Umhverfisfasistarnir Ust

Þetta er auðvitað ótrúlegt útspil hjá Umhverfisstofnun. Að það skuli vera starfsmaður hjá stofnuninni sem sendir ákveðnum hópi fólks póst sem minnir á hvar skal keyra og hvar ekki. Þetta fordæmi hlýtur að gefa til kynna að Umhverfisstofun verði með fólk á sínum snærum sem fylgist með öllum ferðum á landinu og sendi viðkomandi ferðalöngum viðvaranir fyrir ferðir. Er þetta það sem skattpeningarnir okkar eiga að fara í ? Ég held að Umhverfisstofnun ætti að fara að huga að því hvað starfsmenn þeirra eru að sýsla við !

kv. Óli

Veit ekki alveg hvað mér finnst um áminninguna eða hvað menn vilja kalla þetta, þetta ágæt ef allir sem ferðast um svæðið fá slík bréf. Ef þetta er einsdæmi þá eru þetta kaldar kveðjur til klúbbsins. Nú er Setrið ekki inn á þessu svæði og ekkert sem gefur tilefni til þess að ferðast sé um friðlandið.

Annars er áhugavert að ekki er sama orðalag í þessari auglýsingu og reglum frá 87 og náttúruverndarlögum eða tillögum um stækkun friðlandsins frá 2007 því í þessari auglýsingu er ekki talað um að bílar eða vélknúin ökutæki meigi aka um á snjó og hjarni, þarna er einfaldlega talað um snjósleða og snjóbíla. Það er greinilegt að þarna er bannað að aka bílum það hafði farið framhjá mér áður þar sem ég hafði aðeins lesið tillögurnar um stækkun frá 2007. Hver ætli rökin fyrir því að útiloka að ferðast sé á jeppum á þessum slóðum ?

marteinn: síðan hvenær erum við í ESB?

Nú er Ferðaklúbburinn 4×4 búinn að eiga og reka skála þarna á þessu svæði í um 20 ár og verið umhugsað um þetta svæði. Rekið áróður fyrir að keyra ekki ákveðnar leiðir á vissum tímum þar sem hætta gæti verið á skemmdum á vegum. Birt meðal annars tilkynningar í þá veru á heimasíðu sinni. Verið með virkt forvarnarstarf gegn landspjöllum af völdum umferðar. Í haust voru stikaðir vegir/slóðar m.a. annars úr Kerlingarfjöllum inn í Setur og í nágrenni við Setrið til þess að draga úr hættu á því að menn villist út af vegunum. Þetta var allt gert í sjálfboðavinnu og m.a. kostað af Ferðaklúbbnum sjálfum. Ekki barst Ferðaklúbbnum þakkarbréf frá Umhverfisstofnun fyrir að hafa tekið á þessum málum að eigin frumkvæði og sýnt fram á hversu mikla virðingu félagsmenn F4x4 bera fyrir náttúrunni. Reyndar hafa verið stikuferðir á hverju ári og farið víða um land. Reyndar hefur Ferðaklúbburinn lent í þeirri ótrúlegri stöðu að vera BANNAÐ að stika fjölfarna leiðir.

Svæðið norðan hreppafjalla er vinsælt ferðasvæði á sumrin fyrir marga aðila ANNARRA en F4x4 og ásókn f4x4 félaga hefur að mestu leyti verið yfir vetrartímann enda engin hætta á að valda náttúrspjöllum á þeim tíma.

Að Umhverfisstofnun skuli svo koma fram af svona mikilli vanvirðingu við félagsmenn klúbbsins er með ólíkíndu og sýnir bara hvaða álit þeir hafa á fólkinu í landinu. Forræðishyggjan er í fyrirrúmi. Og ágætu landsmenn þetta er aðeins upphafið af þeirri forræðishyggju sem koma skal. Að senda 40 manna hópi sem er að fara í helgarferð út úr bænum póst um að keyra á vegum ég bara ekki til orð.

ps. Umhverfisstofnun smá ábending: Siggi vinnufélagi minn ætlar að fara út úr bænum og vera í sumarbústað um helgina… eruð þið til í að senda honum póst um áminningu hvar megi keyra og kannski benda honum á að hámarkshraði utan þéttbýlis er 90 km nema keyrt sé á malarvegi þá er það 80 km.

Sælir félagar. Mér finnst þetta nú alveg með ólíkindum. Ótrúleg ósvífni þar sem þeir vita betur og eru í allskyns samráðum/samstarfi með okkur. Við fyrsta lestur hélt ég að um grín væri að ræða því þetta er alveg nýtt einsdæmi hjá Ust. Við erum meira að segja í sambandi við stækkunarnefnd friðlandsins og hefur okkur verið lofað allri meðvirkni við þetta ferli. Það er eins og þeir séu skithræddir við að við förum að stika þarna án leyfis eða að það standi til bara sí svona. Þvílíkt bull.

Ég á bara ekki til fleiri orð til að lýsa undrun minni og hneykslan.

Kv. Magnús Guðmundsson
form. Umhverfisnefndar.

Við verðum að gæta okkur á því að við erum með kommonista stjórn hér á Íslandi í dag sem leggur alla vinnu í það að koma okkur inní ESB og í öllum ráðaneytum er fólk frá þessari kommonista stjórn sem ætlar að taka völdin af okkur.Nú er kominn tími til að við förum að láta í okkur heyra…………

Jæja gott fólk er ekki kominn tími á að við látum í okkur heyra á opinberum vettvangi svo eftir verði tekið, gera okkur sýnilegri og okkar málstað hvar sem því verður við komið og vera stolt af því sem við erum að gera, ekki láta svona fávisku vaða uppi til að gera okkur og það sem við stöndum fyrir tortryggilegt . Blásum til sóknar, sókn er besta vörnin. Ef við verjum okkur ekki sjálf þá gera aðrir það ekki.

Kv. Björn Ingi

Auðvitað er það dónaskapur af hálfu UST að senda svona skeyti, og væri fróðlegt að fá að sjá hver skrifaði undir þetta fyrir hönd UST. Þetta er alveg jafn dónalegt og þegar landvörður gengur að manni á bílaplani við skála á fjöllum og tilkynnir manni að það sé bannað að aka utan vega. Ég velti fyrir mér hvort fólk sem geri slíkt gangi að rjúpnaskyttum sem þeir sjá á vappi og tilkynni þeim að það sé bannað að skjóta veiðifélagana.

4. töluliður auglýsingar um friðland í Þjórsárverum er svolítið merkilega orðuð. Hún þrengir 17. grein laga nr. 44/1999 þar sem talað er um "ökutæki", en þarna er tilgreint "snjóbíla eða vélsleða". Þessi auglýsing er síðan 1987 sýnist mér, sem kannski skýrir þetta, 17. grein laga nr. 44/1999 hefur væntanlega orðið til seinna í þeirri mynd sem hún er núna. Auglýsingin byggir á lögum nr. 47/1971 (Lög um náttúruvernd), sem hafa verið felld úr gildi, það eru lög nr. 44/1999 (Lög um nátttúruvernd) sem eru í gildi núna. UST er þarna að vísa í augýsingu sem er eldri en núgildandi lög og texti auglýsingarinnar stangast á við lögin eins og þau eru núna. Hvort gildir?

Þessi auglýsing er greinilega síðan áður en menn fóru að keyra á jeppum á stórum dekkjum á snjó og því slíkur akstur ekki tiltekinn í auglýsingunni. Það leikur enginn vafi á að lög eru sterkari en auglýsingar og því gilda núverandi náttúruverndarlög og þar með heimilt að keyra á jeppum á snjó.

kv. Óli