This topic contains 16 replies, has 1 voice, and was last updated by 
-
Topic
-
Laugardaginn 30. júní blása Útivist og umhverfisnefnd Ferðaklúbbsins 4×4 til umhverfisbótaferðar. http://www.utivist.is/utivist/frettir/?cat_id=1062&ew_0_a_id=391261Markmið ferðarinnar er að laga skemmdir af völdum utanvegaaksturs að Fjallabaki, en þessar skemmdir voru til umfjöllunar í nóvember s.l. Þetta er þó með þeim fyrirvara að Vegagerðin verði búin að opna leiðina, en gera má ráð fyrir að það verði fyrir helgi. Að afloknu góðu dagsverki verður Dalakofinn heimsóttur og þeir sem þess óska geta fengið þar gistingu meðan húsrúm leyfir. Þeir sem vilja taka þátt í þessu verkefni eru beðnir um að tilkynna sig á netfangið skuli@utivist.is. Brottför frá Select við Vesturlandsveg kl. 8.30 laugardagsmorgun.
Umhverfisnefnd Ferðaklúbbsins 4×4 og Útivist
-
Replies
-
Flottur fyrirvari… eða þannig… !
Gott hjá ykkur,
er ósáttur með sjálfan mig að komast ekki en það er nú eins og það er.
En gangi ykkur vel !!!
Kveðja [url=http://www.jakinn.is/skrar/Jakinn_Hjortur_fullsize.jpg:2ihwhglb][color=#0000FF:2ihwhglb]Hjörtur og JAKINN[/color:2ihwhglb][/url:2ihwhglb].is
Þessi helgi er fyrirfram skipulögð hjá mér sem ég get ekki breitt. Svona þarf að skipuleggja með minnst tveggja vikna fyrirvara. Leitt að missa af þessu. Frábært framtak hjá þessum félagasamtökum. Svona mætti skipuleggja fyrirfram í hverjum mánuði frá jun. til sept. á hverju ári. Það myndi auka samábyrgð allra ferðamanna og vera öðrum til fyrirmyndar.
Kv. SBS.
Væri ekki hægt að setja upp á síðunni stað þar sem hægt er að komast að því hvar sár eru sem þarf að laga???
Ef menn eru að ferðast eitthvað og sjá svona lagað geta menn sent póst á einhvern í vefnefnd eða annan sem getur sett þetta á viðeigandi stað þar sem menn geta séð hvar þetta er.Svo ef menn vilja skotta sig saman og skella sér á hálendið og lagað ef menn vilja. Myndi klárlega hjálpa okkur……
Rétt er að fyrirvarinn er stuttur, en samt með langan aðdraganda [url:3lhkcp2x]http://mbl.is/frettir/innlent/2011/11/22/fordaema_hardlega_umhverfisspjoll/[/url:3lhkcp2x] og hægt er að skoða umræðuna um þetta frá upphafi á Ferðafrelsissíðunni: [url:3lhkcp2x]http://www.facebook.com/groups/ferdafrelsi/[/url:3lhkcp2x]
Anonymous- Umræður: 0
- Svör: 16404
Djö, – mar hefði átt að fylgjast betur með. Ég er alveg þrælupptekinn þessa helgi.
Eins gott að sumarhátíðin er um þarnæstu helgi. Ætli sé ekki rétt að fara að bóka stæði fyrir fellihýsið.Flott framtak Dagur!
ÓE
Brottför er frestað til kl. 10. Þetta er til þess að fólk geti kosið sér forseta fyrir brottför en kjörstaðir opna kl. 9. Brottför Select kl. 10.
Kv – Skúli
Anonymous- Umræður: 0
- Svör: 16404
Ég vona að sem flestir sjái sér fært að taka þátt í að laga þessi umhverfisspjöll frá því í fyrra. Ferðaklúbburinn 4×4 ætlar að bjóða uppá grillveisu í Dalakofanum að afloknum vinnudegi. Þetta er líka gott tækifæri að skoða Dalakofann fyrir þá sem ekki hafa komið þangað eftir að Útivist tók þar til hendinni.
ÓE
"Skidegodt" með þessa frestun á brottför, þá slepp ég við að fara og standa í utankjörstaðabiðröðinni í dag. L.
Er busy fyrripart á morgun, en aldrei að vita nema maður renni á ykkur eftir hádegið, ef ekki gangi ykkur vel
Kveðja Halli
Vegagerðin nice að opna inn á Fjallabak syðra frá Keldum – Dúllan ætlar að mæta í sumarskapi nýkomin úr Veiðivötnum – held hún stefni á að leyfa mér að koma með.
Kveðja
Didda
Frábært að það bætist í hópinn, kannski ekki hægt að segja að það verði fjölmennur en samt öflugur og góður hópur sem fer af stað kl. 10 í fyrramálið frá Select. Öllum velkomið að bætast í hópinn en gott að hafa með skóflur og hrífur. Eftir að hafa leitað ráða hjá Guðjóni hjá Landgræðslunni var niðurstaðan að ekki væri ráðlegt að svo stöddu allavega að sá í sárin, því slíkar aðgerðir þurfa að taka verulega mið af þeim gróðri sem er þar fyrir. Í þessari ferð má segja að markmiðin séu:
1. Laga það sem við náum að laga.
2. Loka fyrir hættu á að menn elti villuslóðirnar.
3. Skoða og meta frekari aðgerðir.
Hlakka til að sjá ykkur.
Betra er seint en aldrei, en ég hugsa að ég skelli mér bara með ykkur. Ég kemst þó ekki úr bænum fyrr en upp úr 11 í fyrramálið. Reyni bara að draga á ykkur, verð líklega með Vhf í bílnum en annars verður það bara gemsinn. Sjáumst.
Góðan dag
Var að fá hringingu frá fyrrverandi formanni Umhverfisnefndar. Nú er hópur fólks frá F4x4 og Útivist við lagfæringar á veginum norðan Hungurfitsafleggjarans. Hópurinn telur nú um 12-14 manns á 8 bílum og er nokkuð um för utan vegarins. Einnig einhverjir villuslóðar. Mannskapurinn er að ganga með veginum, raka yfir förin og loka villuslóðunum. Enn eru þau ekki komin að mýrarakstrinum frá í fyrra, en þangað er stefnan að sjálfsögðu tekin til að vinna þar að lagfæringum.
Kv. Óli
Anonymous- Umræður: 0
- Svör: 16404
Takk fyrir daginn…. hér eru myndr
Myndir á facebook: [url:kceo433z]http://www.facebook.com/media/set/?set=a.4335577956640.2177405.1503065930&type=1[/url:kceo433z]
og fyrir þá sem eru ekki á facebook: [url:kceo433z]http://is.oskarandri.com/2012/07/01/umhverfisbotaferd-utivistar-og-4×4/[/url:kceo433z]
Held ég geti sagt að þetta hafi verið vel heppnuð ferð og heilmikið sem við komumst yfir að laga. Sérstaklega kom á óvart hvað náðist að gera við ljótustu förinn í mýrinni, því þó seint sé hægt að jafna þetta að fullu tókst að gera þau minna áberandi og opna á möguleika fyrir náttúruna að græða sjálf sárið. Maður verður hins vegar alltaf jafn hissa þegar maður sér svona för, hvernig mönnum dettur í hug að fremja svona skemmdarverk. Skammt frá voru önnur för úti í mýrina, líklega nýleg. Þau enduðu greinilega með festu.
Kv – Skúli
You must be logged in to reply to this topic.