This topic contains 10 replies, has 7 voices, and was last updated by 
-
Topic
-
Góðan daginn,
var á facebook og þar er Benidikt Magnússon að segja „Flott hjá þessari nýju bílaleigu …. Þar getur maður leigt bíl sem er útbúinn til Utanvegaaksturs … Skildi þá vera meðfylgjandi aur til að borga sektina ?“
Svo ef maður fer á heimasíðu bílaleigunnar og setur inn slóðina á myndinni sem Magnús vísar í sem er þessi….. https://www.caritas.is/cars/?
Er ekki rétt að klúbburinn beiti sér einhvernveginn út af þessu !!
Kveðja Hjörtur SS
-
Replies
-
Jú, það finnst mér.
Það er rétt að þetta er mjög klaufalegur texti hjá þeim og þeir ættu að breyta honum.
Það getur hver sem er sent póst á support@caritas.is og bent þeim á að laga þetta.
Ég sendi þeim póst í morgun.Kveðja,
Hafliði
Er búinn að fá svar frá caritas þar sem þeir segjast muni taka athugasemdina til greina. Þetta er þessi klassíski misskilningur á hvað Offroad í USA merkir. Ég stakk upp á við þá að nota frekar texta „Útbúinn fyrir erfiða vegi“ eða eitthvað álíka.
Kveðja,
Hafliði
Góðan daginn,
gott hjá þér Hafliði, þeir eru búnir að breyta þessu hjá sér !!
Kveðja Hjörtur, SS og JAKINN.is
Núna stendur „Útbúinn til utanvegaaksturs“
Góðan daginn,
Já það er rétt ég veitti því ekki eftirtekt. Ég held að þessi fyrirtæki geri þetta vitandi því það selur !!
Kveðja Hjörtur, SS og JAKINN.is
Er ekki hægt að kæra hvatningu til utanvegaaksturs til lögreglu?
Sæl.
Við Hjörtur fórum á fund Umhverfisstofnunnar og létum þá vita af þessari heimasíðu.
Hérna er mjög „skemmtileg“ frétt, púður í byssu lokunarsinna. Það á að gera svona hryðjuverkamenn landræka. Þetta er enginn óvitaskapur, þarna er bara óþverraskapur á ferðinni og það ætti að húðstrýkja svona vitleysinga. L.M.
http://www.mbl.is/frettir/innlent/2014/08/25/leita_vitna_vegna_utanvegaaksturs/
Anonymous- Umræður: 0
- Svör: 1
Heilir og sælir,
Fannst rétt að láta ykkur vita að textanum hefur verið breytt úr „Útbúinn til utanvegaaksturs“ í „Útbúinn til fjallvegaaksturs“.
Það var aldrei ætlun Caritas.is að hvetja til utanvegaaksturs, enda leggur Caritas.is mikla áherslu á að leigutakar fari eftir þeim lögum og reglum sem gilda í landinu. Það kemur m.a. fram í skilmálum vefsíðunnar, auk þess sem það brýnt fyrir notendum að tryggingar falli úr gildi ef um utanvegaakstur er að ræða.
Ef þið sjáið fleiri atriði sem ykkur finnst stinga í stúf, þá endilega sendið póst á netfangið support@caritas.is. Allar ábendingar og hugmyndir eru vel þegnar.
Að lokum hvet ég ykkur sem eigið bíla sem eru ekki í notkun alla daga að setja inn auglýsingu og láta ökutækið vinna fyrir ykkur. Það er alfarið í ykkar höndum hverjum þið leigið ökutækið ykkar.
Með góðum kveðjum,
Janus Guðmundsson,
stjórnarformaður Carítasar.
You must be logged in to reply to this topic.