Umhverfisfasistarnir Ust

Þarna er Umhverfisstofnun gersamlega að missa sig í forræðishyggju og komin langt út fyrir verksvið sitt.

Þetta er svona álíka mikil forræðishyggja og ef starfmenn Umferðarráðs sendi starfsmönnum Umhverfisstofnunar tölvupóst fyrir árhátíðina hjá þeim með áminningum að það væri bæði lögbrot og hættulegt að keyra fullur heim eftir árshátíð.

Greinilegt er að spara má eitthvað í rekstri Umhverfisstofnunar ef starfsfólk þar eyðir tíma sínum í að nasa upp ferðir valinna ferðahópa (sem í þeirra fordómafullu hugum eru þjóðfélagslega hættulegri en aðrir hópar) og senda þeim föðurleg áminningarskeyti.

Mér finnst reyndar líklegt að starfsfólk Umhverfisstofnunar sé þarna að reyna að minna okkur á vald sitt og koma umræðunni í þann farveg að þau geti talað föðurlega niður til okkar eins og kennari.

Þessi tilheiging þeirra er mjög hættuleg, sérstaklega í ljósi þess að greinilegt er að markmið Umhverfisstofnunar (og ef til vill ferðaþjónustuaðila sem hafa sérstakra hagsmuna að gæta) að taka náttúru landsins frá öllum öðrum en þeim sem eru fullfrískir og á besta aldri. Einungis þeir sem geta gengið á eigin fótum um hálendið skulu fá að njóta þess. Gott dæmi um þetta eru tilburðir sem uppi eru um að loka Vonarskarði fyrir öðrum en gangandi.

Viljum við búa í landi þar sem eingungis fullfrískt fólk á besta aldri má njóta landins gæða ?

Snorri
R16

Mér finnst að upptalninguna hjá Ofsa ætti að gefa út í heild og birta sem víðast, kannski jafnvel búa til svona bumper stickers eins og þeir eru kallaðir og hafa á þeim nokkrar af þessum upptalningum hans Ofsa sem slagorð. Svona í fullri alvöru þá þíðir þetta að við verðum að standa saman og koma fram sem ein sterk heild og greinilega kynna okkur og okkar starfsemi betur fyrir sem flestum og þar getum við sem almennir félagar gert margt með því að t.d. koma af stað umræðu og reyna svo að uppfræða og útskýra okkar tilgang sem félagasamtaka. Ég er handviss um að flestir hafa ekki hugmynd um að við komum að svo mörgu eins og Ofsi bendir á í sinni upptalningu og er alveg sjálfsagt að koma því til skila til sem flestra og vera stolt af því sem við erum að gera.

Kveðja úr Húnaþingi

Íslenska ríkisstjórnin tilkynnti í dag að hún hyggst breyta tákni landsins úr fána yfir í smokk þar sem að hann lýsir betur póitískri stöðu þjóðfélagsins. Smokkurinn leyfir þenslu, hindrar framþróun, eyðileggur næstu kynslóð, verndar fjölda asnaprika og gefur þér öryggistilfinningu þrátt fyrir að verið sé að taka þig!!

