Tvöföldun á Suðurlandsvegi

Eru menn ekki alltof uppteknir í Ríkisstjórninni að gera Göng á Austfjörðum fyrir 1000 manns og á norðurlandir fyrir 2000 manns……. Ekki dettur þeim í hug að forgangsraða þar sem 20.000 manns eiga leið á hverjum degi.
Ok landsbyggðin á rétt á sínum vegabótum en verðum við ekki einhvern tíman að segja stopp…. þegar eyða á milljörðum í göng fyrir ekki það mikla umferð. Kaupum frekar 50 Landcruiser 100 breytum þeim á 38" og höfum þá þarna frítt til afnota fyrir þá til að komast yfir heiðina… 50 x 9 millur = 450 milljónir….
Já nú er tíminn að kjósa mig á þing og redda peningum fyrir framkvæmdir þar sem þeirra er þörf.

kv
Einn skíthræddur í umferðinni vegna framúraksturs.

við fáum þá stjórn sem við eigum skilið. mér sýnist að við eigum skilið að fá héðinsfjarðargöng og sjá á eftir pengingum í hin ýmsustu innansveitarvegaframkvæmdir. á sama tíma horfir maður í von og óvon á bílana sem koma á móti manni á suðurlandsveginum og vonar að þeir haldi sér sín megin, ekki eins og það sé eitthvað á milli ef eitthvað kemur uppá. eina sem maður getur huggað sig við á þeirri ferð er að einbreiðu brýrnar sem eru enn þó nokkrar eftir á hringveginum eru þó ekki þar.

Ef ég vissi ekki betur mætti halda að það væru kosningar í vor… nei bíddu við það ERU kosningar í vor!

Mín kenning er þannig að þegar tveir bílar lenda saman á 90km hraða er það ekki eins og að lenda á steinvegg því að þegar tveir bílar lenda saman verður mikil hliðrun og báðir bílarnir krumpast/ganga saman í árekstrinum og skjótast oftast til hliðanna eða útaf en þegar bíll lendir á steinvegg þá er 0 í hliðrun og allt höggið kemur á á bílinn þannig að ef tveir bílar lenda á sama punkti á sama tíma sitt hvoru megin á steinvegg þá verður höggið mun meira heldur en ef veggurinn væri ekki því það er engin hliðrun
sem gerir hraðan CA. 150% kv. Spekingurinn

Mér finnst menn vera missa sjónar á markmiði þessa þráðs. Hann snýst ekki um skriðþunga eða einhver %. Hann snýst um tvöföldun á veginum. Það að lenda framan á öðrum bíl á 90 km hraða táknar mjög líklega dauða, dæmin hafa sýnt það. Annar kostur er mikil örkumlun og endurhæfing- ef það er hægt. Yfirleitt eru tvær eða fleiri fjölskyldur sem þjást svo vegna þessa. Vilt þú vera ein af þessum fjölskyldum?
Málið snýst um mikilvægi þess að fá tvöföldun á veginum til að koma í veg fyrir það að tveir bílar lendi framan á hvorum öðrum á 90 km hraða… jafnvel þó það sé beint á ská. Reyna að lámarka fórnina.
Mér sýnist tvöföldun Reykjanesbrautar hafi sýnt fram á það.
kv. stef.

Er það þá réttlátanlegt að til að stytta tíman fyrir austfirðinga til að komast á sjúkrahús að 5 deyi á suðurlandinu vegna of mikillar umferðar og lélegra vega…. Þú talar um að stytta tíman til að komast í heilbrigðisþjónustu, Væri ekki betra að kaupa 1 stk flugvél sem flygi með þennan fjölda á sjúkrahús í staðinn fyrir að keyra… ein stór og öflug flugvél kostar sirka 1 milljarð… Eða ein þyrla… .. ekki … nokkra milljarða eins og göngin kosta. Þarna þarf aðeins að skoða hvað er verið að ná fram með þessum göngum…. fyrirgefðu landsbyggðarfólk en ég mun verða þröngsýnn þegar bruðlað er með peninga á þennan hátt og það sýnir greinilega að Mannslífin eru metin misjöfn miðað við landshluta þegar svona aðgerðir eru í gangi. Hvalfjarðagöngin kostuðu hva… 2 milljarða.. erum við ekki að tala um í kringum 5 þarna fyrir austan… eða hvað. Misstu menn sig í peningaflæðinu sem ríkir hér á landinu… og síðast þegar ég tékkaði í hagfræðibækurnar þá koma peningarnir frá fjöldanum… þ.e. sirka 70% virðist koma frá SV landinu þar sem .. jú viti menn mesta umferðin er líka.

