Tryggvi R. Jónsson

Annað… vissu þessir kallar ekki af andúð þinni á jeppum og jeppaköllum eða hvað? Lesa þessir menn ekki neitt eða hvað.

Önnur kveðja:
Erlingur Harðar

Það má líka skoða öll mál frá fleiri en einni hlið líkt og hér er gert. Hin hliðin gæti verið eitthvað á þessa leið að Tryggvi er búinn að vera frekar virkur félagi bæði í ferðum og hér á spjalli og jafnan verið gjöfull á að miðla uppl. til annara hafi svo borið undir, hann hefur sýnt öllu okkar starfi mjög mikinn áhuga og verið virkur meðlimur og er tilbúinn að taka næsta skref og gefa enn meira af sér til 4×4 sem er mjög gott. Klárlega gerði hann mistök með því að skrifa svona klaufalega grein og ég er mjög hissa þar sem ég þekki kauða eilítið og ég gat ekki látið mér detta í hug að hanns hugur hafi verið á þessa vegu eitt sinn. Við skulum líka hafa það hugfast að við höfum ÖLL gert mistök einhverntíma á lífsleiðinni sumir meir að segja sömu mistökina aftur og aftur jafn vel þótt þeim hafi verið ráðlagt annað…. við skulum einbeita okkur að nútíð og hvernig við getum notað kauða í þágu 4×4, hann er góður penni, hann er nokkuð skarpur ef hann leggur sig fram við það og ég tel að það sé góður fengur í honum í stjórn (einn af betri kostum sem eru í framboði þó eru það allt góðir kostir!) og ég ætla ekki að láta þá skoðun sem hann hafði fyrir 4 árum eða svo trufla mig, þá vissi hann ekki hvað jeppi var annað en etthvað stórt sem hann var hræddur við en í dag eru breyttir tímar og við skulum einbeita okkur að nútímanum og ekki eyðileggja einn eða neinn hér vegna þess að hann hafði aðrar skoðanir en við ÞÁ .

Jú ég gerði mér alveg grein fyrir því … enda fer maður stundum alveg út í kantinn til að vekja viðbrögð og [b:11x2evlp]ögra bæði sjálfum mér og öðrum[/b:11x2evlp]. Ég lærði helling á þessum umræðum, fræddist um margt og er lika með fleiri spurningar en það er líka gaman 😉 Það má kalla þetta aðferð til að þroskast ef maður vill.

Punkturinn er samt að það sé einhver tenging milli þess sem maður þarf og þess sem maður kaupir. Sumir kaupa kannski jeppa af gömlum vana eða af því að þeir fara upp í bústað einu sinni á ári eða af því að það gæti hugsanlega mögulega snjóað í Reykjavík… Ég var í raun bara að réttlæta það að ég hefði keypt mér dýran fólksbíl en ekki jeppa, af því að ekkert sem ég gerði á þeim tíma sem krafðist þess að ég væri á öðru en fólksbíl en tímarnir breytast og mennirnir með, þarfir þeirra og kröfur. Ég er enn þeirrar skoðunar að jeppar (sér í lagi breyttir) sem fara aldrei af malbikinu sé óþarfir og í raun alger sóun. Í raun var það bara þetta tilgangsleysi sem pirraði mig…

Ég gæti aldrei réttlæt það að eyða því sem ég eyði í rekstur á jeppanum í fólksbíl. Jeppablaðran er bæði farartæki, leiktæki og ferðabíll, þannig að í raun má maður eyða þrefalt í hann er það ekki? Maður þarf nú að njóta kostanna við þessi tæki reglulega til að réttlæta þetta fyrir sér, að mínu mati. Það eru örugglega einhverjir sem sætta sig við hærri rekstrarkostnað, leiðinlegri aksturseiginleika og allt það án þess að nýta sér kostina (ferðalögin og allt það)… en þetta er auðvitað einstaklingsbundið og hver og einn þarf að gera það upp við sig á hverjum tíma miðað við sínar aðstæður… ég gerði það 2004 og komst að ákveðinni niðurstöðu en 2006 komst ég að annarri niðurstöðu hvort það er þroski eða "batnaður" skal ég ekki segja en það er allavega mjög gaman!

Í mínum huga er flottur fólksbíll meira stöðutákn, S-class MB eða 700-línan af BMW sem dæmi. 35-38" LC100 er ekki alveg að arga á mig "klassi" eins og hinir tveir… svona er nú smekkur manna misjafn. Það er nú líka það sem gerir þetta svo skemmtilegt 😉

Ég skil nú ekki alveg þessa viðkvæmni í mönnum. Kannski að því að það er ýmislegt til í því sem hann skrifar þarna. Við eigum ekki að vera með þessa viðkvæmni þó einhver skrifi svona um 30 punda kalla.(þeir sem aka alltaf á 30psi). Við eigum að vera ánægðir með það Tryggvi er komin í okkar hóp og hefur sannfærst um ágæti þess að ferðast á hálendi Íslands og eiga jeppa. Með slysa hættu þá veit Tryggvi það eins og við hinir að það þyrftu allir að vera á smábílum í umferðinni ef fólk á að slasast álíka mikið í umferðarslysum. Við jeppakarlarnir gætum kannski farið út í það að reyna að banna vörubíla og öll tæki sem eru stærri og þyngri en jepparnir okkar. Verra væri að þá þyrftum við sennilega að ráðast á formanninn líka því hann ekur um á vörubíl.

kv,

HG

Það er gott að Tryggvi er búinn að sjá að sér í gagnrýni á jéppamenningu vorri.
Hann virðist þroskast með árunum og er tilbúinn að beita sinni orku í okkar þágu.
Þetta er það sem klúbburinn þarfnast, einstaklingar sem þora að koma fram og láta aðra ekki letja sig.

Kveðja Dagur