This topic contains 13 replies, has 1 voice, and was last updated by 
-
Topic
-
Sælir félagar í jeppa- og vefheimi.
Ég er einn af þeim (vonandi fleiri en ég) sem er alltaf með f4x4.is síðuna opna og fylgist með því sem hér fer fram.
Mig langar að benda ykkur á, að titill greinar á að vera lýsandi fyrir efnið sem skrifað er um. Það auðveldar þeim sem fylgjast hér með, að sjá um hvað er verið að fjalla og hvort þá langi/vilji til að lesa það sem fjallað er um.
Menn kvarta alltaf reglulega yfir því að eyða tíma sínum í að opna og lesa greinar, sem ekki bera lýsandi titil, af forvitni og von um að eitthvað fróðlegt eða skemmtilegt sé þar að finna og myndi þetta atriði klárlega breyta þar miklu um.
Við megum ekki gleyma því, að við erum ekki eingöngu að skrifa fyrir okkur sjálf. Það geta allir lesið þetta(nema innanfélagsmál).
Við, sem skrifum hér, eru að auglýsa þennan félagsskap, starfsemi hans og tilvist. Við verðum að átta okkur á því og standa vörð um það.
Ástandið hefur þó skánaði mikið núna sl. mánuði og klárlega er batnandi mönnum er best að lifa.
Þeir, sem fylgjast með öðrum þráðum (forums) , erlendis sérstaklega, þar sem menn þekkjast lítið sem ekki neitt, taka kannski eftir því að þar haga menn sér allt öðruvísi (í flestum tilfellum). Þar ber meira á almennri kurteisi, háttvísi og þakka menn yfirleitt fyrir sig þegar svör hafa fengist.
Hnitmiðaðar greinar eða fyrirspurnir (spjall finnst mér ekki eiga við, þar sem þetta er á ritmáli) koma efninu betur til skila, eykur hróður klúbbsins og dregur að sér fleiri lesendur. Lesendur sem sjá sér vonandi hag í því að ganga inn í þennan félagsskap og njóta þess sem hann hefur upp á að bjóða.
Ég vona að þetta hljómi ekki eins og einhver skammarræða heldur hvatning til að gera betur.Góðar stundir.
Bragi Þór Jónsson
R3862
-
Replies
-
……….Og skammist ykkar síðan.
Örn
Sælir félagar,
ég vil heils hugar taka undir orð Braga, og vil hvetja okkur líka til að hafa titil auglýsinga með sama hætti, þ.e. láta þar koma fram hvað er verið að auglýsa. Það eykur áhrifamátt auglýsinganna og einfaldar leit lesendanna.
Dæmi: -Til sölu- , -Patról til sölu-.
Bestu kveðjur,
Ingi
Spurning um að smella bara liðinu á Íslenskunámskeið og kenna öllum réttritun. Sumum gengur mjög illa að koma máli sínu rétt frá sér.
Ekki væri verra að geta boðið líka upp á aukakennslu fyrir þá sem skilja bara alls ekki alvöru Íslensku.
–
Í alvöru…. Farið úr bænum ha ha ha :-Ð
"Hnitmiðaðar greinar og fyrirspurnir." Í nútíðinni kallast þetta bara "spjall"
Svei mér þá það mætti halda að einhverjir væru hér í framboði því formlegheitin eru ROSALEG.
Over and out …..nei ég meinti sko yfir og út ha ha
THANKYOUVERYNÆS!!!!!!!!!!!!!!!!!
Ég vil taka undir ábendingar Braga. Það eykur líkur á að auglýsing skili árangri ef menn leggja smá hugsun í fyrirsögnina. Það er líka ómaksins virði, fyrir þá sem hafa eitthvað til málanna að leggja á spjallinu, að nota lýsandi fyrirsagnir. Fyrir þá sem þurfa að hafa aðeins fyrir stafsetningunni, þá er mjög gagnlegt verkfæri [url=http://vefur.puki.is/vefpuki/:3tgrlkln]hér[/url:3tgrlkln].
-Einar
Það hefur aldrei angrað mig þó menn skrifi ekki alveg kórrétta stafsetningu eða málfræði enda eins gott fyrir mig að vera ekki að röfla mikið, mín stafsetning stenst oftar en ekki illa nánari skoðun. Mér finnst mikilvægara að fólk þori að tjá sig heldur en að allt sé 100% réttritun.
Ég dáist að sumum sem skrifa hérna og á aðrar svipaðar síður sem eiga greinilega í talsverðu basli með að koma orðunum rétt á blað en láta sig hafa það frekar en að þegja. Og oft er síðan ráðist á þennan veikleika þegar menn fara að rökræða og það finnst mér yfirleitt merki um rökþrot þegar menn fara að ráðast hvernig menn skrifa frekar en hvað menn skrifa.