kv
Bæjarbúi

Þegar um vegaframkvæmdir ræðir er alltaf álitamál hvar á að byrja og hversu langt á að ganga.
reykjanesbrautin er búin að sanna að tvöföldun er lausn til að fækka banaslysum og alvarlegum slysum. þó svo að umferðarhraði á reykjanesbraut sé orðin glæfralega hár er slysatíðni þar margfallt lægri en hún var þegar tvístefnuvegur var. samt er tvöföldun ekki lokið á allri reykjanesbrautinni.
tvöföldun á suðurlandsvegi og vesturlandsvegi er nauðsynleg og verður að veruleika. hversu langt tvöföldunin á að ná verður aftur á móti alltaf eitthvað sem ofvirkur landinn getur þrætt um endalaust.
hvort að leggja eigi göng til siglufjarðar og til bolungavíkur, auðvitað á að gera það líka. það er algjörlega ófært að bolvíkingar og siglfirðingar þurfi að leggja líf og limi í hættu við það eitt að skreppa yfir til næsta krummaskuðs, alveg eins og það er ófært að selfyssingar þurfi að leggja líf og limi í hættu við að skreppa til reykjavíkur.
reykjanesbrautin hefur sýnt að hver einasti kílómeter með tvöfaldri aðskyldri braut er til bóta og því nauðsinlegt að byrja strax og vinna sig svo áfram eftir efnum, en ekki bíða í nokkur ár eftir að fjármagn sé til í stærri bita.

Ég mundi nú vilja sjá 30 ára áætlun þar sem hringvegurinn er tvöfaldaður. Það mundi gera rúmlega 40 km á ári, eða 20 km í hvora átt frá Reykjavík. Þegar komið væri að fjörðum sem þyrfti að brúa eða fjöllum sem þyrfti að bora þyrfti bara að leggja AÐ tilvonandi brúarstæði/göngum og halda svo áfram hinumegin. Svo með tímanum yrðu þeir fyrðir og fjöll sem á vegi eru brúaðir og boruð. Þetta mætti þessvegna gerast á 40-50 árum, aðalatriðið er að fara að byrja. 20 km í hvora átt frá Rvk þýðir tvöföldun til Borgarness og Hellu á 5 árum.

Andri, þú verður væntanlega að deila þessum skriðþunga sem þú færð út í tvennt. Þetta er væntanlega svipað og ef þú bindur teygjuspotta aftan í tvo samskonar bíla sem keyra á fullu gasi frá hvorum öðrum að þá teygist jafn mikið á spottanum og ef hann væri bundinn í vegg…, eða hvað?

Ef að ég hefði látið gamlan draum rætast og boðið mig fram til þings fyrir næstu kosningar hefði ég lofað að setja Göng framhjá Óshlíð í fyrsta sæti svo hefði ég skoðað suðurlandsveginn sem er alveg fáránlegur með þessu 2+1 fyrirkomulagi. Ég ætla bara að vona að það komi ekki sjúkrabíll keyrandi á forgangi eftir einbreiða kaflanum á sama tíma og einhver er að skipta um dekk undir bílnum sínum.
–
En ég er alveg sammála fólki hér að það þarf að bæta samgöngur víða og forgangsröðin er í flestum tilfellum ekki öllum að skapi, þess vegna skulum við bara skrifa undir áskorun því með henni getum við þrýst á um bætur!!! Hættum að rífa kjaft og gerum eitthvað!
–
Kv. Castro

Það er ekki nóg að vegirnir séu í lagi ef vegfarendur haga sér eins og heilalausir væru. Víða á leiðinni hér austur eru vegaxlir með slitlagi og tiltölulega gott pláss á veginum. Þó er alltof algengt að menn haldi sig alveg við miðlínu og hliðri ekki til fyrir umferð .Þó eru margir sem eru á traktorum sem nýta sér að vera vel útá vegöxlinni . Því miður eru vegirnir víða út um land ekki svona rúmir eins og í Flóanum . Mér sýnist að nýjustu vegirnir séu almennt mjög þröngir og vegaxlir í lágmarki og fer þetta heldur versnandi í seinni tíð .Fyrir nokkrum árum var ofanverður Landvegurinn endurnýjaður og lagður slitlagi, en hann er víða svo mjór að stikurnar lentu sumar niður í fláanum .Ég öfunda ekki vikurbílstjórana af að mætast á Landveginum enda er víða farið að kvarnast utanaf slitlaginu. Hvaða skoðun hafa menn á þessu? Kv Olgeir