Tommustokkur á fjöll!?

Er ekki öllum þessum póstum sem félagsmenn og aðrir senda bara eytt, er einhver akkur í því senda þessa tölvupósta.
Held að það væri nær að klára þessi mál í eitt skipti fyrir öll,að mínu mati eru þessi mótmæli og þær ráðagerðir sem koma hér uppá spjallinu stormur í vatnsglasi,væri ekki nær að gera eina allsherjar kröfugöngu með bílum og fólki og hreinlega að hópast saman einhvers staðar og láta í okkur heyra.Hversu margir jeppar eru til á landinu,er ekki málið að senda miða á hvern jeppaeiganda,ferðaþjónustuaðila og þá sem eiga sér hag í hálendisferðum,koma þessum aðilum saman og gera eins og frakkanir-bara gera hreinlega allt vitlaust.
Sem Ríkisþegn áttu að geta skoðað og ferðast um land þitt án vegabréfs eða diplópassa,gerum kröfu um að hver þegn geti ferðast án tommustokks og barnapíu frá Ráðaneytunum.
R-3257

hefur ekkert verið hlustað undan farið ár, það er ein gott að fara að gera sér grein fyrir því. Ég get svo sem talið upp nokkur dæmi ef ég þar að tönglast á því sama endalaust svo menn fari að skilja það.
1 Utanveganefndinn fékk hjá okkur ferla á silfurfati sem Landmælingar geta notað og sparað sér 800 kr á kílómetran = miljónir. Við erum ekkert inn framtíðarmynd þeirra
2 Ekkert er farst í hendi varðandi nýju reglugerðina.
3 Þeir gáfu skít í umsögn Samút vegna Skaftafellsþjóðgarð
4 Við fengum hvergi að koma nærri fáránlegu reglugerðinni um Snæfellsjökulsþjóðgarðinum ofl ofl og svona verður framtíðinn ef við skríðum endalaust niður í holur eða stingum höfðinu í sandinn

Sú heimild er einsdæmi í veröldinni, hvernig í veröldinni dettur þér í hug að slá um þig með þessari þvælu. Að þetta sé einsdæmi í veröldinni. Að Þetta sé einsdæmi í veröldinni. Veist þú herra formaður hvernig þessu er háttað í Tadzikistan. Kazastan.Turkkmenistan. Súdan, Rúslandi, Bólevíu, El Salvador m/m.
Hversu margar athugasemdir gerði Samút við reglugerðina, voru það 15 eða ?
Hversu margar voru teknar til greina.
Var tekið tillit til 2 eða 3 eða

maður bara ekki hætt þegar maður les þetta.
Að skapa pirring, á maður að vera svona hræddur við umhverfisráðuneyti að maður þori ekki að taka afstöðu eða að láta í ljós álit sitt. Eru það skilboðinn til félagsmanna. eigum við að segja félagsmönnum að þeigja svo enginn verði sár. Þetta hefði kannski átt að segja við Einar þegar hann tók Árna Bragason í gegn á utanvegar þinginu

Það sem er á dagskrá núna, er nýja reglugerðinn. Og þar þarf að byrga brunnin áður en skaðinn er skeður. Við vitum allir að það er á brattan að sækja eftir á, þó það sé ekki ómulegt að ná fram breytingum. Hvað varðar Snæfellsjökulsþjóðgarð þá ska ég svara því sérstaklega í öðrum pistli. Þó ætla ég að minna á að, á þeim tíma töluðum við um að sú reglugerð gæti verið fordæmisgefandi gagnvart öðrum stöðum, sem varð síðan reindin, hvað varðar Skaftafellsþjóðgarð

