This topic contains 19 replies, has 1 voice, and was last updated by 
-
Topic
-
Góðan daginn, drengir.
Nú er ég að spá í að taka fjaðrir undan (framan) 91′ DC og setja þar betri fjöðrunarbúnað og datt mér í hug 4-link eða jafnvel Landcruser stífur og nota með því gormar eða jafnvel loftpúða?
Hvað segið þið, sem betur til þekkið, hvaða lausn er best? Hversu mikið mál er þetta og hver er bestur í slíkt verk?
Kv.
Benni
A-736
-
Replies
-
Ég pældi mikið í þessu á sínum tíma og ég myndi nota stífur úr Landcruser. Mér hefur sýnst þeir bílar sem eru með 4 link bæði að framan og aftan séu mjög svagir.
Kveðja Magnús.
Það er líka hægt að nota stýfur úr range rover og eflaust auðveldara að nálgast þær. Þær fást á rúm 6000 stykkið hjá BSA í kópavogi.
Anonymous- Umræður: 0
- Svör: 16404
Mæli með HDJ80 Land cruser stífum þriggja fóðringa ath allur pakkinn fæst hjá P.Samuelsyni(gormar gormasæti demparar samsláttarpúðar og stangir HJ70 Land Cruser) og láta gera þetta hjá Aroni á smiðjuvegi í kópavogi spindilhalla ,5-1,0 gráða
gunnar
Mér þykir 0.5 – 1.0 gráður vera lítill spindilhalli fyrir breyttan bíl. Minnir að orginal séu hásingarbílarnir með í kringum 3 gráður. Þá eru sumir að auka hallan meira en þetta við breytingar.
Meiri spindilhalli leiðir til meiri stöðugleika í stýrinu, en einnig til sterkari "return to center" krafta, sem og meiri togkrafta þegar ekið er í framdrifinu.
Rúnar.
Sælir strákar
Ég er með LC stýfur og Range rover gorma að framan og vildi ekki skipta þessu út fyrir neitt annað.
Þegar menn eru að tala um að fá sér loftpúða er það líklega
besti kosturinn sem þeir geta fengið sér að aftan en sá búnaður ætti ekki að vera að framan.
Sæll Lúther.
Hver eru rökin fyrir því að loftpúðar ættu ekki að vera undir bíl að framan?
Emil
Sælir
Mér þykir þessi búnaður kannski ekki hafa þann styrk sem þarf bæði hvað þyngt frammenda varðar og svo er nú yfirleitt frammendinn sem lendir í hvað mestum átökum eins og t.d óvæntum sprungum og stóru grjóti ég lenti í því að kengbeiga framhásingu hjá mér það mikið að gormasætin skekktust, því hef ég velt því fyrir mér hvað svona loftpúðar þola mikið.
Ef þú lendir í því að rífa púða eða laska þá það mikið að þeir falla saman þá ertu orðin hálf haltur.
Enn það má vera að þetta séu allt saman óþarfa áhyggjur í mér, einhverjir hljóta þó að geta miðlað af reynslu sinni til okkar.
Báðar útgáfurnar eru dýrar og því myndi ég ekki sætta mig við að þurfa að vera að lagfæra þetta reglulega, ég hef ekkert þurft að vera að vesenast í gormunum enda engin rafmagnsdæla og dýr loftdælubúnaður þar á ferðinni
bara stál í stál
Sælir.
Ég hefði kanski átt að taka það fram að ég var bara að spekúlera en er ekki endilega á annari skoðun.
En hvað um það. Sjálfur er ég með gamlan Hilux með loftpúðum að aftan. Það er að mínu mati frábær búnaður. Ég er búinn að vera á bílnum í 2 ár, og hef reyndar þurft að skipta um annan púðann, en það var vegna þess að hann var of utarlega og dekkið náði í hann. Að öðru leiti er þetta algerlega viðhaldsfrýtt.
Ég er ekki sammála því að það þurfi flókið loftkerfi til að nota púðana. Ég er með 2 ventla sem ég pumpa í þá með. Það er gert á nokkurra vikna fresti því þeir leka smávegis, en margfalt minna en dekkin mín. Og ég er algerlega ósammála því að það þurfi stöðugt að vera að pumpa í og úr púðum. Mín reynsla er sú að þeir virka best í einni stöðu, og það breytist nánast ekkert eftir hleðslu bílsins. Og með dempara. Ég er með Rancho 9000, og hef aldrei litið á þá. Veit ekki hvernig þeir eru stilltir, og þarf ekki að vita, því þetta virkar mjög vel.Kv.
Emil
Fyrir tveim árum breytti ég jeppanum mínum, þar sem afturfjaðrir voru orðnar sligaðar og bognar fór ég út í það að setja loftpúða að aftan. Að framan setti ég lengri gorma. Nú eru gormarnir farnir að sligast meðan loftpúðarnir virka eins og draumur í dós. Eg er með tvo bíla núna, á hinum bílnum hafa báðir framgormarnir brotnað. Því er ég alvarlega að hugsa um að henda þessum gormum og setja loftpúða líka að framan. Loftpúðar eru að koma í stað fjaðra og gorma í rútum, vörubílum og nú nýverið í vönduðustu jeppunum. Ef þess er gætt að ekkert nuttist utan í púðana, þá endast þeir.
Mig mynnir að þegar var farið með LandCrusera á Suðurskautslandið, þá hafi gormarnir sífellt verið að brotna.
Einar
Enda frostið þar nálægt 45 gráðum.
