This topic contains 77 replies, has 1 voice, and was last updated by 
-
Topic
-
Hvað finnst félögum í klúbbnum um þessar yfirlýsingar?
Líst vel á verðhækkun á díselolíu
Sigríði Önnu Þórðadóttur umhverfisráðherra líst vel á að díselolía, sem er umhverfisvænni en bensín, verði dýrari en bensín. Hún telur þetta mikla hvatningu fyrir bíleigendur að skipta yfir á díselbíl. Sigríður Anna hafði ekki hugmynd um að díselolían yrði dýrari fyrr en Stöð 2 greindi henni frá því.Það var fréttastofa Stöðvar tvö sem upplýsti Sigríði Önnu Þórðardóttur umhverfisráðherra um að verðið á dísellítranum yrði hærra en á bensínlítranum við breytingarnar 1. júlí. Hún telur breytingarnar hvetja til aukinnar notkunar á díselbílum þrátt fyrir að verð dísellítrans verði hærra en bensínlítrans. Sigríður segir þetta mjög jákvæða breytingu sem hafi verið í undirbúningi lengi. Það sem þurfi að skoða í þessu sambandi sé að díselbílar eyði miklu minna en bensínbílar og þar að auki mengi þeir minna þannig að breytingarnar séu að öllu leyti afskaplega jákvæðar.
-
Replies
-
Einar. Þú verður bara að fá að vera húddskraut hjá einhverjum. Getur verið með svona kröfugönguspjald.
Líst vel á það… verð nú seint talinn til skrauts, en spjaldið gæti híft mig upp um nokkur stig.
Skraut er huglægt og fallegt eða ljótt í augum þess er horfir.
Er ekki tilvalið að nota eða nýta 1 Mai í jeppaskrúðmótmæli,þessi 1 Mai ganga er hvort sem orðin hefð og úrelt og fólk notar hana til að koma saman og skemmta sér á leið í bæinn til að hlusta einhverja staðna verkalýðsaðila sem baula sömu ræðuna ár eftir ár.
Er ekki bara upplagt að gera þetta á morgunn sumardaginn 1 þegar flestir eru í fríi.
það er td. hægt að safnast saman í select vesturlandsvegi og dóla niður í bæ.
Það fer ca 1 klst í þetta.Vissulega rétt að mótmæli bitni á röngum aðila en lítilsháttar töf ætti bara að vekja fólk til umhugsunar því ef sjálfur umhverfisráðherra veit ekki hvað er í vændum er nú kannski ekki hægt að ætlast til þess almenningur geri sér grein fyrir þessu óréttlæti.
það væri gaman að sjá þáttökuna sem yrði með í þessa skrúðgöngu það yrði að sjálfsögðu að láta lögguna og alla fjömiðla vita af þessari fyrirætlan og hver tilgangurinn sé ég býð mig fram um að sjá um öll þessi má ef því er að skipta.
það er td.hægt að leggja af stað kl. 13 og taka Góóóóðan tíma í 1 og lága að keyra niður eftir.
HVERJIR ERU MEÐ:
Glanni.
þetta er kannski aðeins of stuttur fyrirvari til að hægt sé að smala sem flestum með í þetta.
Margir eru náttúrulega á leið út úr bænum í sumarbústaði o.þ.h.Hvað segið þið um það?
ég er til… á þeim forsendum sem koma fram hér að ofan. Ef einhvern vantar kóara þá….
Í framhaldi af tilvitnuninni hérna að framan þá vil ég bara árétta pointið sem ég var að setja fram. Ég er alveg á því að núna þegar sú staða er komin upp að díselinn verði dýrari en bensín og ríkið ætlar að hirða allt hagræði sem er af því að aka á díeselbíl, þá er full ástæða fyrir okkur að láta í okkur heyra. En punkturinn semsagt er að það þarf að velja aðgerðir út frá því hvað sé líklegast til að skila einhverjum árangri, ef á annað borð er eitthvað hægt að hnika þessu. Setja fram þau rök sem best eru í málinu, keyra á þeim og svo er hægt að vekja athygli á þeim með einhverjum aðgerðum (t.d. löglega framkvæmdri hópferð frá Select eða eitthvað slíkt undir dyggri forystu Dóra Glanna). Hins vegar held ég að ef við færum bara niður í miðbæ, myndum teppa allt og fylla bæinn af sótmengun, það myndi alveg ábyggilega ekki skila neinum árangri eða ávinningi í þessu máli, en þeim mun líklegra til að auka á fordóma og neikvæðni í garð jeppamanna. Eins mikið og við þurfum á því að halda! Gæfi líka einhverjum tilefni til að finna út að nauðsynlegt sé að leggja sérstakan mengunarskatt á jeppa með díselvélar. Að vísu hægt að nota það við refaveiðar að svæla útúr greninu, en ekki ráðherraveiðar. Þetta gæti virkað vel sem svona persónuleg útrás fyrir réttláta reiði yfir skattgræðgi ríkisstjórnarinnar, en það er bara ekki aðalmálið heldur er málið að hafa áhrif á ákvörðunina.