Mér finnst mál til komið að Stjórnin sendi frá sér fréttatilkynningu um málið og skýri frá staðreyndum málsins.
Ef við vekjum athygli á þessari vitleysu í fjölmiðlum, þá vaknar líka hinn almenni félagsmaður og aðrir sem eru að ferðast sem ekki eru í þessu félagi.
Þetta eru ekki nema einhverjir 70 manns sem sjá þessi skrif hér og svo kíkja þeir 2-3 á þráðinn til að lesa sem skýrir teljarann.
Það er alveg klárt að við fáum ENGU fram með því að skrifa eitthvað hér á þennan spjallþráð.
Ef við upplýsum fjölmiðla vel um fáránleikan sem í þessum drögum felast þá þætti mér gaman að heyra viðtal við einhvern þessari nefnd því það er ekki hægt að verja þessi lög með neinum hætti og þau þjóna engum hagsmunum nema kannski þeirra sem vilja útrýma "Torfærutröllunum".
Við ættum kannski að fara að beyta okkur fyrir því að banna gönguskíðafólk með þeim rökum að "strikin" eftir skíðin eru svo ljót og þyrnir í augum,það er jafn fárálegt.
Það er akkúrat núna sem við eigum að fá til okkar fjölmiðlafulltrúa eins og talað var um á aðalfundinum og þangað til að heppilegur aðili finnst í það verk þá liggur beinast við að formaðurinn gangi í það verk.
Við verðum að gera okkur grein fyrir því að þetta er bara byrjunin á útrýminguni því við erum svo auðvelt skotmark.
Þeir sem ekki bera hönd fyrir höfuð sér verður bara slátrað og öfgafull sjónarmið þeirra sem sem hafa sig mest í frammi gegn okkur hafa vinningin.

Kveðja,

Glanni.

Drög að REGLUGERÐ um takmarkanir á umferð í náttúru Íslands.

1. gr.
Markmið.
Markmið reglugerðar þessarar er að stuðla að samskiptum manns og umhverfis þannig að hvorki spillist líf né land. Jafnframt að umgengni um náttúruna sé með þeim hætti að ekki hljótist af náttúruspjöll.

2. gr.
Gildissvið.
Reglugerð þessi gildir á landinu öllu hvort sem er á eignarlandi, þjóðlendu eða afrétti. Á friðlýstum svæðum geta gilt sérákvæði um takmörkun á umferð umfram það sem segir í reglugerð þessari.

3. gr.
Skilgreiningar.
Merking hugtaka í reglugerð þessari er sem hér segir:

Afréttur: Landsvæði utan byggðar sem að staðaldri hefur verið notað til sumarbeitar fyrir búfé.

Búsvæði: Staðir eða svæði þar sem tegund getur þrifist.

Björgunarstörf: Öll störf sem miða að því að bjarga fólki úr háska eða að tryggja almannaheill með því að bjarga mannvirkjum eða öðrum verðmætum vegna náttúruhamfara, eldsvoða eða annarrar vár.

Eignarland: Landsvæði sem er háð einkaeignarrétti þannig að eigandi landsins fer með öll venjuleg eignarráð þess innan þeirra marka sem lög segja til um á hverjum tíma.

Landmælingar: Söfnun og úrvinnsla nauðsynlegra staðfræðilegra og landfræðilegra upplýsinga er hafa gildi fyrir landmælingar og kortagerð.

Línulagnir, vegalagnir og lagning annarra veitukerfa: Lagning og viðhald vega, lína og lagna svo sem raflína, ljósleiðara, hitaveitulagna, vatnslagna eða annarra veitukerfa sem hafa fengið leyfi stjórnvalda samkvæmt lögum.

Náttúruspjöll: Spjöll á gróðri, jarðvegi, jarðmyndunum og landslagi hvort sem um varanlegan eða tímabundinn skaða er að ræða. Myndun slóða og hjólfara hvort sem er á grónu landi, þar með töldu mosavöxnu landi, eða ógrónu svo sem melum og söndum.

Rannsóknir: Lögbundnar og aðrar rannsóknir sem eru í samræmi við leyfi stjórnvalda samkvæmt lögum.
Vegur: Varanlegur vegur, gata, götuslóði, stígur, húsasund, brú, torg, bifreiðastæði eða þess háttar, sem notað er að staðaldri til umferðar.

Vélknúið ökutæki: Ökutæki búið aflvél til að knýja það áfram,á hjólum, beltum, völtum, meiðum eða öðru, sem ætlað er til aksturs á landi og eigi rennur á spori.

Þjóðlenda: Landsvæði utan eignarlanda þó að einstaklingar eða lögaðilar kunni að eiga þar takmörkuð eignarréttindi.

Náttúruminjar: Náttúruverndarsvæði, lífverur, búsvæði þeirra, vistgerðir og vistkerfi sem eru á náttúruminjaskrá.

Náttúruverndarsvæði: Friðlýst svæði, þ.e. þjóðgarðar, friðlönd, fólkvangar, og náttúruvætti, önnur svæði og náttúrumyndanir sem eru á náttúruminjaskrá. Afmörkuð svæði á landi og sjó sem njóta verndar samkvæmt öðrum lögum vegna náttúru eða landslags.