En eins og nafni minn Eik bendir á eru til hjálpartól til að létta sér skriftirnar, bæði er hægt að nota aðferðina sem hann bendir á og síðan eru líka til viðbætur við bæði Internet Explorer og Firefox sem les yfir textann jafnóðum og skrifað er og undirstrika og leggur til breitingar þar sem rangt er skrifað. Og þessar viðbætur eru í báðum tilfellum algjörlega fríar.
Ég á einhverstaðar leiðbeiningar um hvernig þetta er sett upp sem ég skrifaði einhvertíman fyrir vinnufélaga mína ef einhver hefur áhuga, þetta er mjög einfallt að setja upp.
Ég hef verið með stafsetningarorðabókina lengi við tölvuna mína, gríp í hana annað slagið þegar ég er í vafa með hvernig orð eru stafsett. En ég segi samt ekki að ég sé með stafsetninguna uppá 10. Svo er nú líka gott ráð að lesa yfir textann áður enn ýtt er á hnappinn "Í lagi"
En það er annað atriði sem ég vil nefna hérna sem ég hef séð mjög mikið hérna á þessu "spjalli" og finnst mér mun meira pirrandi heldur en stafsetning og titill greinar. Þetta bölvaða "Off topic" sem sumir stunda. Alveg merkilegt að það má ekki nefna annað hvort patrol eða toyota í grein og þá er byrjaður þessi stanslausi metingur um það hvort er betra. Leiðinlegt að lesa greinar sem byrja t.d. á einhverju hjálparkalli útaf einhverri bilun og svo snýst hún útí einhvað kjaftæði sem tengist greininni ekki neitt.
Ert þú ekki sjálfur kominn off topic hérna Brynjólfur, hefði ekki verið nær að stofna bara annan þráð um þetta? Logi.
off topic. Humm hum væri ekki nær að nota íslensku fyrst menn eru að gagnrýna menn fyrir íslensku og framsetningu
Ég las allan þráðinn yfir og ég sé ekki betur en að þessi skrif passi inní þessa umræðu.
Ofsi – menn hafa verið að gagnrýna íslenskuna í ljósi stafsetningar ekki að það megi ekki skrifa útlensk orð. Og það sem ég skrifaði um það var ekki meint sem gagnrýni á neinn heldur sem góð ráð til að minnka stafsetningarvillurnar.
kv.
Brynjólfur.
Þið eruð, með fullri virðingu, öll hundleiðinleg!!!! Svona svona skottist þið nú dúllurnar og farið að tala um eitthvað skemmtilegt eins og snjóalög á fjöllum, hvað V8 bensínvélar með blöndung eru heimskulegar og hvað Patrol er kraftmikill.
Ástarkveðja
Kiddi
Sælir félagar,
Þegar ég hafði lesið erindi Braga, í þriðja sinn, í leit að ummælum hans er varða stafsetningu annarra uppgötvaði ég að þau eru ekki til staðar (Ritháttur og réttritun er ekki það sama.) Þeim mun hafa verið bætt í þessa umræðu af öðrum sleggjudómurum. Þannig vill til að sum innlegg í þessa umræði sýna einmitt í verki, það mein sem Bragi bendir á.
Ég tek heilshugar undir þá athugasemd Braga að hér ríkir, af hendi einstakra aðila, dæmlaust umburðar- og virðingarleysi fyrir bæði skoðunum og aðstæðum annarra. Finnst mér þetta mikill dónaskapur.
Kveðja,
Sigurbjartur
[i:xtp3er4q][b:xtp3er4q]"Þið eruð, með fullri virðingu, öll hundleiðinleg!!!! Svona svona skottist þið nú dúllurnar og farið að tala um eitthvað skemmtilegt eins og snjóalög á fjöllum, hvað V8 bensínvélar með blöndung eru heimskulegar og hvað Patrol er kraftmikill."[/b:xtp3er4q][/i:xtp3er4q]
Ef að menn hafa ekkert uppbyggilegt og vitsmunalegt að bæta í umræðuna þá eiga þeir að halda sér til hlés. Þeir sem vilja lesa um snjóalög og bensínvélar ættu að geta fundið þræði sem heita "Snjóalög" og "V8 Bensín" og lesið þá í staðin fyrir að vera með svona skemmtileg innskot sem gera ekkert annað en að ræna þræðinum og snúa honum uppí rifrildi og vitleysu.
Ef að spjall hluti vefsins væri settur upp eins og hjá öllum öðrum spjallborðum, ekki svona allir flokkar í einum graut eftir því hver skrifaði síðast þá væri þetta ekki eins mikið mál.
You must be logged in to reply to this topic.