Tölvuborð

var með svona í bílnum mínum og þetta þrælvirkaði!
Er með svona til sölu ef þig vantar?

Björgvin.

Ef ég ætti teikningu af þessu væri það ekkert mál.

Ég er nýbúin að smíða mér sjálfur nett og þægilegt tölvuborð, efnið sem ég notaði í það var gamall veggfótur fyrir sjónvarp sem ég átti, það var smá vinna við að breita þessu og útfæra en það er að virka mjög vel hjá mér en kostað smá suðu og slípivinnu, set inn mynd við tækifæri af þessu hjá mér.

Kveðja Addi Ö-1435

setti svona tölvu borð í Mussóinn hjá mér og það þrælvirkar ef þú vilt skoða getur þú hringt Gsm:6943308

Get nú ekki alveg fallist á að ram-festingarnar séu eitthvað sérlega fyrirferðamiklar, nema maður missi sig algjörlega í kúluliðafjölda.
Hef verið með ram í tveimur síðustu bílum og finnst hafa reynsta vel. Því styttri sem armarnir eru, því stöðugri – en svo er auðvitað hægt að fá allskonar stífur með þessu líka.
Ram-dótið kostar aðeins meira en að smíða þetta sjálfur og mér finnast borðin þeirra einstaklega ljót. Lét skera fyrir borð úr glæru plexíi í krúserinn (það kostaði hálfan handlegg) og kann mikið betur við það.
EE.

Þetta er reyndar mjög góð ábending hjá þér Freyr, enda ekki von á öðru
Ég veit svosem ekki hvort eftirfarandi upplýsingar koma að einhverju gagni, en í mínum fjallabíl er borðið ekki framí. Ástæðan var reyndar fyrst og fremst sú að ég keypti mér stóran bíl til að hafa mikið pláss inni í honum, og fannst því asnalegt að hafa tölvuborð í mælaborðinu sem skyggði á allt.
Þegar hönnunin á innri smíði bílsins fór að skýrast ákvað ég að færa tölvuna aftur í en hafa snertiskjá framí, og reyndar lyklaborð líka (ofan á mælaborðinu). Auðvitað hefði verið einfaldara að kaupa bara stórt og gott GPS tæki, en af því að ferðamennskan hjá mér snýst ekki bara um að spóla, heldur er líka stundum svona pínu lúxus, vildi ég hafa lappann með líka.
Svo… Í stað tveggja stóla og bekks eru í bílnum í dag fjórir stakir stólar (reyndar er sá fimmti stundum í skottinu, aðallega til að hafa eitthvað þar).
Á milli stólanna fram í er sérsmíðað geymslubox og á milli stólanna aftur í er annað stærra, sem hýsir reyndar líka bassabotn. Framan á það er skrúfuð kúla og svo er einn svona klemmuleggur (ram) yfir í borðið sem er staðsett nákvæmlega á milli allra sætanna (eins og skurðarpunkturinn í "X"). Það er í ca. hnjáhæð þeirra sem sitja afturí og er staðsett mitt á milli þeirra. Þeir sem eru framí eru alveg úr hættu ef til áreksturs kæmi og geta ennfremur ratað á rétta takka á útvarpinu án þess að þurfa að giska.
Þeir sem eru afturí þurfa að vera óbundnir, ótrúlega smávaxnir og enn óheppnari ef borðið á að geta valdið þeim tjóni.
Einstaka sinnum þarf maður að teygja sig afturí og ýta á einn eða tvo takka, en oftast er hægt að nota lyklaborið og snertiskjáinn framí. Þetta er því besta setup á tölvuborði sem ég haft í bíl hjá mér.
Reyndar kom lengi vel til greina að hafa tölvuna einhverstaðar úr augsýn (t.d. í hanskahólfinu… ég er á krúser :-)) en þessi lausn varð ofan á til að auðveldara væri að t.d. skipta um disk í tölvunni o.þ.h.
Já já… ekki allir löngu hættir að lesa?
kv.
Einar Elí