Uppbyggðir hálendisvegir

Líst skelfilega á þessar hugmyndir. Nefndarómyndin sem lagði þetta til var meira að segja með hugmyndir um svona eyðileggingu á Fjallabaki og það tekur nú út fyrir allan þjófabálk og erfitt að sjá skynsemi í því.

Að vísu er stór hluti af Kjalvegi orðinn uppbyggður þannig að það væri kannski hægt að sætta sig við að fórna honum, en þá finnst mér við ættum að fá að hafa restina í friði sem alvöru fjallvegi.

Voða eru lítil viðbrögð við þessum þræði, sem er að mínu mati ekki minna umhverfismál en Kárahnjúkavirkjun.

Hálendið hefur þann sjarma að vera óaðgengilegt. Þú þarft að hafa fyrir því að komast þangað. Þegar þú ert þar þá ertu "í burtu", utan alfaraleiðar. Ef þessi sjarmi hverfur með uppbyggðum hálendisvegum, þá hverfur sjarminn…! Það er þessi sjarmi sem heldur Norrænu uppi, og það er þessi sjarmi sem gefur Íslandi sérstöðu meðal Evrópskra ferðalangra. Allavega finnst mér ég vera kominn ofanaf hálendinu þegar að Sigöldu er komið.

Ef maður tekur nú niður útivistar og ferðamannahattinn og hugsar um hinn þjóðfélagslega ávinnig af styttri og betri samgöngum milli landshluta (sem er óneitanlega mikill), þá verð ég samt hræddur við þessa vegi. Þó svo að þeir séu uppbyggðir ofurvegir, þá verður alltaf hættulegt að halda þeim opnum á vetrum. Stærstur hluti Íslendinga (allavega þeir sem búa á suðvesturhorninu) gerir sér nefnilega ekki grein fyrir því veðrum og aðstæðum sem myndast geta þarna. Fólk lendir reglulega í ógögnum á Möðrudalsöræfum, sem er svona hálendisvegur, nema hvað hann er þrisvar til fjórum sinnum styttri en þessir umræddir hálendisvegir. Og það eru tiltölulega fáir Reykvíkingar sem eru að flækjast þar!

Eina leiðin af þessum sem mér finnst eitthvað vit í er Kaldidalur, norður fyrir Langjökul, framhjá Blönulóni og þaðan niður í uppsveitir skagafjarðar og inn á Öxnardalsheiði. Af þessari leið er aldrei neitt sérstalega langt til byggða og væri hægt að gera nokkra tengivegi inn á hana svo það sé hægt að loka hluta af leiðinni. Þá hefur hún sem minnst áhrif á hálendið, þannig að Íslenski eyðimerkursjarminn gæti lifað án þess að vera bara goðsögn.

Þá má heldur ekki gleyma því að uppbyggður malarvegur er töluvert hættulegri en óuppbyggður malarvegur (sérstaklega fyrir útlenska ferðamenn).

Með von um fjörugri umræður.
Rúnar.

Hvar í ósköpunum fengu þessir menn þær hugmyndir um að halda
þessum vegum opnum allt árið.

þei eiga nú í fullt í fangi með að hafa hringveginn opinn allan veturinn hvað þá veg yfir hálendið.

þetta myndi þýða að við myndum þurfa að sækja þá veðurteppta
hríðskjálfandi og rammvillta í snjómoksturstækin.
kv Lúther

Einusinni heirði eg að það væri vegna Kötlugoss sem flóttamannaleið eða til að halda hringveginum opnum,ég segi nú bara gangi þeim vel að halda veginum opnum að vetri til.
Matti

Ef Landsvirkjun tæki upp á því að setja uppbyggðan veg upp í Setur held ég klúbburinn ætti að selja kofann og koma sér upp skála einhvers staðar inn á "alvöru" fjallaleiðum, þ.e. ef þær verður einhvers staðar að finna. Ég hef svosem ekkert á móti fólksbílum en einhvern vegin finnst mér fólksbílastóð fyrir framan skála klúbbsins ekki alveg samræmast því sem klúbburinn á að standa fyrir.
Kv – Skúli

