Tölvukubbur í Toy 2,4 efi

Sæll Skúli
Ég veit að [url=http://www.superchips.is:1zc49ys7]Superchips á Íslandi[/url:1zc49ys7] er að selja tölvukubba í þessa vél. Ég sendi inn fyrirspurn fyrir 2 árum og fékk þá þessi svör

Sp : Hver verður helsta breytingin við tölvukubbinn?
Sv : Breytingin skilar sér að miklu leiti í tog aukningu. Þú finnur kannski ekki mikin mun í upptaki (ef hann er mikið upphækkaður) en þú munt finna mun þar sem bifreiðin þarf að taka á eins og t.d. í brekkum eða við að draga kerrur. Einnig við framúrakstur og eins er tíminn betri á ferðinni t.d milli 30km og 50km. Sem sagt hann verður allur léttari í akstri sem nemur 10% í hö og 15% í
togi.

Sp : Hefur þetta áhrif á bensíneyðslu?
Sv : Aðal markmið svona breytinga er að reyna að auka afl bifreiðar, stundum á kostnað mengunar og jaðar reglugerða sem eru ekki í gildi hér á landi og verða það örugglega ekki í nánustu framtíð.
Superchips úti fullyrða litla sem enga breytingu í eyðslu.
Reynsla mín er þannig að ef þú keyrir "eðlilega" rólega þá er eyðslan svipuð og reyndar oft á tíðum minni!
En við ótæpilegan akstur hefur vitnast meiri eyðsla.
Sem dæmi þá var Ford Mondeo 1,6 mældur fyrir og eftir breytingu, reyndar var um breytingu yfir í 98oktana bensín, og kom niðurstaðan skemmtilega á óvart.
Á tankfylli fór hann fyrir breytingu 600km og af því 100km á langkeyrslu en eftir breytingu 650km og var það allt innanbæjar keyrsla við c.a.10 gráðu lægra hitastig.
En eins og ég segi þá er aðal markmiðið að auka afl bifreiðar og hefur þess vegna eldsneytissparnaður verið óvæntur en ánægulegur fylgifiskur.

Sp : Hefur þessi breyting áhrif á endingu bílsins?
Sv : Ekki hafa komið upp nein vandkvæði hvað þetta varðar nema þegar menn hafa verið að reyna að setja þetta sjálfir í án nægilegrar kunnáttu.
Áhrif á vélarhluti á ekki að eiga sér stað, ef það er grunur á að það sé eitthvað að vélarhlutum þá er ekki æskilegt að setja kubb í bifreiðina af þeirri einföldu ástæðu að honum yrði kennt um ef eitthvað bilar þó svo að það væri honum að öllu leiti óviðkomandi.
Það á ekki að setja kubba í vélar sem eru illa stilltar, með gangtruflunum eða eitthvað þess háttar.

Sp : Ég er með flækjur í bílnum, hefur það áhrif á aflaukningu?
Sv : Flækjur gera ekkert nema gott fyrir bifreiðina og með því að setja kubb og kraftloftsíu í bifreiðina þá er ertu kominn með góða þrennu.
Aflið af kubbnum mun skila sér betur ef flækjur eru til staðar.

Sp : Á hvaða snúningi á breytingin að hafa mest áhrif?
Sv : Afl aukningin kemur að mestu við lægri snúning þar sem togið er aðalþátturinn en síðan einnig á hærri snúning þar sem hestöflin fara að skila sér. Reyndar er þetta vél með frekar lágt snúningssvið þannig að það má búast við því að mestan munin sé að finna á lægri snúningssviði.

Það væri gaman að heyra frá einhverjum sem hefur prófað þetta og hver reynslan hefur verið.

Kveðja
Bjarki

Sælir.

Má ekki aðeins pæla í þessum kubbum sem Benni talaði um á síðasta fundi? Hann sagði þá auka afl bensín túrbó bíla um 25-35%, og kubbinn vera viðbót v. tölvuna sem er til staðar í bílnum.

Mér fanst það hljóma spennandi.

Emil