Ég held ég geti sagt að almennt hafi ég tilhneigingu til að trúa á góða meinngu fólks, hvort sem það eru embættismenn eða aðrir, en þegar ég las þetta bréf yfir var ég kjaftstopp. Er eitthvað sem hægt er að segja að gefi tilefni til þess að senda þetta bréf? Eru brögð að því að ekið sé utan vega á auðri jörð í ferðum klúbbsins? Ég held ekki. Er þetta kannski ný vinnuregla hjá stofnuninni, munu kannski ferðafélög almennt fá sambærileg bréf þegar ferðir inn á friðlönd verða á dagskrá. FÍ er t.d. með ferð inn á friðlandið í sumar, ætlar Ust að senda þeim samskonar bréf fyrir þá ferð? Eða getur verið að þetta sé í einhverju samhengi við það að klúbburinn hefur sótt það að fá aðkomu að ákvörðunum sem varðar stækkun friðlandsins? Er hægt að lesa út úr þessu að stofnunin sé að gefa einhver skilaboð í því sambandi, að það þyki full frekt að fá að fylgjast með ákvörðunum sem varða landsvæðið þar sem stærsta og verðmætasta eign klúbbsins er? Eða er sá vilji sem klúbburinn hefur sýnt til samstarfs um hin ýmsu umhverfisverndarmál illa séður á þessum bæ og því stefnan tekin á að reyna að spilla fyrir þeim samstarfsvilja? Spyr á sem ekki veit, það er hægt að láta sér detta ýmislegt í hug, en ég held að forsvarsmenn Ust þurfi að útkýra þetta furðlega útspil. Þetta er eins og blaut tuska framan í það starf sem klúbburinn hefur unnið í baráttu gegn utanvegaakstri og umhverfismálum.
Kv – Skúli

[b:22sdwlzn]Maður fer að velta fyrir sér áreiðanleika þessarar stofnunar UST[/b:22sdwlzn]. Á síðasta ári fóru fulltrúar F4x4 á fund yfirmanns hjá UST þar sem fulltrúar F4x4 vildu fá upplýsingar um framvindu stækkunar friðlandsins og fá að hafa aðkomu þar að sem eignaraðili á þessu svæði. Þar fengu þeir það munnlega svar að þetta myndi taka langan tíma, jafnvel einhver ár. Skömmu síðar kemur fram á alþingi að það eigi að keyra þetta mál í gegn með hraði og lokið jafnvel í byrjun þessa árs þ.e. 2010. Veit hægri höndin ekki hvað sú vinstri er að gera eða er verið að mata fulltrúa F4x4 á röngum upplýsingum og hindra þannig aðkomu Ferðaklúbbsins að stækkun friðlandsins þannig að allt í einu verður það of seint.

Ég læt Jóni Snæland eftir að fjalla um þá dónalegu framkomu sem Ferðaklúbburinn og SAMÚT hafa þurft að sæta í sambandi við ferlamálin og skipulagningu slóðanna. Þar hefur tölvupóstum hreinlega ekki verið svarað. Gögnum sem Ferðaklúbburinn hefur safnað hafa verið markvisst stöðvuð á millistigum í kerfinu þannig að sveitarfélögin eiga taka afstöðu til slóða og ferla þrátt fyrir að hafa ekki fengið öll gögnin í sínar hendur.

UST segir að sér hafi borist ábending um [b:22sdwlzn]árshátíð 4×4 [/b:22sdwlzn]í Setrinu þann 29.janúar -1.febrúar 2010. Án þess að kanna það frekar senda þeir tölvupóst á meinta árshátíðargesti sem inniheldur tilvitnun í úrelta reglugerð. Hið rétta er að það er verið að blóta þorranum eins og gert hefur verið undan farin ár.

Eru þetta þá sömu áreiðanlegu upplýsingarnar sem UST er að berast um aukningu á utanvegaakstri. Einhver kemur með ábendingu og án þess að það sé kannað þá eru komið fram með sleggjudóma um að það verði að takmarka umferð vélknúinna ökutækja um landið vegna gríðarlegrar aukningu á utanvegaakstri. Landið verði að vera einn stór friðlýstur þjóðgarður fyrir ofan Rauðavatn. Og einungis fyrir fuglinn fljúgandi og þá sem geta gengið um það. Bara svona til upplýsingar ef menn hafa lesið bækurnar [i:22sdwlzn]Hrakningar á heiðarvegum [/i:22sdwlzn]þá var þessi ferðamáti að ganga landshorna á milli banabiti margra Íslendinga og einungis á færi hraustra einstaklinga. Urðu meðal annars fjöldi manna úti á Mosfellsheiðinn sem er steinsnar frá Reykjavík. Mér finnst þessi stefna vera mikil afturför að ég megi ekki ferðast um landið á öruggan hátt í bílnum mínum.

