tjúna isuzu

..veit ekki betur en að þú eigir alveg 450 hö mótor uppí hillu 😛 hvernig væri bara að skella honum í 😛

Eflaust er einhversstaðar til tölvukubbur fyrir þennann mótor.

3" pústið myndi gera að verkum að túrbínan kæmi örlítið fyrr inn og væri fljótari upp á snúning.

Fá þér háflæðiloftsíu. Ekki fá þér K&N, mér skilst á mönnum að olían í þeim sé til vandræða í skynjurum. Green síur og fleiri þurrsíur eru góðar, jafnvel að nota orginal síu fyrir rykið á sumrin.

Gætir fengið einhvern suðumann með þér í það að smíða nýja pústgrein, skipta steyptu greininni út fyrir röragrein með góðum beygjum. Þetta er ekki erfitt, tekur bara smá stund að finna út hvernig þú vilt að rörin liggi. Passa að hafa nógu þykkt í þessu, greinin þarf að halda uppi túrbínunni og þola hitann á sama tíma. Notaðu frekar rör með 3mm veggþykkt en púströr í þetta. 😉

Þú gætir slegið 2 flugur í einu höggi og fengið þér snorkel, gott í vatnið og svo færðu kalt og gott loft. Í framhaldi af snorkelinu gætirðu lagt sverari lagnir með góðum beygjum að túrbínu, intercooler og að loftinntaki til að loftið flæði almennilega.

Vatnsúði á intercooler, önnur breyting sem er ekki flókin en tekur tíma að púsla saman og finna besta staðinn fyrir spíssann.

Svo geturðu misst þig og farið að opna mótorinn, portað heddið til að loftið flæði vel.

Lækkað þjöppu til að geta boostað meira, vatnsinnspíting (lækkar afgashita), gasinnspýting (betri eldsneytisnýting) og margt fleira.

Ég myndi samt byrja á loftinntaki og pústi og fleiri hlutum sem auðvelt er að skipta út.