This topic contains 10 replies, has 1 voice, and was last updated by 
-
Topic
-
Jæja gott fólk.
Enn vantar mig ráð. Ég þarf að endurnýja áriðilinn í bílnum hjá mér og ef ég man rétt þá eru tvennskonar straumbylgjur sem þeir gefa frá sér, kassalaga og… ekki kassalaga (kláraði nú grunndeild rafiðna á sínum tíma – en hef sogið of mikið bensín á milli tanka síðan þá til að muna þetta…).Önnur tegundin er semsagt þeim ókosti gædd að hún truflar hljóð, t.d. í fartölvum.
Man einhver hvor það er?
–
Hitt er þetta:
Er eitthvert ykkar alveg pottþétt á því hvar má og má ekki festa öryggisbelti? Ég fékk þær upplýsingar í Frumherja að þau yrðu að tengjast bitum … en ég veit ekki alveg hvernig það er flokkað. Er með staði í sigtinu fyrir belti (festingarnar fuku með hjólaskálunum við hásingafærslu) en vantar eiginlega einhvern til að segja af eða á…Látið endilega heyra í ykkur ef þið eruð sleip í svona málum.
Kv.
Einar Elí
-
Replies
-
Það er nú ekki alveg fyrir hvern sem er að lesa úr reglugerðinni hvað þá að skilja hana. Hins vegar ef þú getur komist yfir þessar EBE reglugerðir getur verið að þú finnir lausnina. Hins vegar veit ég ekki til þess að það sé svosem mikið skoðað hvernig þetta er fest enda myndi maður aldrei kasta til þess höndunum. Hins vegar er þetta það sem sagt er um festingar öryggisbelta í reglugerð um gerð og búnað ökutækja.
24.10 Bifreið.
(1) Öryggisbelti og tengdur búnaður skal vera viðurkenndur skv. EBE-tilskipun nr. 77/541 með síðari breytingum, ECE-reglum nr. 16.04 eða FMVSS-staðli nr. 209. Einnig skal beltið vera e-, E- eða DOT-merkt og merkt framleiðanda.
(2) Öryggisbelti skal vera tryggilega fest við styrkta hluta bifreiðar. Festur fyrir öryggisbelti teljast vera fullnægjandi ef ákvæði EBE-tilskipunar nr. 76/115 með síðari breytingum eða sambærileg ákvæði eru uppfyllt.
Er ekki langeinfaldast að festa þetta í veltibúr? Svoleiðis er það a.m.k original í Willy’s!
kv. Kristinn
Í rafmagnsklóm í húsum eru sínuslaga rafbylgjur..
Mjög líklegt er að þú fáir miklar truflanir ef inverterinn þinn gefur út kassabylgjur og ef þú sért með viðkvæm raftæki þá getur þú hreinlega skemmt þau.
einnig er það líka vandamál ef inverterar séu orðnir slappir þá gefa þeir stundum frá sér háa spæka sem geta líka valdið truflunum og skemmdum.Það skiptir engu máli hvort þú sért með kassabylgju ef þú sért bara að hugsa um að tengja hleðslutæki f. borvél eða ljósaperur
Kv
Hjörtur
Takk fyrir góð svör.
Mér var bent á að sennilega hafi ég misskilið þetta með áriðlana eitthvað, sínusbylgjuáriðlarnir eru víst um 10 sinnum dýrari en hinir og því sjaldgæft að fólk sé með þá. – Þannig að það mál er úr sögunni.
Klemenz kom með góða ábendingu varðandi beltin – ég verð að reyna að finna þessa reglugerð – en hvað eru "styrktir hlutar" bifreiðar? Eru það allir hlutar sem eru styrktir, t.d. með U-laga bitum? Eða er verið að horfa sérstaklega á einhverja aðra punkta?
Hluti af innra byrðinu, rétt aftan við afturhurð, er styrktur með svona U-laga bita. Skil ég þá rétt að ég eigi óhræddur að geta fest í það stykki, þar sem styrkingin er?
Kv.
Einar Elí
… hverjir lengja handbremsubarka???
Það er semsagt allt á útopnu núna – verið að reyna að klára bílinn fyrir páska 😀
kv.
Einar Elí
Sæll,
Veit ekki af hverju er verið að lengja handbremsubarka hjá þér. Ef það er útaf hásingarfærslu hef ég séð útfærslu sem er þannig að barkinn sem tengist við handfangið fær framlengingu með vírastilli (járnstykki með teinum sem skrúfast í sitthvorn endann). Ég veit ekk hverjir fást við þetta en það kæmi mér ekki á óvart ef Landvélar væru með þetta. Vona að þetta hjálpi.
Hemill gerir þetta fyrir þig. nýlega búnir að redda mér með svona vesen. Þeir eru staðsettir á skemmuvegi 12 S: 557 8920
kv. Hilmar Örn
hefur svarið við ansi mörgu
http://www.reglugerd.is/interpro/dkm/WebGuard. … enDocument
ég fæ ekki þetta hyperlink til að virka. slóðin verður að duga
… glæsilegt – kíki í Hemil.
–
Hvað varðar slóðina þá svarar hún litlu sem Klemenz var ekki búinn að svara (fer í það um helgina að finna tilskipunina sem geymir upplýsingarnar sem vantar) … nema ég fann þessa viðbót:
"Öryggisbelti skal vera valinn staður þannig að ljóst sé hvaða hlutar af lásnum eiga saman…"
–
…Það er greinilega eins gott að vanda sig 😉kv.
Einar Elí
…Ég er að hamast á fullu í bílnum þessa dagana. Þær eru margar, spurningarnar sem vakna, og ég held ég haldi frekar áfram að pumpa inn á þennan þráð en að vera alltaf að stofna nýjan.
.
Svo – krúser-snillingar og annað gott fólk – nú er mér smá vandi á höndum: Mig vantar að vita hvort samlæsingin er "negative trigger" eða "positive trigger"…
.
… Ég átta mig reyndar á að þetta er ekki mjög "jeppaleg" spurning – en ég fékk mann í að tengja þjófavörn í bílinn með mér og við strönduðum á þessu.
Einhver með hugmynd? (Ég hefði hringt beint í þig Haffi, ef klukkan hefði ekki verið orðin svona margt 😉Kv.
Einar ElíEs. (bætt við síðar…) Hún er negative trigger… bara svon ef einhver vill vita það.
You must be logged in to reply to this topic.