Trukkur með reynslu

Þessi neðsta frá Magga, held ég að sé tekin í október 1989, á leið frá Álftavatni niður í Fljótshlíð. Ég var þá nýliði í HSSR. Fórum uppeftir í bongó blíðu á föstudagskvöldi, löbbuðum á Háskerðing á laugardeginum og fenntum svo nánast inni aðfaranótt sunnudags. Sunnudagurinn fór í að komast heim. Tók okkur ca 8 klst að komast frá Álftavatni að Hvanngili! Þurftum að moka part af leiðinni (í hliðarhalla) svo múkkinn kæmist. Þurftum að moka eina 1-1.5 metra niður (þá var tæplega 1 meter eftir sem bíllinn lullaði í gegnum í skriðgrínum, keðjaður á öllum). Á meðan skóf að bílnum, og á tímabili náði skaflinn hlíðarmegin upp á þak. Eftir að á sandana kom gekk þetta þó nokkuð vel, mikill krapi í ánum þó (eins og sjá má á stuðurunum á bílunum). Komum niður á Hvolfsvöll um miðnætti. Bílstjóri á múkkanum var Sveinn nokkur sem á þessum tíma (eða örlítið síðar) átti Terreble Green (og sprautaði hann rauðann ef mig misminnir ekki).

Mér fannst alltaf svakalega gaman að keyra þennan bíl. Hafði mikinn karakter. Var vopnaður 8 gíra gírkassa + látt drif + skriðgír. Enginn af þessum 24 gírum sköruðust (8 í lága var lægri en 1 í háa, og 8 í skriðgír var lægri en 1 í láa). Fyrstu 2 gírarnir í háa voru lógírar (tók af stað í 3 yfirleitt). Gjörsamlega klikkuð niðurgírun (sennilega fyrsti bíllinn á Íslandi með alvöru skriðgír Var einnig vopnaður deep-fording pakka, sem þýddi að hásingarnar voru yfirþrýstar svo að vatn kæmist ekki inn í þær. Sama gilti um framljósin!

HSSR keypti hann nýjan 1982 minnir mig (sennilega einn af fyrstu 1300L bílunum frá Benz, allavega var eitthvað vesen með ábyrgðina á honum vegna gífurlegs vélaraflsins, öllum 170 hestöflunum). Var seldur 1995 eða 1996, og keypti Valdi Vípon hann. Hann tók hann allann í gegn, hækkaði, setti undir hann stærri dekk og lengdi hann slatta, en skortur á lengd háði honum alltaf. HSSR keypti í staðinn tvo Land-Cruiser bíla, og verður að viðurkennast að þeir voru margfallt öflugri í nánast öllum aðstæðum.

Eftir að Ársæll seldi MAN’inn sinn er enginn svona alvöru trukkur eftir í björgunargeiranum, eftir því sem ég best veit. HSSR á í dag 22 manna Ateco 4×4 (slökkubílagrind). Þokkalega öflugt tæki þó hann sé enginn múkki. En Múkinn var reyndar alltaf ofmetinn, þó svo að hann hafi sennilega verið einn öflugasti trukkurl landsins á sínum tíma

kv
Rúnar.

Ég man eftir þessum múkka pikkföstum í mýri fyrir neðan Þrym á Hellisheiði fyrir mörgum árum, sennilega 1989.
Hann hafði verið fenginn til að draga burt bjöllu hræ sem ég of félagara mínir höfðum komið upp á Heiði sem leikfang, en amk fór múkkinn á kaf í mýrina og eftir miklar æfingar náði hann að losa sig með því að grafa varadekkið á kaf og spila sig svo upp.
Það verður að segjast eins og er að við félagarnir hlógum mikið að þessu ævintýri enda höfðum við farið þarna yfir á bjöllu nokkru áður.

Hálendingurinn var smíðaður upp á Selfossi fyrir nokkrum árum, hefur undan farna vetur verið skólabíll í Hrútafirðinum og notaður í hálendisferðir á sumrin. Þessir tveir Múkkar eiga það sameiginlegt að vera báðir tiltölulega rauðir.
Ingi

Inniheldur meðal annars,
Hvernig á að láta bíl bila,
Hvenrig á að láta draga sig í bæinn,
Hvernig á að telja aðra inná að hann hefi verið fyrstur og frammvegis
Ótal atriði sem Kalli er fær um

Tók þetta námskeið hjá Kalla og get ekki sagt annað en það en ég hafi lært þetta 100% prósent. Er allavega búinn að prófa allt sem Kalli kenndi mér.

Annars er líklega eina vitið að eiga svona trukk. Aðeins hægt að gösla á þessu. Fyrir utan að maður getur labbað með og tekið myndir á meðan.

Kv, Kristján meðhjálpari
sem drífur aldrei neitt

ég er kannski ekki fagur, en fallegur er ég. Ekki´að ástæðulausu að þú velur alltaf koju á sama stað og ég.

Enda gætirðu smitast af þessum snillagenum sem eru ekki á hverju strái.

Kv, Kristján
Sem á dótið

Það eru en til trukkar björgunarsveitunum þó þeim hafi fækkað. FBS Hella á öruglega einn af öflugri Múkkum á l andinu og það er Man trukkur í Vík ekki ósvipaður þeim sem Ársæll átti. Svo er allavega einn Ural trukkur í góðri notkun á Héraði. Nýji Vörubíll HSSR telst nú til trukka og það er draumur einhverra að endurvekja trukkaútgerð sýna þannig að maður veit ekki hvað verður En ég er sammála það er gaman af þessum myndum það eru til nokkrar á skrifstofu SL ég kannski gref einhverjar upp og set hér inn.

Ég vil benda ykkur sem komin eru til vits og ára og hafið gaman af gamla dótinu, að á heimasíðu http://www.boreal.is
undir "myndir", og síðan album: "Tæki, traktorar, tól, trukkar", – eru nokkrar myndasíður af misgömlum og -góðum tækjum.
Ingi

Sælir.Mér dettur í hug að benda á margar myndir af gömlum trukkum ,GMC, Studebaker REO og Weaponum sem fóru yfir Markarfljót móts við Húsadal haustið 2005 minnir mig. Þessar mundir eru á síðunni http://www.4x4offroads.com/ . Orkan mun hafa staðið fyrir ferðinni og þeir eiga suma bílana held ég. Gaman að skoða myndir af þessum gömlu svona innan um allar nýju glæsikerrurnar. Valdi Vípon mun hafa átt Weapon pikkuppinn í felulitunum og var hann með upprunalega vatnsþétta kveikjukerfið. Sá bíll var númerslaus og fluttur austur á vagni. Sá hvíti er 1942 módel eign Bjarnhéðins Guðjónssonar á Hellu og var hann nýbúinn að smíða á hann nýtt hús. Ekki eru menn sammála um fegurðina ,en smíðin er vönduð hjá þeim snilldar járnsmið. Kv. Olgeir

Hérna linkurinn á [url=http://www.4x4offroads.com/old-army-trucks.html:2b7axg4q][b:2b7axg4q]hertrukkamyndirnar úr Markarfljóti[/b:2b7axg4q][/url:2b7axg4q] sem Olgeir er að tala um. Skemmtilegar myndir þarna.

Kveðja – Gísli