Tomcat á Íslandi!

ER eitthvað vitað um verð á svona græju og hvort að það verði eitthvað vandamál að láta skrá þessa bíla hér á klakanum.

Líttu á tomcat.is þar er hægt að komast í samband við Tomcat á Íslandi og sjá gripinn. En síðan er inni til reynslu, verður tekin niður og lagfærð á næstu dögum vegna smá myndavesens. þassir bílar fást á mjög breiðu verðbili, háð því hvernig kaupandinn vill taka við honum.

"Drifhlutföllin eru 3,54:1 sem gerir þau sterk og skilur eftir rúm til breytinga ef eigendur vilja einhverra hlut vegna lækka drifhlutföllin."

Þetta skilur eftir 2 spurningar:

1. Hver eru hlutföllin í gírkassanum á 40" dekkjum.

2. Er hægt að fá þetta lítandi út eins og bíl.

þetta virkar fyrir mér eins afsteypa af buggybíl úr henni Ameríku á aðeins stærri hjólum,mér finnst nú að það hefði mátt leggja meiri hugsun í boddý,

Sá að tæpt var fjálglega á léttleika kvikindisins, en hvergi sagt hve þungt það er (að ég gat fundið).

Hvað er þetta þungt?

nú jæja þarna eru allar myndir sem mar þarf, svo bara fara útí skúr og kópera 😛

Jæja, er einhver búinn að kaupa?

Hefurðu einhverja hugmynd um verðið.
Hvert er verðbilið, hvað myndi td kosta kit með minnsta mótornum vs kit með stærsta mótornum. Hvað get ég fengið hann dýrastann?
Bara pælingar.

Ég held ég verði að játa mig sigraðan, held að Ástþór Magnússon verði næsti forseti og guð má vita hvað skeður þá

Ætla að skoða þetta eitthvað, skal svo segja þér sögu sem byrjar hér en endir kemur þegar ég verð búinn að finna eitthvað gott eða vont við þessa mongólíta sem langar í svona hihihi

Fyrir langalanga löngu, var forfaðir minn Grettir sterki sem bjó að Sölum á Tálknafirði. Þessi bær var talinn vera jólasveinabær, enda var aldrei fært í þennan bæ nema rétt um jólin og komst þá enginn vegna þess að enginn var heima, sögur fóru að spinnast um að þarna gæti verið Patrolmaður á ferð sem vildi ekki láta nokkurn mann sjá sig á þessari tegund sem hafði verið plötuð inn á hann af óprútnum sölumönnum.

Þótti þessi saga trúverðug enda yfirleitt flestir Patrol eigendur að fela sig, hvort sem er inn í skúr eða skipaskurðum sem þeir höfðu búið til með þessum eðalvögnum einum saman, til þess að reyna fela sig, en alltaf komu leppalúðarnir á Toyotu og björguðu málum.

Ekki hefur heyrst af björgunleiðangri þar sem Toyota var ekki með, nema þar sem þurfti að kalla út annan björgunarhóp vegna Toyotuleysis…………….

framhald þegar ég er búinn að finna eitthva sniðugt um þessa matchbox bíla.

Tómasarkveðja
Jónas

Sæll Toyletti, það er e.t.v. ekki við hæfi að nota þennan vettvang til að halda uppi ákafri sölumennsku af minni hálfu. Ef þú vilt frekari upplýsingar um Tomcat jeppana er þér velkomið að hafa samband á info@tomcat.is og þar getum við kastað vangaveltum á milli okkar án nokkurar skuldbindingar af þinni hálfu.
En úr því að spurningin er kominn í loftið væri auðvitað dónalegt af mér að svara engu. Svo ég misnota gestrisni 4×4 spjallborðsins og segi: Tomcat jeppinn í kit-formi getur kostað frá milljón og uppúr háð útbúnaði og kröfum kaupandans ásamt getu hanns til að leggja eitthvað af mörkum sjálfur í vinnu og íhlutum. Það er reyndar þannig að þó Tomcat jeppin sé í raun Land Rover þá hafa menn verið að setja ólíkustu og ólíklegustu orkuver og skiptingar í þá. En ég held reyndar að Rover V8 verði seint slegið við. En í framhaldi af verð vangaveltum fæst hreint ógurlega vel útbúinn 38" Tomcat fyrir rúmar 4 milljónir.
Þú spyrð "Hvað get ég fengið hann dýrastan?" Vilji menn jafnvel ganga enn lengra með spili aftan og framan, eða central spil eins og visælt er í Tomcat, portaxle (e.k.Unimog system), skriðgír, upphitaðri framrúðu, kösturum á húdd og topp, innbyggðum lofttjökkum (til að skipta um dekk eða losa sig), stillanlegum hemlum, fly off vökvahandbremsu með sér stimplum, stillanlegum gas/loft samsláttarpúðum, dislokeringarbúnaði fyrir fjöðrun aftan og framan, GPS tengdan myndatökubúnað með 4 myndavélum (til að documentera afrekin), aukamiðstöðum, 12-230V Inverter, rafsuðu og hvað vilja menn setja fleira í bílana sína. Allt þetta fyrir rúmar 6 miljónir gæti ég trúað.

Hafðu endilega samband á info@tomcat.is og viðraðu þínar hugmyndir, þú ert ekki einn í þjáningum þínum.

Bestu kveðjur

Þorsteinn