Tjaldvagn í vanda

Ég heyrði eitt trix en ætla ekki að ábyrgjast gagnið af þessu.
Ef þú setur undir vagninn flugvéladekk og pumpar bara 2-3 pund í dekkin er vagninn lungamjúkur á malarvegum og þegar hann er keyrður upp í hraða veldur miðflóttaaflið því að þau keyra á ,,tánni" á dekkjunum. Þú veist að flugvéladekk er eins og V í laginu.

þetta á að gera vagninn betri til að taka misfellurnar og þar af leiðandi liðast hann síður í sundur.

Ég lofa engu en þetta var ráð sem tendó gaf mér, ég trúi honum bara.
kv Jónsi

Þú skrifaðir:
—–
Ég er búinn að skrölta um hálendið með combicamp tjaldvagn í sumar og hann er allur að detta í sundur! Hvað er til ráða? Þarf að setja loftpúða undir eða dugar að setja fjaðrir!
—–
Ég ætla einmitt að skrölta um hálendið í sumar og langar að vita hvort þú leystir málið og þá hvernig.

Ég er ekkert búin að gera í sambandi við tjaldvagninn ennþá! En ef þið vitið um ódýra lausn…

Kveðja, Geir

Ódýrasta og einfaldasta leiðin er líklega að setja fjaðrir, það þarf að fá heppilegar fjaðrir sem passa þyngdinni. Gormar og loftpúðar kalla á meiri smíði, en mjög hvort sem um púða eða gorma er að ræða.
Fjaðrir geta virkað fínt ef þær eru góðar, ég hef t.d. keyrt á eftir fellihýsi inn í Þórsmörk sem búið var að skipta um fjaðrir undir, er með afturfjaðrir undan Scout, og virkaði það fínt, fjaðraði mjög vel. En eins og flestir líklega vita þá eru fjaðrir undir flestum fellihýsum ekki gerðar úr fjaðrandi efni, og henta eingöngu á malbiki.
Sjálfur er ég með loftpúða undir tjaldvagni, ein af ástæðunum fyrir því að ég valdi púða en ekki gorma er til að geta lækkað hann þegar ég tjalda, stækkaði dekkin þegar ég breytti, fór úr 8" felgum í 13". Líka er hægt að hækka hann tölvert ef aðstæður kalla á það. Stærri dekk eru alltaf líka kostur þar sem þau detta ekki eins langt ofan í holurnar.
Eitt til viðbótar er líka að setja dempara sama hvaða fjöðrun verður fyrir valinu.

Kv. Helgi