Ég er ekkert hissa á að púðarnir endist enda eru þeir að aftan hjá þér,þyngdin að framan er meir en tvöfalt meiri en að aftan og fjórfaldast við gott högg.
fyrst gormarnir gáfu sig að framan er spurning hvort loftpúðarnir hefðu sloppið óskemmdir, en því þori ég ekki að svara, það má vel vera að þetta geti leyst gormana af.Ég er samt svolítið efins,læt einhvern annan prófa þetta fyrst
kv Lúther
Anonymous- Umræður: 0
- Svör: 16404
Nú umgengst ég mikið langan Econoline sem vegur á 5ta tonn, honum var breytt hjá Gutta og Kjartani fyrir 4 árum og er með púða allann hringinn.
Púðarnir eru enn þeir sömu og sér ekki á þeim, í bílinn var sett sjárfvikrt loftflæðikerfi svipað og er í rútum og vörubílum, mjög gott kerfi sem svínvirkar.
Allavega er mjög gott að ferðast í þessum bíl, púðarnir þola mikklu meiri þingd heldur enn fjaðrirnar eða gormar, en eru samt viðhvæmari fyrir hnjaski.
Svo má alltaf deila um það hvort það þurfi nokkuð að hafa púða að framan, þyngdin þar breytist ósköp lítið og er þar af leiðandi meiri not fyrir þá að aftan.
Þetta er allavega mín reynsla af púðum og er hún góð…..
Sælir strákar og þakkir fyrir viðbrögðin!
Þegar ég var að spá í að hafa púða á framan var ég eiginlega að hugsa um erfiðar brekkur og þá að geta látið hann fara á trínið og lyft að sama skapi upp að aftan eða í stuttu máli færa meiri þunga yfir á framhjól sem er jú mikill kostur vænti ég þegar erfiðar langar brekkur eru framundan.
Í 120 Cruserinum hef ég aðeins verið að fikta í þessu þ.e. lyfta honum að aftan á loftpúðunum og þó að sé ekki nema einhverjir örfáir sentimetrar sem hann fer upp að aftan þá finn ég klárlegan num á að hann er auðveldari upp brekkur grefur sig síður niður að aftan það er þó engin ósköp sem munar, rétt að maður finni það.
Kv.
Benni
A736
Nei, nei hvað er að heyra í þér Benni
ertu farinn að leggja hausinn svona all hressilega í bleyti yfir því hvernig þú kemst upp brekkurnar, svo á bara að fara að breyta "Draumnum" í einhverskonar svifnökkva sem á að geta farið í kollhnís upp brekkurnar.Nei nei Benni minn þú hefur náð aldeilis frábærum árangri í brekkuklifri, haltu bara áfram að setja frammlásinn á og
svo sér bara lolo um afganginn þegar hann verður kominn í.þannig hefur það virkað hjá þér hingað til,ef þú vilt fara að stunda loftfimleika getur þú alltaf gengið í Gerplu.
Kv Lúther
Blessaður, Lúther og hinir náttúrlega líka.
Nei, nei, það á ekkert að fikta við "Drauminn" LC120. Þar þarf akkúrat engu að breyta, ég er að spá í Toy DC sem ég á líka hann er reyndar með lolo gír sem virkar ágætlega en ef farið er í breytingu á annað borð er þá ekki gott að líta á málið frá öllum hliðum eða kanski heldur öllum brekkum… Hann er ekkert mjög vingjarnlegur á þessum fjöðrum að framan skal ég segja þér :/ (4-link að aftan).
Ég held að þú vitir alveg hvað ég er að tala um.Annars varðandi lolo gír í 120 Cruser þá erum við Freysi og Ægir að vinna í því á fullu og er stefnan tekinn á 4:1 gír og vonandi verður hann til og kominn í fyrir ferðina hjá okkur í lok ágúst? "gamli" LC90 var með 2.7 gír og hann var mjög góður fyrir 38" en á nýja LC120 er allt miðað við 44" eins og þú kanski veist.
Kv.
Brekkubaninn
Sæll Benedikt.
Hvað er þetta áttu ekki nógu marga jeppa?
Hvernig væri nú að selja mér bara DC’inn, því það er ekki sanngjarnt að þú eigir svona marga jeppa.
Med venlig hilsen frá baunalandinu með litlu hólana og litlu ljótu jeppana
Hilbal
Sæll Benedikt.
Hvað er þetta áttu ekki nógu marga jeppa?
Hvernig væri nú að selja mér bara DC’inn, því það er ekki sanngjarnt að þú eigir svona marga jeppa.
Med venlig hilsen frá baunalandinu með litlu hólana og litlu ljótu jeppana
Hilbal
Nógu marga… ég á bara einn jeppa og nokkra sliddara.
LANDCRUSER 120 er nátúran og dýrðin að eilífu AMEN!
Kv.
Benni
Jæja Benedikt þú ert greinilega maður með viti, Toyota eru bestir hvort sem þeir eru á fjöðrum, gormum, loftpúðum eða ruslahaugnum.
Patrol eru þó nokkuð góðir í brotajárn, þar brillera þeir algjörlega.
Ég heyrði einhverstaðar að menn líktu klöfum við limited slip læsingir. Þeir leyfa þér oft að komast lengra en þegar þú stoppar þá er líka búinn að koma þér í meiri vandræði en annrs og situr fastari en ella.
Þetta þekki ég vel með mína limited slip læsingu.
Kveðja Fastur
ps. Ég er mjög sáttur við "slip-inn" en ég enþá sáttari við "ARB-inn"
You must be logged in to reply to this topic.