4. gr.
Akstur utan vega.
Bannað er að aka vélknúnum ökutækjum utan vega í náttúru Íslands. Heimilt þó að aka vélknúnum ökutækjum á jöklum og snævi þakinni og frosinni jörð. Jörð telst snævi þakin ef snjólag er 50 cm. þykkt eða meira.
Við akstur vegna starfa við landbúnað er heimilt að aka utan vega á ræktuðu landi og landi sem sérstaklega er skipulagt sem landbúnaðarland ef ekki hljótast af því náttúruspjöll.

5. gr
Akstur utan vega vegna tiltekinna starfa.
Þrátt fyrir ákvæði 4. gr. er heimilt ef nauðsyn krefur að aka vélknúnum ökutækjum utan vega vegna starfa við línulagnir, vegalagnir og lagningu annarra veitukerfa, björgunarstörf, rannsóknir, landmælingar og landbúnað enda sé ekki unnt að framkvæma viðkomandi störf á annan hátt. Sérstök aðgát skal viðhöfð við aksturinn þannig að ekki hljótist af náttúruspjöll. Hafa skal fullnægjandi útbúnað til slíks aksturs. Við framkvæmdir og þess háttar athafnir skal leita leiða til að flytja efni og annað sem til þarf á þann hátt að ekki sé þörf á akstri utan vega, svo sem flutning á snjó.

6. gr.
Umferð ríðandi manna og rekstur hrossa.
Þegar farið er ríðandi um landið skal fylgt skipulögðum reiðstígum eins og kostur er. Á ferð um hálendi og önnur lítt gróin svæði skulu menn hafa tiltækt nægilegt aðflutt fóður fyrir hross sín. Heimilt er mönnum, að fengnu leyfi eiganda eða rétthafa eignarlands þegar við á, að slá upp aðhöldum eða næturhólfum, enda valdi það ekki náttúruspjöllum. Á hálendi skal þeim valinn staður á ógrónu landi sé þess kostur. Þar sem svo háttar til skal haft samráð við landverði eða umsjónaraðila á staðnum um leiðarval og áningarstaði þegar farið er um eða dvalist á náttúruverndarsvæðum. Þegar farið er eftir gömlum þjóðleiðum þar sem þær eru markaðar í landið skal ávallt fara með hross í lest eða mest hafa tvö hross til reiðar. Bannað er að reka hrossastóð yfir gróið land þannig að náttúruspjöll hljótist af eða hætta skapist á náttúruspjöllum.

7. gr
Umferð hjólandi manna.
Þegar farið er á reiðhjólum um landið skal fylgja vegum og skipulögðum reiðhjólastígum eins og kostur er svo ekki hljótist af náttúruspjöll eða hætta skapist á þeim.

8. gr
Takmörkun umferðar og lokun svæða.
Umhverfisstofnun getur í verndarskyni takmarkað umferð tímabundið eða lokað svæðum í óbyggðum enda hafi stofnunin að jafnaði gert grein fyrir fyrirhugaðri lokun í skýrslu til umhverfisráðherra. Slíkar reglur skal umhverfisráðherra staðfesta og birta í Stjórnartíðindum.

9. gr.
Viðurlög.
Brot gegn reglugerð þessari varða sektum eða fangelsi allt að tveimur árum.

10. gr.
Gildistaka.
Reglugerð þessi er sett samkvæmt heimild í 16., 17., 19. og 32. gr. laga nr. 44/1999 um náttúrvernd. Reglugerð þessi öðlast þegar gildi. Frá sama tíma fellur úr gildi reglugerð nr. 619/1998 um akstur í óbyggðum.

Umhverfisráðuneytinu, 19. apríl 2005.

Þó getur maður ekki verið sáttur við það að þurfa að vinna gegna svona yfirgengilegri vanþekkingu opinbera starfsmann sem þiggja laun frá okkur. Maður fer að efast um hæfnis kröfur umhverfisráðuneytisins þegar fólk er fengið til starfa. Mér þykir það allavega lámarks krafa að þeir sem fjalla um ákveðin mál hafi lámarks þekkingu á viðfangsefninu.

Frábært að þetta skuli vera í höfn og þetta fáranlega áhvæði þurkað út.
Nú er bara halda áfram og snúa þessari þróun við þar sem að virðist sem að það sé sótt að okkur úr mörgum áttum þ.e.a.s snúa vörn í sókn, og reyna að vera einu skrefi á undan þessu fólki sem allt virðist gera til að útrýma jeppamönnum.
Kv.
Glanni.