Tryggingavesen.

Sæll Elías!!

Ég myndi halda að þetta væri eitthvað sem þú ættir að taka upp við lögfræðing hið fyrsta þar sem að þetta er stóri kallinn á móti litla kallinum.

Veit ekki betur en að tryggingafélög séu skyldug til að skila af sér bíl þeim er þeir þurfa að bæta í því formi sem hann var eða kaupa hann af viðkomandi eiganda. Eins og þú lýsir þessu að þá ert þú í 100% rétti og þar af leiðandi er bara að bjóða þeim að laga þetta eða hreinlega kaupa af þér bílinn.

Ég get bent þér á mjög góðan lögfræðing, hefur unnið fyrir mig skaðabótamál, reyndar að sækja á eitt félagið slysabætur, en tel að það sé varla til mannlegri lögfræðingar en einmitt þetta fólk.

Vil ekki nefna þessa aðila hér, en get látið þessar upplýsingar í té í maili.

Kveðja

Siggi

P.S. Tryggingafélögin komast alltof oft upp með sína skíta túlkun á lögum þessa lands og svívirða heiðarlegt fólk sem hefur réttinn sín megin og fá meira að segja hjálp frá ríkinu til þess.

Ein ágæt regla. Alltaf að biðja um allt skriflegt sem sagt er við mann. Þá þora tryggingakallarnir ekki að reyna að ljúga að þér um rétt þinn.

Valla er það löglegt að skila dolunni frá sér ólöglegri er það?

Ég rak augun í það að Sigga finnst, síðan kannski ekki rétti vettvangurinn fyrir mála af þessu tagi. Ég er því nú ekki sammála, heldur finnst mér þetta einmitt rétti vettvangurinn. Allavega getur hann verið upphafið af aðgerðum. Nú er 4×4 einu sinni hagsmunarklúbbur þó hann sé kannski ekki neytendafélag enda hefur hann ekki bolmagn til þess, að reka sig sem slíkan. Auðvita skiptir framsetning pistlana mál og í þessu tilfelli hér er ekki einu sinni nefnt nafn tryggingarfélagsins. Ég er þó á því að hægt sé að nefna nöfn fyrirtækja sem eru ekki að standa sig, á spjallinu. Ef það er gert á málefnalegan hátt og sérstaklega ef þau fá tækifæri á því að verja sig. Ég hef t.d lent í afskaplega leiðinlegum viðskiptum við fyrirtæki í jeppageiranum og nú er komið á annað ár frá þeim viðskiptum. Þau viðkynni voru þau verstu sem ég hef lent í á minni löngu ævi. Ég hef gengið með það í maganum hvort ég eigi að segja frá því síðan þá og er ég minntur reglulega á þetta atvik. Bæði vegna eftir hreta af viðgerðinni og það að fleiri hafa lent í svipuðu. Í þessu ákveðna tilviki var það aðalega einn hlutur sem gerði mig reiðan, Þ.a.s viðhorf fyrirtækisins til kúnnans. Þ.a.s til mín. Fyrirtækið er rekið á þeim grundvelli að viðskiptavinurinn hafi á röngu að standa og honum þurfi ekki mikið að sinna. Og hann eigi ekki að skipta sé af þrátt fyrir að allt sé komið í óefni hjá fyrirtækinu. Nú hafa all oft verið birtir pistla hérna á vefnum þar sem veist hefur verið að fyrirtækjum, bæði á réttlátan og ranglátan hátt. Fæst af þeim svara fyrir sig, heldur vilja þau frekar bíða af sér storminn, á vefnum í dag er frekar einfalt fyrir þau að svara ásökunum, allavega einfaldara en það að skrifa blaðagrein, sem kæmi seint inn í blaðið og lenti kannski á slæmum stað í blaðinu. En á þessum vettvangi hér þá kæmi svarið í upphafsþræðinum. Og gæti sá sem er að verja sig meira segja uppfært þráðinn ef honum þætti ekki nægilega margir hafa lesið hann.
Nú svo kemur inn í þetta alt samann að við sem klúbbur og stjórn sitjum beggavegna borðsins. Þ.a.s á sama tíma og verið er að gagnrýna velvildarfyrirtæki 4×4 á vefnum þá er sama fyrirtæki að rétta klúbbnum hjálparhönd í einhverju formi. Í svona tilfellum getur verið erfitt að meta hvor hafi rétt fyrir sér, en samt hlýtur það að vera skilda stjórnar að standa með félagsmanni svo framarlega sem hann hefur rétt fyrir sér. Þó það sé hætta á því að tapa viðskiptarfélaga samtímis. Svo er enn ein hlutur í þessu öllu samann, það er ritskoðun á vefnum, Einmitt þegar ég var í þeim hugleiðingum að segja fá þeim hörmulegu viðskiptum sem ég lenti í, þá var andinn einhvernvegin þannig að ég átti á hættu að lenda í ritskoðun og ef ég hefði lent í því þá hefði betur verið heima setið en segja sannleikann. Því þarf að fara mjög varlega í alla ritskoðun ( enda segir neðanmál undir þráðunum að pistlar séu á ábyrgð þeirra sem skrifa þá ).
Góða stundir.

Varðandi þessar spurningar sem Ofsi kom inn á, þá er ég einfaldlega þeirrar skoðunnar að hlutverk klúbbsins sé að gæta hagsmuna félagsmanna. Sá hluti starfseminnar sem snýr að þessu er ekki sérlega kostnaðarsamur, og gæti mjög vel rúmast innan þess ramma sem félagsgjöldin marka. Ég held að það yrði til bóta fyrir starf félagsins, ef það hætti að sækjast eftir auglýsingum og öðrum fjárframlögum frá fyrirtækjum.

-Einar

Ég er nokkurnveginn sammála Ofsa með það að þetta eigi alveg heima hér á spjallinu, Þó þetta sé ekki jeppi sem um ræðir, og við getum kallað til aðstoðar og fengið skoðanir hjá öðrum félögum okkar hér. En ég er ekki alveg sammála Eik með það að klúbburinn eigi að gæta hagsmuna félagsmanna, heldur starfi þeirra og því sem tengist meðal annars jeppamennsku og útivist. (þess vegna var 4×4 stofnaður á sínum tíma).
Ég er líka á því að menn eigi að birta það sem birtingarhæft er ef það kemur upp um lélega viðskiftahætti eða léleg vinnubrögð;- til dæmis hjá breytingarverkstæði sem vandar ekki til verka og skellir svo skollaeyrum við. Þá geta hættulegir bílar verið í umferð og valdið (hugsanlega) hættu. Ég lenti nefninlega í því að ákveðinn maður sem rekur ákveðið fyrirtæki ætlaði að hafa við mig viðskifti en lét aldrei sjá sig og kostaði það mig einhverja aura. Það væri gott að fá nokkrar sögur og bera þær saman, og geta því hafnað viðsiftum við hina og þessa hrotta.
P.S. Þessi pistill er skrifaður af ábyrgð undirritaðs:

Hafþór Atli. H-1811

bíl þessi Audi hjá þér en það er eitt sem vekur forvitni mína og hún er sú hvar þetta er tekið ?? https://old.f4x4.is/new/photoalbum/?file … 3794/25086

En hvað tryggingarfélögin varðar þá hef ég aldrei lent í veseni með þau og ég hef lent í því að slasa mig mikið á hjóli sem ekkki var tryggt og hef ég fengið það bætt þ.e.a.s. læknis og sjúkraþjálfun og vinnutap svona eins og um hefði verið að ræða tryggt ökutæki.

Kv
Snorri Freyr