Turbína í Hilux 2,4 D

Hvar léstu setja þessa túrbínu í bílinn. Er nefnilega að spá í að setja hana í "aflmiklu" díselvélina hjá mér (2,4 D Hilux). Einnig og hvað kostar svona pakki.

Bílinn hjá mér er ekki ekinn nema um 140þ, þannig ég held að þetta sé mjög vænlegur kostur…. ef þetta er ekki of dýrt.

Þú ferð betur með vélina að setja millikælir
líka á hana. Ástæðan fyrir því er að afgashitin
verður ekki eins hár.
En eins og menn vita þá eykst brunahiti í vélinni
við það að setja túrbínu sem eykur álag á mótorinn,
það er ekki bara aukin þrýstingurinn sem veldur meira
álagi.

Kv Gummi Ey

Það er mikilvægt fyrir þá sem enn hafa ekki sett túrbínu í hiluxinn að velja rétta túrbínu. Flestir sem selt hafa túrbínur í þessa bíla hafa boðið uppá túrbínur sem koma tiltölulega seint inn (blása á háum snúning) og eru því hannaðar fyrir vegaakstur og eru fínar í það. Þeir hins vegar sem vilja nota græjuna á fjöllum verða að fá sér túrbínu sem kemur fyrr inn og eykur tog vélarinnar á lágum snúning. Að öðrum kosti kemstu ekki uppúr gírunum ef svo má segja því þegar skipt er um gír dettur snúningshraði vélarinnar undir vinnslusvið túrbínunar og þú verður bara skilinn eftir. Ísleifur í I Erlingsson hefur verið með túrbínur sem vinna á snúningssviði jeppamanna.

kv, gh

Einn ágætur vélstjóri sagði mér, að millikælirinn breytti ekki svo miklu með afgashitann, tilgangurinn væri fyrst og fremst sá að hafa fleiri súrefnissamsætur í hverri rúmtakseiningu af lofti, sem inn á vélina færi. Það þýddi einfaldlega betri nýtingu á eldsneytinu. Hinsvegar sagði hann mér, að það væri gott mál að setja EGT mæli á afgasið, svona eins og er í flugvélum með bensínhreyfli (bulluhreyfli) og þeir þekkja sem hafa lært flug. Hann sýnir afgashitann, (Exhaust Gas Temperature) og í flugvélinni reynir maður að fá hann sem hagstæðastan með stillingu á styrk eldsneytisblöndunnar. Það er nú yfirleitt ekki hægt í dieselvélunum, en maður getur hinsvegar haft hemil á álaginu á vélina. Mælirinn gerir því fyrst og fremst gagn í að hjálpa manni til að ofbjóða henni ekki. En varðandi túrbínur, þá setti ég á sínum tíma við 2,8 Toy Hi-lux vélina ARB túrbínu með lágum þrýstingi, sem kom inn nánast strax og það var ekkert "turbine-lag" á þeirri vél. Hún hefur reynst vel, því ég hef frétt að það sé ekkert farið að hreyfa við þeirri vél enn og búið að aka bílnum um 500.000 km að mér er sagt. Þekki reyndar ekki til núverandi eiganda og hef þetta eftir millilið. Millikælirinn í þeim bíl var hinsvegar úr Iveco og kannski full stór. Það var ekki laust við að honum hætti til að "svelta" kælikerfið ef farið var hægt og t.d. vindurinn í bakið. Það lagaðist hinsvegar þegar Oddgeir, sem keypti af mér, tvöfaldaði vatnskassann.

Sælir strákar…

Athyglisverð umræða um túrbínur, finnst vélstjórinn gera lítið úr vægi millikælis!! Það er rétt að aðal markmiðið sé að koma sem flestum súrefnis einingum inn í bruna hólfið… þá hlýtu kaldara loft að vera betra, ef ég man rétt þá eru fleiri súrefnis einingar í köldu lofti heldur en heitu…. þið leiðréttið mig ef þetta er rangt.

Það er hægt að fá afgas mæla ( EGT ) fyrir flugvélar í gegnum netið á síðum eins og Aircraft Spruce eða Spruce catalog.. man ekki alveg, eða Tex-air parts og miklu fleiri síðum, athugið að biðja um verð fyrir "Experimental" það þýðir allt að helmingi lægra verð.

kv
3259

Held reyndar að þetta sé öfugt í diesel bíl en bensín.
Of mikið eldsneyti -> of mikill hiti.
Of lítið eldsneyti -> minni hiti.
Þess vegna er miklu einfaldara að setja turbínu á diesel bíla en bensín. Bensínvélin er viðkvæmari fyrir réttari eldsneytisblöndu.

Sel það ekki dýrara en ég las það.
kv.
Rúnar.