This topic contains 91 replies, has 1 voice, and was last updated by 
-
Topic
-
Jæja gott fólk þá er komið að því. Jú A-hluti Trúðaferðarinnar eru lagðir af stað og voru um kl. 17 að renna inn á Árnes þar sem þeir tanka og þétta hópinn. Í þessum hópi eru níu 38″ bílar og eru þar fremstir í flokki Lúther, Gísli í skálanefnd og Óskar á Hi-Lux. Einnig er þar maður að nafni Ólafur Ágústsson og er hann á Barbí-Krúser, vel útbúinn og harðlæstur. Mikill hugur er í mönnum þrátt fyrir að allt sé marautt ennþá og rennblautt. Þeir fara Gljúfurleitin uppúr og vonast eftir barningi og ævintýrum og er það nánast á öruggt að ráoa þar sem þeir eru.
B-hluti hópsins fer núna um kl. 18 frá Select og ætla þau að fara Kerlingarfjöllin.
Magnús Guðmundsson
-
Replies
-
Um kl 03 náði ég talstöðvarsambandi við hópinn og var hann enn í námundan við loðmund og Lúther pikk fastur nema hvað.
Kv.
Benni
Hversu langt þurftirðu að keyra til að ná talstöðvarsambandi við þá? Að Geysi? eða styttra?
kv Lella
Er ekki hægt að nota VHF endurvarpann á Bláfelli til að ná sambandi við þá? Svo er líka NMT á Skrokköldu sem dekkar Setrið og nágrenni vel. Er það rétt skilið að ekki hafi nást samband við C-hlutann síðan um þrjú í nótt?.
-Einar
Já þeir svara ekki í síma eins og er.
heyrði frá Inga uppi í setri kl 10,47 en þá voru allir sofandi nema hann þeir komu í setur kl ca 9,00 á tvemur bílum en pattinn hans lúters var skilinn eftir undir loðmundi með leka framfelgu ,,,
þeir vonast eftir að fá að sofa örlítið lengur áður en ævintírin hefjast að nýju
Gísli Þór
Sæl Lella.
Nei ég er hér fyrir norðan og náði í þá í gegnum endurvarpa rás 46.
Kv.
Benni
Það er ekki amarlegt að fá svona framhaldssögu á föstudegi. Ég vona að það koma reglulega fréttir af þessum björgunarleiðangri. Sérstaklega er gaman að heyra um þessa snjóskafla. Ég er eiginlega búin að gleyma hvernig þeir líta út….
Kveðja
Soffía
Hópur D fer að gera sig kláran til að bjarga Pattanum hans Lúthers
En annars eru strákarnir að skríða á fætur og fara að finna Cherokee-in að sjálfsögðu eru þeir með PUNKT!!!!!
Í Setrinu er KAFSNJÓR svo það er örugglega einhver ævintýri í vændum hjá þeim í dag.
Svo bara gaman framundan.
Anonymous- Umræður: 0
- Svör: 16404
Þetta er að verða hinn gagnlegasti túr. Hópur D að gera sig kláran í að bjarga hóp C sem var í björgunarleiðangri að bjarga bíl úr hóp B … Verður spennandi að sjá hvað við komumst langt í stafrófinu og hversu margir komast í snjóinn fyrir bragðið.
Kv – Skúli
D-Hópurinn er að gera klárt eftir að neyðarkall barst úr setrinu, en þar er allt eldsneytislaust og dekkjalaust. Brottfarartími ekki endanlega ákveðin, en vonast til að geta lagt af stað um kl. 16:00.
Nánar síðar.
Þess má geta að ég mun verða í sambandi við Lellu og Þorgeir meira og minna fram eftir kvöldi og nóttu til að fá fréttir af gangi ferðar upp í Setur.
Keli.
Svona á þetta að vera. Það er rétt kominn nóvenber og strax þarf að fara að sækja Lúdda. Þessi vetur lofar svo sannarlega góðu, og eflaust verður Lúddi sóttur oftar í vetur. Muna svo "aldrei að sleppa góðu basli"
Góðar stundir
Hópur C er að klára að gera við Cherokee-inn og lítur allt vel út þar. Hópur D er að verða klár er verið að safna saman dekkjum um bæjinn.
Þið hóið kannski í mig ef hópur E á að fara af stað á morgun.
Þýðir ekkert að senda svona grjónadollur í svona alvöru mission! Amerískt bilar ekki það hefur marg sannað sig!
Ásgeir á alvöru fjallabíl!
896-8969
Var að tala við Inga og þeir voru alveg að detta í Setrið. Búnir að sjóða hásinguna og notuðu u.þ.b. 50 pinna í það. Vonandi að það haldi. Það er um 8°C frost hjá þeim núna og búið að vera í allan dag þannig að vonandi sækist ferðin heim eitthvað betur.
Þorgeir tjáði mér fyrir nokkrum mínútum að það væru 3 bílar í D-hópnum að skríða niður Kambana með dekk, eldsneyti og rafsuðuvír í farteskinu. Búist við þriggja punda færi frá Geysi.
Nánar síðar
Keli.
Er sem sagt musso með í för?
Jæja þá er ég farinn að gera græna tröllið tilbúið!
Það er alveg merkilegt með þessa bensínpúka þurfa alltaf að eyða tveimur vikum í skúrnum til þess að komast af stað, ef ykkur vantar hjálp get ég skroppið tek bara olíu á Geysi og allt klárt. Getur ekki verið stór mál að skreppa í setrið ef Lúter var 17 tíma þangað.
Skýrsla: Lella.
Verið að hleypa úr við sandana. Baldvin við Geysi og Gísli skammt á eftir.
Símtalið orðrétt:
Lella: Þetta eru nú ljótu lygamerðirnir sem sögðu að allt væri á kafi í snjó. (Grimmilegt urr). Henti kóarunum út að hleypa úr, og það er eins gott að það komi fram að það er Þorgeir sem er kóari hjá MÉR!Keli: Nú? Átti ekki allt að vera á kafi í snjó?
Lella: Jú, svo var sagt. Ég talaði við Lúter í gær og hann sagði að það væri þreifandi bylur og skafrenningur og það væri bara keyrt eftir punktum. (urrað meira)
Keli: Hvað er að frétta af þeim ofan úr Setri?
Lella: Þeir ku víst vera lagðir af stað niðrúr, en sækist seint enda með tvær skemmdar felgur.
Keli: Þú lætur vita þegar eitthvað fer að gerast hjá ykkur, það verður lítið gaman að fara einhverja anskotans fýluferð þegar búið er að tilkynna um kafsnjó alla leið og koma svo að öllu marauðu, hvergi korn að sjá.
Lella: Ég skal finna snjó þó að ég þurfi að fara upp á jökul til þess. Það verður sko ekki liðið að láta ljúga að sér að allt sé á kafi og svo er hvergi hvítt korn. (urrað enn meira).Þar með lauk þessu símtali, en ég skal vel skilja að Þorgeir hafi gefið sér tíma til að hleypa úr meðan frúin tók mesta ergelsið út í símanum.
Næsta skýrsla vonandi fljótlega.
Keli.
P.S. Þetta er í þriðja skipti sem ég reyni að setja helvítis svarið inn. Eintómar villumeldingar.
Þetta átti að sjálfsögðu að vera við Sandánna.
K.K.
You must be logged in to reply to this topic.