Ég ferðaðist vítt og breitt um hálendið síðasta haust gagngert með það fyrir augum að veita athygli utanvegaakstri. Ég kom ekki auga á stórfellda aukningu á utanvega akstri þrátt fyrir einbeittann vilja. Mátti reyndar hafa mig alla við að finna utanvega akstur. Og ef ég sá hjólför utanvega þá voru förin í flestum tilfellum eftir bíla á litlum dekkjum. Það hefur enginn getað sýnt mér fram á það með tölfræðilegum stuðningi að utanvega akstur hafi aukist. Þetta virðist allt vera háð tilfinningalegu mati hvers og eins.

Þannig að eftir mína vettvangsferð þar sem ég kannaði málið með mínum eigin augum [b:22sdwlzn]þá er ég með áreiðanlega ábendingu til UST: Utanvega akstur hefur ekki aukist. Þið getið afturkallað þessa helför gegn okkur sem ferðast um á breyttum bílum. Höldum áfram að ferðast um landið í sátt við náttúruna.[/b:22sdwlzn] Hvort sem það er á jeppum eða gönguskóm.

‘Ég er nú alltaf að reyna að fatta hvaða hvatir liggja að baki svona OFboðslegum
náttúruverndarsjónamiðum þetta eru svo ofstækisfull sjónarmið að maður bara getur ekki skilið þetta, vill þetta fólk ekki að við flytjum bara aftur í moldarkofana og löbbum um allt , ekki eru margir dagar síðan að talað var við mann í sjónvarpinu sem segist bara éta það sem hann ræktar hvaað er að, er þetta ekki bara sjálfspíning að neyta sér um nútímamat? jæja ok hann um það á meðan hann heimtar ekki að ég og allir aðrir geri eins og hann. En það er akkúrat það sem mér finnst um þessa umhverfisrasista af, Af því að þeir vilja labba um hálendið þá eigum við að gera það líka, en svo sér maður þá aldrei þegar maður er á ferðinni afhverju? jú það er nóg pláss, eða þeir eru bara ekkert að labba um? mér er spurn, og svo þetta að fara að loka hinum og þessum slóðanum Haa! slóðinn hverfur ekkert það tekur áratugi ef það gerist þá, mín skoðun á þessum græningjum er að þá skortir vit til að beita sér fyrir fyrir alvöru málum og þá vantar að veita athygli að sjálfum sér og þetta er þeirra leið.
Nenni ekki að skrifa meira núna þó ég ætti kanski að nýta mér síðasta daginn sem ég get skrifað en komið nóg.

kveðja Helgi

Já Jón þetta er nú ekki fyrsti mildi veturinn og við höfum nú komist í gegnum þá án svona hroka frá einhverju Ust. dæmi!!, og já ég ætla rétt að vona að þeir lesi þetta
kveðja Helgi

Ég reikna með að stjórn muni óska eftir nánari skýringum á þessu bréfi. Það þarf að vita hver er bréfritari og vegna hvers honum finnst hann knúinn til að vara okkur við og hvort þetta er gert með vitund yfirmanna eða ráðherra, en þetta bréf er klárlega viðvörun, en spurningin er, frá hverjum og af hvaða tilefni. Í framhaldinu þarf félagið að bregðast við eins og hæfir.

Nú er mitt minni farið að verða takmarkað, eins og oft vill fara með aldrinum, en eitthvað rámar mig í að á fyrri hluta nýliðins árs hafi umhverfisráðherra (var það núverandi eða fyrri?) komið í fjölmiðla vegna hjólfara, sem hún hafði séð í eða við Þjórsárver. Man ekki nógu vel eftir umfjölluninni, en einhver ykkar man þetta áreiðanlega. Getur verið að í þessu sé verið að finna rótina að þessu bréfi?