Túrbínu vesen

Væri sniðugt að hreinsa hana eins og hægt er til að ná sem mestu af þessu úr henni. Ná þér svo í sprautu (litla eins og læknar nota) og fylla hana af nýrri mótorolíu, setja slöngu á hana og reyna að láta slönguna vera sæmilega þétta við smurgatið á túrbínunni og setja fingurgóm yfir slefgatið á henni. Sprauta svo olíunni gegnum hana undir smá þrýstingi (sem þú myndar með fingurgómnum) og snúa henni svo slatta af hringjum bæði rétt- og rangsælis, getur endurtekið með nýrri olíu ef hún kemur drullug út. Þetta ætti að losa um skítinn í henni og skola honum út ásamt því að koma nýrri olíu í fóðringarnar.

Síðan myndi ég setja hana í bílinn og tengja afgashliðina eins og á að gera en sleppa því að tengja lögnina frá túrbínu inn á vél. Setja svo í gang og hlusta og horfa, ef ekkert óeðlilegt kemur í ljós er bara að tengja hana og fara að keyra.

Best að taka það fram að ég hef ekki lent í þessu sjálfur en svona færi ég að.

Freyr

Þetta er hárrétt hjá Frey með smurninguna á túrbínulegunni og það er ástæða til að
leggja áherslu á að ef túrbína er tekin af eða sett ný eða nýuppgerð þá á að dæla
smurolíu inn í leguhúsið. Ég veit um túrbínur sem hafa skemmst skömmu eftir ísetningu
og líkur benda til að þetta sé ástæðan. Túrbínan er búin að snúast ansi marga snúninga áður
en fullur smurþrýstingur frá vél er kominn að henni.
Kv.
Birgir Ing.