eru sumir að tala um að þessi þráður sé uppfullur af öfgum okkar jeppamanna og eiginhagsmunasemi. Ef það að vilja bætur á almennu vegakerfi landsinns t.d. útrýma einbreiðum brúm á þjóðvegi no.1, laga helstu slysagildrur þar sem dauðaslys eru tíð o.s.fr er öfgastefna þá er ég öfgamaður. Þegar þessi mál eru komin í lag er í lagi að huga að öðrum verkefnu t.d. malbika inn í Bása, hraðbraut inn að Snæfelli og tvíbreyðan veg upp í Setur. Svo er líka hægt eins og einn bendir á og tekur dæmi frá Noregi að banna alla umferð á hálendinu nema á tveimur jafnfljótum.

Kv.Geir