This topic contains 26 replies, has 1 voice, and was last updated by 
-
Topic
-
Ágætu félagar.
Nú er ég kominn í smá vesen við eitt tryggingarfélagið.
Þannig er að keyrt var á Audi bílinn minn kyrstæðann við bensínstöð í Hveragerði í sumar. Annað ljósið sem er Xenon var eyðilagt. Tryggingarnar keyptu nýtt ljós sem kostar kr. 94.000.- hjá Heklu.
Vandamálið er það, að ekki er til Xenon ljós í bílinn með sama lit og það gamla.
Gömlu ljósin eru með bláum lit en það nýja með hvítum og er blátt ófáanlegt.Ég tel að tryggingarnar verði að skaffa mér bæði ljósin, þannig að bíllinn líti ekki út eins og maður með glóðarauga. (svo að vitnað sé í einhverja samlíkingu) þar sem að þeir geta ekki fengið ljós með sama lit og hitt sem er í bílnum.
Tryggingarnar sögðu mér að þeir hefðu borgað bæði ljósin ef peran kostaði innan við kr. 5000.- en fyrst að peran kostaði kr. 94.000.- borguðu þeir hana ekki.
ÞARNA STANGAST EITTHVAÐ Á.
Semsagt ég á að leggja út fyrir nýju ljósi þó svo að ég hafi verið í 100% rétti.
Þess má geta að í þessari gerð af Audi (S6 plus ABT) er stök pera ekki fáanleg heldur þarf að kaupa peruna, spennirinn og rafmagnslúmið comlett.
Endilega tjáið ykkur hvað ykkur finnst um svona uppákomu. Langar að fá ykkar álit áður en lengra er haldið.
Kveðja.
Elli.
-
Replies
-
Ég hefði haldið að þetta væri jafn erfit mál og að fá bílinn ekki mislitan eftir sprautun. Þeim ber í raun og veru ekki að gera neitt meira en að laga það sem skemmdist. Það eina sem gæti spilað inní er að bíllinn fái ekki skoðun á ljósin eftir þetta.
Xenon perur eru ekki eins og sparperur, þær eru eins uppbygðar og allar aðrar HID perur þ.e.a.s málmhalogen og háþrýsti natríum perur. Sparpera er bara flúrpera. Þær geta þá líka verið mjög mismunandi í lit á milli framleiðanda þó að hitastigið sé það sama en maður á að vera nokkuð öruggur með 2 perur frá sama framleiðanda. Sést best á ljósastaurum bæjarins þar sem er bara skipt um þær perur sem springa eða eru orðnar lélegar.
Ég er ekki tryggður hjá viðkomandi tryggingafélagi og er það e.t.v. óhagstæðara fyrir mig, og eins og Hlynur segir þá er erfitt að standa í skiptimarkaðsbraski.
Ég tel eins og fleiri sem ég hef rætt við að tryggingafélagið verði að bæta tjónið þannig að bíllinn samsvari sér og líti út sambærilega og fyrir tjón.
Ég skil vel að þegar að um sprautun á boddyhlutum er að ræða þá sé ekki hægt að fá 100% sömu áferð og verður það alltaf einhver blæbrigðamunur þar á.
Ég greiddi sjálfur aukalega sprautun á bílinn til að fá slíkan blæbrigðamun sem minnstan, þetta tjón er búið að kosta mig ca 100.000.- nú þegar (utan við peruna)
og finnst mér það full mikið þar sem ég var í 100% rétti.Snorri, myndiin var tekin í Þýskalandi, þú veist að það má ekki aka svona hratt á íslandi.
Ef einhver á skothelt "comment" handa mér þá væri það vel þegið að fá það hér á spjallið.
Kveðja.
Elli.
Sæll.
Talaðu við Neytendasamtökin. Það er ótrúlegt hvað þau hafa mikil áhrif. Ég hef nokkrum sinnum þurft að leita til þeirra og alltaf fengið góð viðbrögð. Stundum hefur líka verið nóg að nefna það að maður sé meðlimur í Neytendasamtökum til að fólk skjálfi á beinunum.
Kveðja
Ásgeir
Perumálinu lauk í gær með samningum við tryggingafélagið. Þeir greiða 50% af perunni eða kr. 45.000.-
Mál þetta hefur leitt huga minn að því hver sé réttarstaða þeirra sem verða fyrir tjóni á bílnum sínum í 100% rétti.
Er hugsanlegt að tryggingafélögin séu með samráð um að greiða ekki ákveðna hluti tjónsins s.b.r. vegna litamunar sem er alþekkt í dag.
Hér áður fyrr greiddu tryggingafélögin t.d. sprautun á bretti sem ekki varð fyrir tjóni ef það stakk í stúf við viðgerðina.
Bara svona smá hugleiðing.
Kveðja.
Elli.
Mér finnst þessi útreið sem Elías hefur orðið fyrir vera fyrir neðan alla fiska. Eins og margir hafa bent á í þessum þræði, gerir lögreglan athugasemdir og hefur heimild til að sekta þá sem eru með mislit ljós. Um það eru fjölmörg dæmi og við getum sjálfir séð að það getur verið beinlínis hættulegt í myrkri ef maður fær bíl á móti sér með framljós af sitt hvorum litnum. Þarf ekki að ræða það og tryggingafélög eiga allra aðila síst að stuðla að slíku. En ég tek undir það sem Jón Snæland segir hér ofar á þræðinum, að það er alls ekki óeðlilegt að félagið okkar geti komið fram sem talsmaður sinna félagsmanna þegar þeir eru beittir órétti. Því miður er t.d. FÍB alveg handónýtur vettvangur í þessu tilliti, því það félag virðist alveg vera undir hælnum á Bílgreinasambandinu og tryggingafélögunum.
Anonymous- Umræður: 0
- Svör: 16404
Þetta hljómar nánast sem djókur, að þessi tryggingarfélög nenni að standa í svona pexi útaf skitnum 100 þús. kalli (er það eflaust hjá þessum stórveldum).
En mér þætti í þessu sem og málinu sem ofsi lenti í, sanngjart að nefna nöfn verslana og tryggingarfélaga, þá eins og áður var sagt, á málefnalegan hátt. Ekki með ásakanir um að viðkomandi verslun eða þ.h. sé skítakompani, heldur hvað fór úrskeyðis o.s.fr.
Kveðja Ottó
You must be logged in to reply to this topic.