Hugmyndin hjá eik að láta rigna inn tölvupósti hjá þingmönnum og ráðherrum held ég hinsvegar að geti virkað, það er aðgerð sem beinist beint að þeim sem hafa ákvarðanavaldið og vekur athygli þingmanna á því að markmiðið sem þeir þóttust vera að vinna að með því að samþykkja frumvarpið (s.s. beina landsmönnum að díeselbílum) er týnd og glatað í skattagræðginni.Ég veit það, hundleiðinleg svona jarðbundin rök, en samt nauðsynleg.
Kv – Skúli
Hvað segirðu Glanni? Er þetta ekki ákveðið kl 13. á morgun og svo bara kl 13 alla daga til 1. júlí?
Ertu búin að láta fjölmiðla vita?
Ég er allavega til í að mæta !!!!!!!!!
Baráttukveðjur Lella
Nú hef ég sent henni tölvupóst og vona að fleiri geri það.
Mótmæli hafa aldrei skaðað neinn og ég sé ekki hvernig það ætti að skaða einhvern þó að við fylkjum liði og keyrum niður laugarveginn í rólegheitum.
Það ætlar enginn að vera með neinn yfirgang og dónaskap heldur er þetta bara til þess að minna þetta óréttlæti með yfirveguðum hætti.
Endilega að láta tölvupóst rigna yfir þessa háu herra þarna á Alþingi en það eitt og sér eru í raun bara mótmæli í kyrþey hitt gæti aftur á móti eitthvað hreyft við þessu.Ég er til í að mæta hvar og hvenær sem er á morgun þess vegna en það eru nú ekki margir sem hafa tækifæri á því að lesa þessa síðu svona yfir hádaginn þannig að þetta er bara spurning um þátttöku þessvegna væri gaman að sjá svona lista eins og var þegar við söfnuðum mönnum í dekkjakaupin í vetur undir diggri stjórn Theódórs
Glanni
Lella nei ég er ekki farinn að láta neinn vita enþá það er skemmtilegra ef við vissum nokkurn veginn hve margir væru með.
Því þetta væri ekki alveg að gera sig ef það væri bara ég og þú með Einar elí sem kóara
Það gæti nú orðið svolítið skondin þrenning !!!!!!
Þetta verða nú helst að verða 100 jeppar
En er það nú ekki ofast þannig að fólk er tilbúið að röfla og tuða en ef það á að gera eitthvað þá er nú oft ekki hátt risið á mönnum.
Er einhver með aðstöðu þar sem hægt er að hittast í kvöld og búa til spöld og ákveða hvert á að fara og þess háttar?
Ég er búin að senda bréf til umhverfisráðherra og nokkra annara alþinginsmanna og ráðherra.
Hingað og ekki lengra sínum nú samstöðu
Lella
á nasanum niður Laugaveg með Einar sem húddskraut. Það er dúndrandni hugmynd
Er ekki grá upplagt að opna húsið í kvöld kl 20 og fjölmenna þar og útbúa dagskrá ásamt spjöldum.
Væri ekki betra að vera ekkert að blanda klúbbnum í þetta?
Þetta er jú ekki komið frá Stjór og ef allt fer nú úr böndunum og ég verð handtekin fyrir að vera með Einar Elí fyrir húddskraut, þá er jú Ferðaklúbburinn 4×4 allveg stikk frí ??????
Lella
Væri ekki betra að vera ekkert að blanda klúbbnum í þetta?
Þetta er jú ekki komið frá Stjórn og ef allt fer nú úr böndunum og ég verð handtekin fyrir að vera með Einar Elí fyrir húddskraut, þá er jú Ferðaklúbburinn 4×4 allveg stikk frí ??????
Lella
Ég er að furða mig á því hvers vegna þið viljið óð og uppvæg hafa þetta á morgunn. Það er þingfrí á morgunn og flestir þingmenn ekki í bænum. Það væri nær að hafa þetta á degi þegar umræður um þessi mál fara fram á þinginu og fjölmenna þá með grútarbrennarana niður í bæ með fána félagsins við hún og láta eimyrjuna gusta um alþingi sé vindáttin rétt. Hægt er að rúnta hringi í kringum þinghúsið meðan umræður fara fram um eldsneytisgjaldið og láta þannig vita að fólki stendur ekki á sama um þessi mál. Tel að það skili mun betri árangri en að vera á rúntinum á morgunn.
Reyndar væri þetta góð auglýsing þar sem sjónvarpsstöðvarnar verða örugglega að filma þarna í miðbænum.
Flest venjulegt fólk er að vinna á virkum dögum og ef við færum að fjölmenna í miðbæinn fengjum við væntanlega ekki samúð frá vegfarendum.
að vera ekkert að blanda klúbbnum í þetta enda yrðu allir velkomnir í þessa "kröfugöngu" fínt að fá Einar elí á corollunni með,
því breiðari hópur því betra og best að vera ekkert að einskorða þennan túr við jeppa endilega.Kveðja,
Glanni
You must be logged in to reply to this topic.