Þessi umræða á satt að segja ekki að þurfa að koma neinum á óvart. Mig grunar að þetta sé forleikurinn að því sem Óla H. Þórðar og marga af því slekti hefur dreymt um, en það er að banna a.m.k. breytta fjórhjóladrifsbíla (helst alla "jeppa"). Þessir fuglar læra af t.d. The Sierra Club í USA og fleirrum slíkum. Þarna eru á ferðinni öflug samtök veruleikafirrtra Hjörleifa af ýmsum kaliberum, sem vilja helst banna alla skapaða hluti. Ég lenti í því fyrir all nokkrum árum að sitja í nefnd sem var kölluð Samvinnunefnd um svæðisskipulag Miðhálendisins. Þar kynntist ég mætavel sjónarmiðum sveitarstjórnarmanna víða um land til þessara hluta. Þar var rætt í alvöru um þessa hálendisvegi, sem þarna er rætt, sem heilsársvegi og síðan átti að banna alla umferð annarsstaðar. En hvað varðar veginn um Tvídægru, Arnarvatnsheiði og Stórasand, sem "runar" minnist á og oft hefur verið kenndur við Halldór Blöndal, þá hef ég trú á að erfitt geti orðið að halda honum opnum sem heilsársvegi í normal árferði. Þetta svæði er hið mesta veðravíti og nógu andskoti tafsamt getur verið fyrir almenna umferð á Holtavörðuheiðinni, þótt styttri sé.

Eiginlega segir EggertS allt sem segja þarf í þessu efni.
sammála.

Það stendur ekki steinn yfir steini í þessum röksemdum.

Einn "áhugamaðurinn" um þessa vegi segir að hann eigi ekki að þurfa að eiga 5-6 millj. króna jeppa til að skreppa tvær ferðir um hálendið á sumrin. Eins og Magnús bendir á þarf hann þess ekki, nema hann sé svo snobbaður að geta ekki látið sjá sig nema í lúxuskerru. Fyrir utan gömlu jálkana okkar Magnúsar sem hægt er að fá fyrir 10% af þesari upphæð er fjöldinn allur af jepplingum sem kosta lítið meira en hver annar fólksbíll.

Óli Þórðar heldur því fram að þessir vegir auki umferðaöryggi!!! Hvað verða mörg bílslys á fjallaslóðunum okkar? Hvað myndi umferðahraði aukast mikið á þessu svæði? Úr hvaða fílabeinsturni er maðurinn að koma? Þetta myndi þvert á móti stórfjölga umferðaslysunum. Það þyrfti að fara með hann í bíltúr þar sem hann gæti borið saman hversu öruggur maður er á snjónum á fjallaslóðunum annars vegar og svellinu á t.d. Kvíslaveituvegi með margra metra háum köntum.

Svo var Guðni landbúnaðarráðherra þarna, en hans rök voru nú bara einhvers staðar út í móa.

Ég held að það sé full ástæða fyrir f4x4 félaga að spá alvarlega í þetta, hvernig hálendi við viljum.

Kveðja
Skúli H.

Í samanburði við þá peninga sem verið er að setja í vegaframkvæmdir, þá kosta malbikaðir hálendisvegir ekki sérlega mikið. Ég var á fundi um þessi mál fyrir nokkrum árum, þar var tailð að kostnaður við uppbyggðan, malbikaðan veg væri um 10 miljónir á kílómeter. Þannig að heilsársvegur frá Vatnsfelli norður í Bárðardal kostar aðeins brot af því sem eitt stykki jarðgöng kosta.
Úrkoma á þessari leið er minni en á mörgum fjallvegurm sem liggja nær ströndinni, þannig að það verður auðveldara að halda þessari leið opinni að vetrarlagi en sumum að þeim vegum sem nú er haldið opnum allt árið.

Ef menn einblína bara á þessi atriði, þá verða þessir vegir komnir fyrr en varir. Ef við viljum hafa eitthver áhrif á gang mála, þá þarf klúbburinn að marka sér stefnu í málum sem varða skipulag og mannvirki á hálendinu, og berjast síðan fyrir þeirri setefnu. Það er ekki til setunnar boðið.

Hálendisvegir eru einmitt miklu ódýrari en vegir í byggð vegna þess að það þarf sáralítið að gera af brúm og ræsum og þessar leiðir liggja ekki þar sem eru mýrar eða brött fjöll. Reyndar á þetta síðasta ekki við um fjallabaksleið.