týndir á jökli?

Alveg er það magnað að þegar aðgerðir sem þessar á líðandi helgi koma upp þá dúkka upp lið sem vill rukka og setj boð og bönn.
Ég sem starfandi björgunarsveitarmaður og hef verið sem slíkur frá 16ára aldri (er orðinn nokk eldri í dag) þá veit ég að það eru síst björgunarsveitarfólk sem kvarta yfir kostnaði aðgerða, meirað segja fá þeir aðstoð sem eru í bullandi samkeppni um flugeldaaurana hjálp.
Þetta snýst ekki um peninga, þetta snýst um kikkið og að hjálpa náunganum, en það eru bara allnokrir sem halda að bjsv séu bara leikarafélag á opinberufé. það er rangt!
En það sem sýr að ferða fólki sem lendir í ógöngum og þarf á aðstoð að halda þá ekki hika við að kalla út bjsv sveitir og halda kyrru fyrir.
kv Siggi g

Tek heilshugar undir með Benna. Þolmörk manna á fjöllum eru mjög mismunandi.Það sem einn telur vera hættu telur annar enga hættu á ferðum(margoft rekið mig á það þegar ég hef ferðast með fólki).
Ef fólki finnst sér og sínum ógnað á einhvern hátt þá kallar maður á hjálp svo einfalt er það, Það er ENGIN skömm að því,
hvort sem það eru félagarnir sem koma eða björgunarsveitirnar. Sem betur fer er það enþá þannig að maður hefur maður frjálst val í hvern maður hringir eftir aðstoð eins og maður hefur líka ferðafrelsi og frelsi til að áhveða sjálfur hvort maður leggur af stað í ferð eða ekki.
Persónulega myndi ég kalla á félagana því ég einfaldlega treysti þeim betur,með fullri virðingu fyrir björgunarsveitunum, þær standa sig vel.
Kveðja,
Glanni.

Ég fór á fjöll á laugardaginn ásamt góðum félögum. Ég horfði á spánna á föstudagskvöld og las spánna í Fréttablaðinu á laugardagsmorgun og hlustaði á fréttir, spáin var svona orðrétt í einum miðlinum.

Hvasst í kortunum. Framan af deginum verður hæglætisveður á landinu. Á hinn bóginn nálgast okkur djúp lægð með hvassviðri og sumstaðar stormi á sunnan og vestanverðu landinu í kvöld. Komandi nótt verður víða hvasst. Lægðakomunni fylgja hlýindi, fyrst syðra. Norðan til verður hitinn hins vegar um eða undir frostmarki í dag. Sigurður þ. Ragnarsson fréttablaðið laugardaginn 10 mars 2007.
Við fórum snemma upp á Langjökul vel búnir. Ég var með teppi, þrjá svefnpoka og mat fyrir að minnsta kosti til þriggja daga. Við vorum á leið niður kl 15:00 þegar allt í einu skellur á bandvitlaust veður en við komumst sjálfir niður hjálparlaust enda voru þessir þrír bílar vel búnir.
Við komumst niður í skálann Jaka kl 2000 eftir aðeins 12km frá þeim stað er við snerum til baka. Við áðum í 3 tíma niður í Jaka í bílunum og það væsti ekki um okkur. Veðrið var það vont að þegar ég fór út úr bílnum til þess að bæta í dekkin þá varð ég að halda mér í allt sem ég gat haldið mér í (Ég er 100 kg) , ferðafélagi minn í næsta bíl sem er um 65 kg hann varð að skríða til mín á móti veðrinu. Ég var í vetrarfjallgöngufatnaði í buxum frá 66 með rennilás á hliðum og þykkan franskan yfir. Viti menn þegar ég kom inn í bíl þá var snjór kíttaður á milli renniláss og franska allir vasar og vit kjaftfull af snjó. Það keyrið framhjá okkur snjóbíll í svona 5 til 10 metra fjarlægð á leið upp á jökul til þess að bjarga einbíla jeppa, við tókum aldrei eftir honum en hann sá okkur. Snjóbíllinn kallaði í okkur í gegnum vhf stöðvarnar og spurði hvort það væri ekki allt í lagi með okkur, við hváðum svo vera við værum að bíða aðeins af okkur veðrið. Kl 23:00 höldum við svo áfram. Ég þurfti að keyra niður fyrir einn ferðafélagann til þess að reyna að spila hann upp. Bíllinn hafði farið örlítið útaf veginum og festi sig þar en eftir rétt rúman klukkutíma þá komst hann ekki út úr bílnum nema að skrúfa niður rúðuna og brjóta snjó frá bílnum. Við að reyna að komast að honum þá festi ég mig en þriðji bíllinn dró mig upp og svo spilaði ég fasta bílinn niður brekkuna með annan bundinn í mig. Í bílunum var vhf gps nmt skóflur drullutjakkur spottar spil sjúkrakassar slökkvitæki startkaplar olíur og fl. verkfæri loftdælur teppi svefnpokar og nægur matur og allt vanir snjómenn.
Við komum heim kl 2:30. Eftir smá basl en skemmtilega ferð án þess að þykja hjálp. Ps . Ég vona að þið lesið spánna vel hér að ofan. Við vissum hvað við vorum að fara útí og vissum vel að veður getur breyst eins og þarna gerði.Við skulum ekki dæma fólkið sem var upp á jökli og ætlaði að ná heim fyrir kvöldið. Veðrið var fyrr á ferð en spáð var.
Kveðja
Trausti sem búinn að ná sér í meiri reynslu en í gær og vonandi ennþá meiri reynslu í framtíðinni.

Þetta erindi barst Vefnefnd varðandi þennan þráð. Rétt að taka fram að spjallið er opið öllum sem virða skilmála síðunnar.
ÓE

"Mér sýnist ég ekki geta tekið þátt í spjallinu þar sem ég er ekki félagi í 4×4. En málið er að ég tók þátt í þessari leit með bjsv. Ok í Reykholti. Snemma um kvöldið fengum við beiðni um aðstoð við bíl sem var fastur á Langjökli og fóru 2 menn á snjóbíl að sækja hann. Sú ferð gekk mjög hægt vegna veðurs. Rétt fyrir 23 kom útkall vegna 3 vélsleðamanna sem ÆTLUÐU á jökulinn. Við í bjsv Ok fengum aldrei útkall vegna jeppanna sem mest hefur verið rætt um og tókum ekki þátt í leit að þeim. Ég hef tekið þátt í mörgum leitum að bæði sleða og jeppamönnum og ef ekki hefur verið um slys eða bilun að ræða hefur þetta nánast undantekningalaust verið fólk sem hefur farið á jökul án fjarskipta eða gps tækja. Það er svoleiðis vitleysa sem björgunarsveitirnar eru að gagnrýna en ekki að mann fari af stað þó spáin sé ekki góð ef þeir eru með góðan búnað og kunna á hann. Mér finnst þetta verða að koma fram í umræðunni"
Kv. Bjarni